ДӮСТӢ САРҲАД НАДОРАД. Тақдими як зумра китобу адабиётҳои Ӯзбекистон ба китобхонаи Маркази тадқиқоти стратегии назди Президенти Ҷумҳурии Тоҷикистон
ДУШАНБЕ, 21.07.2018/АМИТ «Ховар»/. Дар арафаи сафари давлатии қарибулвуқӯъи Президенти Ҷумҳурии Тоҷикистон Эмомалӣ Раҳмон ба Ҷумҳурии Ӯзбекистон дирӯз Сафири Фавқулодда ва Мухтори Ҷумҳурии Ӯзбекистон дар Ҷумҳурии Тоҷикистон Эргаш Шоисматов ҳамчун рамзи тавсеаи робитаҳои илмию фарҳангӣ байни Тоҷикистон ва Ӯзбекистон ба китобхонаи Маркази тадқиқоти стратегии назди Президенти Ҷумҳурии Тоҷикистон маҷмӯи китобу адабиётҳои гуногунро, ки тӯли солҳои истиқлолияти давлатии ин кишвари дӯст нашр гардидаанд, тақдим намуд.
Тавре хабарнигори АМИТ «Ховар» хабар медиҳад, китобҳои тақдимнамудаи Сафири Ӯзбекистон ба китобхонаи Маркази тадқиқоти стратегии назди Президенти Ҷумҳурии Тоҷикистон аз таърихи қадимаю муосир, ёдгориҳои бостонии сарзамини Ӯзбекистон, забону адабиёт, фарҳанг, этнография ва сиёсати хориҷии Ҷумҳурии Ӯзбекистон нақл мекунад ва бо забонҳои ӯзбекӣ, русӣ ва англисӣ нашр гардидаанд.
Бояд зикр намуд, ки қаблан Сафири Ӯзбекистон ба Маркази тадқиқоти стратегии назди Президенти Ҷумҳурии Тоҷикистон адабиёту китобҳои гуногун тақдим намуда буд, ки яке аз онҳо китоби «Ҷомӣ ва Навоӣ» мебошад.
Ҳамзамон байни Маркази тадқиқоти стратегии назди Президенти Ҷумҳурии Тоҷикистон ва Институти тадқиқоти стратегӣ ва минтақавии назди Президенти Ҷумҳурии Ӯзбекистон зимни сафари Президенти Ҷумҳурии Ӯзбекистон Шавкат Мирзиёев ба Ҷумҳурии Тоҷикистон дар моҳи марти соли равон Ёддошти тафоҳум оид ба ҳамкорӣ ба имзо расида буд.
Инна Блюшенко аз Швейтсария: «Мақсад дорам забони ширину шевои тоҷикиро омӯзам»
Президенти Академияи миллии илмҳои Тоҷикистон дар Конференсияи байналмилалии «Илм барои бехатарии ҷаҳон» иштирок намуд
35-СОЛАГИИ ИСТИҚЛОЛИЯТИ ДАВЛАТӢ. Дар Чойхонаи миллӣ барои дар як шабонарӯз қабули 5000 мизоҷ шароит фароҳам оварда мешавад
Ба пешвози 700-солагии Ҳофизи Шерозӣ дар Тоҷикистон барномаҳои фарҳангию маърифатӣ доир мешаванд
ШАҲРИСТОНИ ҲУЛБУК. Бозёфтҳои аз ин ёдгорӣ пайдогардида намунаи санъати олии ҳунармандӣ буда, нотакрор мебошанд
«КОРВОНИ КИТОБ». Ба китобхонаҳои шаҳру ноҳияҳои Бадахшон беш аз 6 ҳазор нусха китоб дастрас мегардад
АМИТ «Ховар» ва ҶСП «Ширкати байнидавлатии телевизион ва радиои «Мир»» Ёддошти тафоҳум ба имзо расониданд
Дар Душанбе мубодилаи барномаҳои фарҳангӣ ва намоиши филмҳо байни Тоҷикистон ва Чин баргузор гардид
Дар мавзуи ташаккул ва рушди синошиносӣ дар Тоҷикистон конфронси илмӣ доир гардид
Рӯзҳои фарҳанги Ҷумҳурии Тоҷикистон дар Ҷумҳурии Тотористони Федератсияи Русия доир гардид
Ду озмоишгоҳи Институти химияи Академияи миллии илмҳои Тоҷикистон бо технологияи муосир муҷаҳҳаз карда шуд
Рӯзҳои фарҳанги Ҷумҳурии Тоҷикистон дар Федератсияи Русия идома доранд
