Нигораҳои таърихии Тоҷикистон дар Осорхонаи номдори «Гиме»-и Франсия ба намоиш гузошта мешаванд
ДУШАНБЕ, 4.07.2018 /АМИТ «Ховар»/. Моҳи сентябри соли равон коршиносон аз Франсия ба Тоҷикистон омада, ҳамроҳ бо гурӯҳи корӣ аз Тоҷикистон корҳои амалиро ҷиҳати интихоби нигораҳои таърихии Тоҷикистон барои Намоишгоҳи Франсия шурӯъ мекунанд. Намоишгоҳ аввали соли 2019 баргузор шуда, нигораҳо тӯли се моҳ дар шаҳри Париж ба маърази дӯстдорони таърих ва осорхонаҳо гузошта мешаванд.
Дар робита ба ин дирӯз дар Вазорати фарҳанги ҷумҳурӣ Созишнома байни Тоҷикистон ва Франсия оид ба баргузории Намоишгоҳи нигораҳои таърихии Ҷумҳурии Тоҷикистон дар Осорхонаи миллии Франсия оид ба санъати кишварҳои Осиё- «Гиме» ба имзо расид.
Тавре ба хабарнигори АМИТ «Ховар» аз Вазорати фарҳанги Ҷумҳурии Тоҷикистон хабар доданд, Созишномаро дар ҳузури Вазири фарҳанги Ҷумҳурии Тоҷикистон Шамсиддин Орумбекзода ва Сафири Фавқулода ва Мухтори Ҷумҳурии Франсия дар Ҷумҳурии Тоҷикистон хонум Ясмин Гуедар директори Осорхонаи миллии Тоҷикистон Абдувалӣ Шарифзода, ки роҳбари баргузории намоишгоҳи мазкур аст, ба имзо расонид.
Баъди имзои созишнома Вазири фарҳанги ҷумҳурӣ иброз дошт, ки баргузории Намоишгоҳи нигораҳои таърихии Ҷумҳурии Тоҷикистон дар Осорхонаи номдори «Гиме» иқдоми хуб буда, онро метавон муаррифи арзандаи таърихи халқи тоҷик ба ҷаҳониён арзёбӣ намуд.
Хонум Ясмин Гуедар иброз дошт, ки ба имзорасии созишномаи тарафайн далели боварӣ ба ҳамкории судманд ва оғози марҳилаи амалии корҳои омодагӣ мебошад.
Дар муассисаҳои илмии Академияи миллии илмҳои Тоҷикистон 20 озмоишгоҳи замонавӣ ба истифода дода шуд
Донишҷӯёни тоҷики Донишкадаи умумирусиягии кинематографияи шаҳри Москва бо хобгоҳ ва стипендия таъмин карда мешаванд
НИШАСТИ МАТБУОТӢ. Донишкадаи давлатии санъати тасвирӣ ва дизайни Тоҷикистон бо 19 муассисаи таҳсилоти олии хориҷӣ ҳамкорӣ дорад
НИШАСТИ МАТБУОТӢ. Донишҷӯёни Консерваторияи миллӣ дар Озмуни ҷумҳуриявии «Тоҷикистон — Ватани азизи ман» соҳиби Шоҳҷоиза ва ҷойҳои намоён гардиданд
Агентиҳои иттилоотии Тоҷикистон ва Чин ба марҳалаи нави ҳамкорӣ ворид мешаванд
Таҳкими ҳамкорӣ дар самти дастгирии иттилоотӣ ва тарғиби сиёсати дӯстонаи Тоҷикистон ва Чин баррасӣ шуд
Ба бузургдошти мутафаккири барҷастаи тоҷик Абӯалӣ ибни Сино симпозиуми байналмилалӣ доир мешавад
Дар шаҳри Теҳрон «Шаби Тоҷикистон» баргузор гардид
Дар Китобхонаи миллии Тоҷикистон оид ба ҳамкории фарҳангии Тоҷикистон ва Фаронса мулоқот доир шуд
Фаъолияти воситаҳои ахбори оммаи Тоҷикистон ва Эрон судманд арзёбӣ гардид
НИШАСТИ МАТБУОТӢ. Олимони Академияи миллии илмҳои Тоҷикистон 30 патент барои ихтироъ ба даст оварданд
Филмҳои таҳиянамудаи «Тоҷикфилм» соҳиби 20 ҷоизаи байналмилалӣ гардиданд
