Шоми имрӯз 89-умин мавсими театрӣ бо намоиши «Ишқи нобино» ифтитоҳ мегардад
ДУШАНБЕ, 28.08.2018. /АМИТ «Ховар»/. Шоми имрӯз, 28 августи соли равон соати 18:00 дар Театри давлатии академии драмавии ба номи А. Лоҳутӣ кушодашавии 89-умин мавсими театрӣ баргузор мегардад. Аҳли эҷоди театри мазкур мухлисони худро бо намоиши нави «Ишқи нобино» пешвоз мегиранд.
Тавре аз Маркази матбуоти Вазорати фарҳанги Ҷумҳурии Тоҷикистон ба мухбири АМИТ «Ховар» хабар доданд, асари «Ишқи нобино» ба қалами нависанда Маҷид Салим тааллуқ дошта, онро Ходими хизматнишондодаи санъати Тоҷикистон Тӯрахон Аҳмадхон рӯи саҳна овардааст.
Намоиш дар бораи ишқи поки ҷавони нобино ва духтари зебо нақл мекунад. Дар намоишнома дӯстдоштагон мехоҳанд оиладор шаванд, аммо волидон ва атрофиён ин нияти онҳоро дастгирӣ намекунанд. Дар охир оё дилдодагон ба ҳамдигар мерасанд? Пас аз тамошои намоишнома маълум мегардад.
Дар нақшҳои асосӣ Ҳунарпешаҳои халқии Тоҷикистон Саодат Азизова, Бобоҷон Ҳасанов, ҳунарпешагон Насриддин Асадуллоев, Савлатмо Ақназарова, Исфандиёр Ғуломзода ва Умедҷон Бобомуродов ҳунарнамоӣ мекунанд.
Бояд зикр кард, ки «Ишқи нобино» бозгӯкунадаи арзишҳои неки ҷаҳони маънавӣ, хидмати тиббӣ, ишқу муҳаббати пок мебошад. Ин асар драмаи иҷтимоӣ буда, дар он бархӯрди ақидаву андешаҳо дар заминаи арзишҳои илмию тиббӣ ба таври бадеӣ инъикос ёфтаанд.
РӮЗИ БАЙНАЛМИЛАЛИИ ҲАДЯИ КИТОБ. Фаъолияти хуби китобхонаҳо воситаи муҳими китобхон шудани ҷомеа мегардад
ИҚДОМИ «ТОҶИКОНА МЕПӮШЕМ!». Ба либоси миллӣ – мероси аҷдодонамон арҷ мегузорем
Дар Хуҷанд масъалаи эҳё ва рушди ҳунарҳои бадеии халқӣ баррасӣ гардид
«ДИРӮЗ, ИМРӮЗ ВА ФАРДОИ ФАРҲАНГИ ТОҶИК». Таҳти чунин унвон дар Душанбе конференсияи ҷумҳуриявӣ доир гардид
Дар Тоҷикистон Озмуни ҷумҳуриявии «Роҳнамои беҳтарин» баргузор мешавад
Дар Давҳа намоиши ҳунарҳои мардумӣ ва барномаи консертии Рӯзҳои фарҳанги Ҷумҳурии Тоҷикистон доир гардид
Дар Давлати Қатар Рӯзҳои фарҳанги Ҷумҳурии Тоҷикистон идома доранд
Таҳти унвони «Робиаи Балхӣ — нахустбонуи соҳибдевони адабиёти тоҷику форс» конференсияи байналмилалӣ баргузор мешавад
Фаъолияти инноватсионӣ-методии китобхонаҳоро қонунгузории Ҷумҳурии Тоҷикистон чӣ гуна муқаррар намудааст?
«ҶАВОНОН — ЗИДДИ ТЕРРОРИЗМ». Таҳти ин унвон дар Осорхонаи миллӣ намоиши асарҳои рассомони ҷавон оғоз шуд
ПАЁМЕ, КИ НАВИДИ ПИРӮЗИҲОСТ. Иҷрои дастурҳои он роҳнамои миллати тоҷик барои фатҳи қуллаҳои нави армонҳои миллӣ аст
Донишҷӯёни Донишкадаи давлатии санъати тасвирӣ ва дизайни Тоҷикистон дар озмуни «Тоҷикистон-Ватани азизи ман» соҳиби се Шоҳҷоиза шуданд
