Дар Душанбе Форуми байналмилалии соҳибкории «Рушди соҳибкорию сармоягузорӣ ва равандҳои муосири иқтисодӣ» доир мегардад
ДУШАНБЕ, 04.09.2018/АМИТ «Ховар»/. Дар доираи таҷлили чорумин солгарди «Рӯзи соҳибкорон» таҳти сарпарастии Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон 15-16 октябри соли равон дар пойтахти кишварамон- шаҳри Душанбе Форуми чоруми байналмилалии соҳибкории Душанбе -2018 зери унвони «Рушди соҳибкорию сармоягузорӣ ва равандҳои муосири иқтисодӣ» баргузор мегардад.
Ҳамоиши байналмилалӣ бо ибтикори Кумитаи давлатии сармоягузорӣ ва идораи амволи давлатии Ҷумҳурии Тоҷикистон гузаронида шуда, дар он масъалаҳои марбут ба рушди соҳибкорию сармоягузорӣ дар кишвар матраҳ мегарданд. Форум барои муколамаи навбатӣ байни соҳибкорону сармоягузорон ва Ҳукумати Ҷумҳурии Тоҷикистон вобаста ба рушди соҳибкории инноватсионӣ дар мамлакат, тақвияти ислоҳоти иқтисодӣ ва ҷалби сармояи дохилию хориҷӣ мусоидат менамояд.
Аз Кумитаи давлатии сармоягузорӣ ва идораи амволи давлатии Ҷумҳурии Тоҷикистон ба АМИТ «Ховар» иттилоъ доданд, ки дар доираи Форуми байналмилалӣ «Рушди соҳибкорию сармоягузорӣ ва равандҳои муосири иқтисодӣ» ҳамзамон 15 октябр дар шаҳри Душанбе ҳамоиши соҳибкорони Тоҷикистону Урдун, Форуми соҳибкорони Тоҷикистону Франсия, Анҷумани соҳибкорони Тоҷикистону Қазоқистон ва намоишгоҳи маҳсулоти тавлидотии ватанӣ ташкил карда мешаванд.
Дар доираи Форум инчунин баргузории дуюмин ҷаласаи гурӯҳи кории доимӣ оид ба ҳамкории иқтисодиву саноатӣ байни Тоҷикистон ва Чехия, конфронси миллӣ дар мавзӯи «Ҷалби диаспораҳои тоҷикон ва ҳамватанони бурунмарзӣ баҳри рушди кишвар», озмун-фестивали ҷумҳуриявии «Навоварон ва ихтироъкорони наврас ва ҷавон», намоиши ҳунарҳои мардумии гирандагони гранти Президентӣ ва конфронси байналмилалии «Ташаббуси шаффофият дар соҳаи истихроҷ» дар назар аст.
Марзия САИДЗОДА,
АМИТ «Ховар»
«Саноатсодиротбонк» барои рушди истеҳсолӣ дар Вилояти Мухтори Кӯҳистони Бадахшон беш аз 130 миллион сомонӣ ҷудо намудааст
Зернизоми Декларатсияи вуруд ва хуруҷи воситаҳои нақлиёти низоми иттилоотии Хадамоти гумрук -«АСИКУДА-и ҷаҳонӣ» фаъол карда шуд
Байни Душанбе ва Пекин парвозҳои мустақим ифтитоҳ гардиданд
Намояндаи Тоҷикистон дар Форуми ҳамкории индустриалӣ ва сармоягузории «Чин – Осиёи Марказӣ» иштирок намуд
То анҷоми соли 2025 дар Минтақаи озоди иқтисодии «Данғара» корхонаҳои нав ба фаъолият оғоз менамоянд
Натиҷаҳои Конфронси байналмилалии сатҳи баланд оид ба ҳифзи пиряхҳо дар Брюссел муаррифӣ карда шуд
Форуми сармоягузории Тоҷикистон ва Қирғизистон баргузор мегардад
Дар Душанбе самтҳои муҳими ҳамкории Тоҷикистон ва Чин дар соҳаи моликияти зеҳнӣ баррасӣ шуд
Гармхонаҳои инноватсионии шаҳри Леваканд фаъолияти босамар доранд
Намояндаи Тоҷикистон дар ҷаласаи Комиссияи панаврупоии СҶТ оид ба иқлим ва тандурустӣ иштирок намуд
Шуруъ аз 16 июн байни шаҳрҳои Душанбе ва Пекин парвозҳои мустақим анҷом дода мешаванд
Дар Хуҷанд Форуми байналмилалии «Имкониятҳои тиҷоратӣ, сармоягузорӣ ва дурнамои ҳамкорӣ» баргузор гардид
