Дар Кӯлоб муҷассамаи устод Рӯдакӣ дубора қомат афрохт

Сентябрь 22, 2018 12:20

КӮЛОБ, 22.09.2018. /АМИТ «Ховар»/. Бахшида ба  Рӯзи Рӯдакӣ субҳи  имрӯз дар назди бинои маъмурии Донишгоҳи давлатии Кӯлоб муҷассамаи сардафтари адабиёти форсу тоҷик, шоири забардаст, султони шоирон Абӯабдуллоҳи Рӯдакӣ,  ки  донишгоҳи мазкур ба исми ин абармарди дунёи шеър гузошта шудааст, қомат афрохт.

Тавре хабарнигори минтақавии АМИТ «Ховар» хабар медиҳад, дар ҷамъомаде, ки бо ин мақсад доир гардид,  раиси шаҳри Кӯлоб Хайруллоҳ Амонуллоҳ, ректори Донишгоҳи давлатии Кӯлоб  Абдулло Ҳабибулло,  муовини Вазири маориф ва илми ҷумҳурӣ  Раҳматулло Мирбобоев, шоирону нависандагон, роҳбарону мудирони макотиби олию миёнаи шаҳр, инчунин донишҷӯён ширкат доштанд.

Раиси шаҳри Кӯлоб Хайруллоҳ Амонуллоҳ дар назди иштирокдорони ин ҷамъомад  дар бораи аҳамияти осори Рӯдаки  барои миллати куҳанбунёди тоҷик ибрози андеша намуд. Номбурда, аз ҷумла, зикр кард, ки   осори устод Рӯдакӣ дар замони имрӯза, пеш аз ҳама, дар тарбияи ҷавонони  мамлакат, дар дӯст доштани Ватан, эҳтиром гузоштан ба   фарҳангу арзишҳои миллӣ,  доро шудан ба хислатҳои неки инсонӣ   нақши   муассир  дорад.

Дар ҷамъомад ҳамчунин  ректори Донишгоҳи давлатии Кӯлоб  Абдулло Ҳабибулло зикр кард, ки  осори Рӯдакӣ  на танҳо барои таълиму тарбия, балки барои ба вуҷуд овардани дастурҳои таълимӣ, китобҳои дарсӣ низ ба манфиат хоҳад буд.

«Қомат афрохтани муҷассамаи Устод Рӯдакӣ дар назди донишгоҳи мо  шаҳомати   ин даргоҳро афзуда,  он ҳидоятест ба   донишҷӯёну сокинони шаҳр, ки мисли устод Рӯдакӣ ҳамеша тараннумгари  андешаҳои инсонпарварона ва номбардори миллат бошанд », — афзуд А.Ҳабибулло.

Ёдовар мешавем, ки  баъди  сохтмони бинои нави ҳафтошёнаи Донишгоҳи давлати шаҳри Кӯлоб  ҳайкали устод Рӯдакӣ баъди навсозӣ  дубора  дар назди ин донишгоҳ  қомат афрохт.

Дар  фарҷоми чорабинӣ  ба як қатор фаъолони донишгоҳ,  ки дар  баланд бардоштани таълиму тарбия  саҳм гузоштаанд,  ифтихорномаву сипосномаҳо  тақдим гардид.

Сентябрь 22, 2018 12:20

Хабарҳои дигари ин бахш

Бо ташаббуси Агентии ҳифзи мероси таърихию фарҳангӣ дар ноҳияи Ховалинг Рӯзи Ваҳдати миллӣ ҷашн гирифта шуд
Шоири халқии Тоҷикистон Камол Насрулло: «Ҳақиқат ин аст, ки Пешвои миллат ваҳдатро бунёд гузошту таҳким доду қавӣ сохт»
Дар Осорхонаи миллӣ гӯшаи доимоамалкунандаи «Ваҳдати миллӣ» ташкил гардидааст
Тамоми комёбиҳои миллат ва саодати рӯзгори мардум аз иттиҳоди миллӣ ибтидо мегирад
«ЭМОМАЛӢ РАҲМОН – МЕЪМОРИ СУЛҲУ ВАҲДАТ». Дар Вазорати фарҳанг ҳамоиши илмӣ доир гардид
Таҳти унвони «Қисса ва ҳикояҳо» китоби Абдурофеъ Рабизода нашр гардид
«ДАР МЕҲМОНИИ ДУШАНБЕ». Фестивали байналмилалии эҷодиёти бадеии кӯдакон ва наврасони ИДМ оғоз гардид
Дар Агентии ҳифзи мероси таърихию фарҳангӣ таҳти унвони «Ваҳдати миллат — бақои миллат!» ҳамоиш баргузор шуд
Дар ёдгории Ҳалқаҷари ноҳияи Хуросон бозёфти нодири таърихӣ — «обкӯзаи хонуми Сагкин» кашф гардид
«Душанбе — нусхае аз биҳишт». Таҳти ин унвон дар васфи пойтахти Тоҷикистон китоб ба нашр расид
Донишҷӯдухтарони Донишгоҳи давлатии Кӯлоб ба меҳмонони хориҷӣ либосҳои миллиро намоиш доданд
Дар Институти биологии Помир озмоишгоҳи биотехнологӣ ба истифода дода шуд