Дастаи мунтахаби наврасони Тоҷикистонро дар фурудгоҳи шаҳри Душанбе гарму ҷӯшон истиқбол гирифтанд
ДУШАНБЕ, 10.10.2018 /АМИТ «Ховар»/. Дастаи мунтахаби наврасони Тоҷикистон оид ба футбол бо медалҳои нуқраи Чемпионати Осиё ба пойтахти кишварамон –шаҳри Душанбе баргашт. Ҳазорон нафар мухлисон ба ҳавои номусоиди боронӣ нигоҳ накарда, ба пешвози қаҳрамонҳо омада буданд. Садои карнаю сурнай ба фалак печид.
Президенти Федератсияи футболи мамлакат, Раиси шаҳри Душанбе Рустами Эмомалӣ, ки дастоварди футболбозони навраси тоҷик ба ӯ мансубияти бештар дорад, дар толори нави пешвозгирии фурудгоҳ футболбозонро истиқбол гирифт.
Сипас дар саҳни фурдгоҳ дар назди ҳазорон нафар мухлисон, ки бо нидоҳои “офарин-офарин” футболбозонро пешвоз гирифтанд, Президенти ФФТ Рустами Эмомалӣ суханронӣ карда, бори дигар футболбозонро бо медалҳои нуқра ва роҳхат ба бозиҳои ниҳоии Чемпионати ҷаҳон -2019, ки дар Перу мегузарад, табрику муборакбод намуд.
Сармураббии дастаи мунтахаби наврасони Тоҷикистон Зайниддин Раҳимов барои муҳайё кардани шароити мусоид ҷиҳати омода кардани футболбозон ба бозиҳои Чемпионати Осиё ба роҳбарияти футболи кишвар изҳори минатдорӣ кард.
Капитани дастаи мунтахаби Тоҷикистон Эмомалӣ Аҳмадхон низ дар назди ҳозирин сухан карда, ваъда дод, ки минбаъд баҳри баланд бардоштани обрӯю нуфузи футболи Тоҷикистон дар арсаи байналмилалӣ ва хосатан соли оянда дар Чемпионати ҷаҳон байни наврасон- дар Перу тамоми қувваю маҳоратро сарф менамоянд.
Маросими истиқболи футболбозон дар фурудгоҳ бо иҷрои суруди миллӣ ба поён расид ва футболбозон дар мусофиркаши махсуси орододашуда, ки шояд ягона дар Тоҷикистон бошад, бо меҳмонону иштирокдорони маросими истиқбол рӯ ба майдони Дӯстӣ оварданд.
Дар майдони Дӯстӣ футболбозони наврас дар ҳузури мухлисон ба пояи ҳайкали Исмоили Сомонӣ гулчанбар гузоштанд.
Ҳоло барандагони медалҳои нуқраи Чемпионати Осиё бо мухлисону меҳмонон дар Варзишгоҳи марказии шаҳри Душанбе қарор доранд. Дар идомаи чорабиниҳо онҳоро консерти идона бо иштироки сарояндагони машҳури кишвар ва тамошобинони сершумор интизоранд.
Ҳайати дастаи мунтахаби Тоҷикистон барои бозиҳои дӯстона бо дастаҳои Озарбойҷон, Фаластин ва Чин муайян гардид
Душанбе маротибаи дуюм мизбони Ҷоми ҷаҳон оид ба самбо мегардад
Варзишгари тоҷик Ҷаҳонгир Камолов дар Мусобиқаи байналмилалии Ҷоми АвруОсиё соҳиби медали тилло шуд
Дар Кумитаи миллии олимпии Тоҷикистон бо варзишгарон-шиноварони Тоҷикистон вохӯрӣ доир гардид
Бахшида ба 35-солагии Истиқлоли давлатӣ дар Нуробод иншооти нави таълимӣ, варзишӣ ва хизматрасонӣ ифтитоҳ гардид
Варзишгарони тоҷик дар Бозиҳои XX Осиёӣ иштирок менамоянд
Дар Олмон бахшида ба 35-солагии Истиқлоли давлатии Тоҷикистон мусобиқаи муштараки футбол доир шуд
Мусобиқаи байналмилалӣ оид ба теннис барои дарёфти «Ҷоми Президенти Ҷумҳурии Тоҷикистон» оғоз гардид
Дар шаҳри Ҳисор бо иштироки муовини Сарвазири Тоҷикистон ду иншооти варзишӣ ба истифода дода шуд
Дастаи мунтахаби ҷавонони Тоҷикистон (U-20) ба марҳилаи ниҳоии Ҷоми Осиё-2027 роҳ ёфт
Дар Тоҷикистон нахустин толори варзишии шамшербозии «Шеру Шамшер» ифтитоҳ шуд
ҶОМИ ОСИЁ-2027. Дастаи мунтахаби Тоҷикистон (U-20) дар бозии даври дуюми марҳилаи интихобӣ тими Афғонистонро мағлуб кард
