ДЕВАШТИЧ : Беш аз 110 000 тонна картошка истеҳсол намуданианд

Октябрь 11, 2018 10:17

ДУШАНБЕ, 11.10.2018./АМИТ «Ховар»/. Хоҷагиҳои кишоварзии ноҳияи Деваштич тасмим гирифтаанд имсол 110 550 тонна картошка истеҳсол намоянд, ки ин нисбат ба соли гузашта 10 000 тонна зиёд мебошад. Дар ин бора  хадамоти матбуоти Раиси вилояти Суғд хабар додааст.

Тибқи иттилои масъулини соҳаи кишоварзии ноҳия, соли равон майдони кишти картошка дар ҳамаи шаклҳои хоҷагидорӣ 4 422 гектарро ташкил медиҳад, ки аз он  3257,7 гектарро картошказори  хоҷагиҳои кишоварзӣ ва 1164,3 гектарро замини картошкаи аҳолӣ ташкил медиҳад. Майдони кишти картошка нисбат ба солҳои қаблӣ 647 гектар,  аз ҷумла,  619 гектар аз ҳисоби хоҷагиҳои кишоварзӣ ва боқимонда 28 гектар аз аҳолӣ  зиёд гардидааст.

То имрӯз бештар аз 2000 гектар майдони картошкаи ҳоҷагиҳои кишоварзии ноҳия наздики 52000 тонна ҳосил ҷамъоварӣ гардида, дар ин самт корҳо идома доранд.

Хоҷагиҳои кишоварзии ноҳия барои васеъ намудани майдони картошка, баланд бардоштани ҳосилнокии он ва ба ин васила таъмини бозори дохилӣ бо картошкаи хушсифат аз имкониятҳои мавҷуда пурсамар истифода бурда, кӯшиш менамоянд, ки мардумро бо картошкаи босифати худӣ таъмин созанд.

Октябрь 11, 2018 10:17

Хабарҳои дигари ин бахш

Дар Тоҷикистон беш аз 1 миллион тонна картошка истеҳсол гардидааст
Дар Душанбе таҳти унвони «Муқовимат ба коррупсия дар соҳаи тиҷорат» форуми байналмилалӣ доир мегардад
Дар Тоҷикистон дар даҳ моҳ беш аз 14 ҳазор тонна ресмони пахтагин истеҳсол гардидааст
РАҚАМИКУНОНӢ-ВОСИТАИ МУАССИРИ МУҚОВИМАТ БА КОРРУПСИЯ. Андешаҳои оид ба имконият ва хавфҳои вобаста ба он
Ғолибони Озмуни ҷумҳуриявии «Ихтироъкорон ва навоварони Тоҷикистон барои солҳои 2023-2024» қадрдонӣ гардиданд
Дар Душанбе Фестивали намоиш-фурӯши картошка баргузор гардид
Дар Вазорати рушди иқтисод ва савдо сатҳи омодагии Вилояти Мухтори Кӯҳистони Бадахшон ба зимистонгузаронӣ баррасӣ шуд
Имрӯз дар Душанбе Фестивали картошка баргузор мегардад
Намояндагони вилояти Ленингради Русия бо корхонаҳои истеҳсолии Минтақаи озоди иқтисодии «Данғара» шинос шуданд
Дар Тоҷикистон Фестивали картошка баргузор мешавад
Тоҷикистон дорои иқтидори бузурги гидроэнергетикӣ мебошад
ИСТИФОДАИ САМАРАНОКИ ЗАМИН. Дар ноҳияи Фархор ҳамоиши илмию амалӣ доир шуд