Ғазалҳои Камоли Хуҷандӣ бори аввал ба забони немисӣ тарҷума ва нашр шуданд
ДУШАНБЕ, 8.12.2018. /АМИТ «Ховар»/. Маҷмӯаи ғазалҳои Камоли Хуҷандӣ таҳти унвони «Ишқи минӯӣ» бо забони немисӣ ба нашр расид. Маҷмӯа дар тарҷумаи Александр Ҳайзер тариқи нашриёти «Ношир»-и шаҳри Хуҷанд интишор ва дастраси хонандагон гардид.
Тавре аз хадамоти матбуоти Раиси вилояти Суғд ба АМИТ «Ховар» хабар доданд, китоб фарогири тарҷумаи 17 ғазали Шайх Камоли Хуҷандӣ мебошад, ки бо муҳаббати хос аз ҷониби профессор аз Ҷумҳурии Федеративии Германия, раиси Ҷамъияти дӯстии Германия-Тоҷикистон Александр Ҳайзер анҷом пазируфтааст. Ашъори Шайх Камол бори аввал ба забони немисӣ тарҷума ва нашр мешавад.
Ба иттилои манбаъ, «Ишқи минӯӣ» бо пешгуфтори профессор Матлубаи Мирзоюнус роҷеъ ба зиндагӣ ва осори Камоли Хуҷандӣ оғоз шуда, ба хонандагони немис дар мавриди шинохти шахсияти шоири номвари тоҷик маълумоти ибтидоӣ медиҳад. Китоб бо ду забон — тоҷикӣ ва немисӣ нашр шудааст ва шомили маҳбубтарин ғазалҳои Камол мебошад.
Ёдрас мешавем, ки Камоли Хуҷандӣ яке аз донишмандони бузурги садаи XIV ба шумор меравад. Ӯ соли 1321 дар шаҳри Хуҷанд дида ба ҷаҳон кушодааст. Шоир дар ҳузури устодон аз китоби машҳури Саккокӣ «Мифтоҳ», ки дар он айём асоси таълими забон ва адабиёт ба шумор мерафт, «Алкашшоф»-и Замахшарӣ, «Матолеъ», «Мисбоҳ» ва ғайра дарс омӯхтааст.
Пас аз даргузашт аз шоир танҳо 14 ҳазор байт ёфтаанд, ки аз он шумор то замони мо зиёда аз 7 ҳазор байт расидааст.
Дар нашриёти «Эр Граф» «Фарҳанги тафсирии истилоҳоти осорхонашиносӣ» аз чоп баромад
Оид ба омӯзиши таърих ва тамаддуни халқи тоҷик дар замони соҳибистиқлолӣ конфронси илмӣ баргузор гардид
ТУҲФАИ АРЗАНДАИ ПРЕЗИДЕНТИ ТОҶИКИСТОН. Тақдими китоби «Шоҳнома» ба беш аз 48 ҳазор оилаи шаҳри Ҳисор оғоз шуд
«ТОҶИКИСТОН — ВАТАНИ АЗИЗИ МАН». Даври сеюми озмуни ҷумҳуриявӣ моҳи сентябр оғоз мегардад
Дар остонаи ҷашни Истиқлоли давлатӣ китоби «Корномаҳои ҷовидонаи Пешвои муаззами миллат» аз чоп баромад
«Шоҳнома»-и Ҳаким Фирдавсӣ бузургтарин мактаб дар тарбияи худшиносии миллӣ мебошад
Муовини Сарвазири Беларус дар Осорхонаи миллии Тоҷикистон бо таъриху фарҳанги тоҷикон шинос гардид
МУҶАССАМАИ ИСМОИЛИ СОМОНӢ. Аз ифтитоҳи ин маҷмааи миллӣ 26 сол пур шуд
Оид ба нақши Тоҷикистон дар ҳалли масъалаҳои обу иқлим конференсияи ҷумҳуриявӣ баргузор шуд
Дар Академияи миллии илмҳои Тоҷикистон 34-солагии Истиқлолияти давлатиро ҷашн гирифтанд
«ФАЙЗИ ИСТИҚЛОЛ». Дар Осорхонаи миллӣ намоиши ҷашнии асарҳои рассомони ҷавони тоҷик ифтитоҳ ёфт
Дар Институти биологии Помир оид ба рушди илму дониш дар замони истиқлол ҳамоиш доир шуд
