Корхонаҳои саноатии Ёвон соли 2018 ҳаҷми истеҳсоли маҳсулотро ба 1 млрд. 345 миллион сомонӣ расониданд
ЁВОН, 28.01.2019 /АМИТ «Ховар»/. Корхонаҳои саноатии и ноҳияи Ёвон соли 2018 ҳаҷми истеҳсоли маҳсулоти саноатиро ба 1 млрд. 345 миллион сомонӣ расониданд. Ин нисбат ба соли 2017 23.4 млн. сомонӣ зиёд буда, 101,8 фоизро ташкил медиҳад. Дар ин бора ба хабарнигори минтақавии АМИТ «Ховар» мудири бахши саноат ва сохтмони ноҳия Қиматулло Раҳмонов иттилоъ дод.
Бо шарофати Истиқлолияти давлатӣ ва фароҳам гардидани фазои орому субот дар ҷумҳурӣ аз моҳи декабри соли 2015 Ёвон ба ноҳияи содиркунандаи маҳсулоти саноатӣ табдил ёфт. Соли 2018 аз корхонаҳои истеҳсоли сементи ҶДММ “Хуаксин Ғаюр семент” ба миқдори 460 ҳазору 39,5 тонна семент, ҶДММ “Чжунгтсай моҳир семент” ба миқдори 502 ҳазору 400 тонна семент, аз корхонаи истеҳсоли гачкартони ҶДММ “Хуачиан Ғаюр индастриал” ба миқдори 385 ҳазор дона гачкартон, аз корхонаи истеҳсоли намаки ошии ҶДММ “Намаки Ёвон” 35 тонна намак, аз фабрикаи истеҳсоли маҳсулоти дўзандагии ҶДММ “Ваҳдат” 3 млн. 928,4 ҳазор ҷуфт ҷӯроб, 104,6 тонна риштаи рангкардашуда, 1251,1 тонна риштаҳои пахтагин ва аз корхонаи ҶДММ “Талко Кемикал” 2068,4 тонна алюминийи фтордор ва 60 тонна криолит, ки дар маҷмӯъ 471 млн. 671 ҳазору 813 сомониро ташкил дода, нисбат ба соли 2017 190 млн. 973,9 ҳазор сомонӣ зиёд мебошанд, ба хориҷи мамлакат содирот гардиданд.
Тибқи иттилои манбаъ, соли 2018 аз 43 корхонаи саноатии ноҳия 41 корхона фаъолият дошта, 2 корхона бо сабабҳои гуногун фаъолият накарданд. Дар баробари ин, соли 2018 9 корхонаю коргоҳҳои истеҳсолӣ бо 136 ҷойи кор мавриди истифода қарор дода шуданд.
Ноҳияи Ёвон аз нигоҳи муҳит ва ҷойгиршавии ҷуғрофӣ барои ташкили корхонаҳои истеҳсолию саноатӣ мувофиқ буда, мавриди интихоби соҳибкорон қарор мегирад. Ин аст, ки дар ин давра Нозироти андози ноҳия 760 соҳибкорро ба тариқи патент, 116 соҳибкорро бо шаҳодатнома ва 4 хоҷагии деҳқониро аз нав ба қайд гирифт.
Барномаи рушди иҷтимоию иқтисодии ноҳияи Ёвон барои солҳои 2016-2020 243 лоиҳаро ба маблағи 695,1 млн. сомонӣ дар бар мегирад. То ҳолати 1 январи соли 2019 214 лоиҳа ба маблағи 2 млрд. 59,9 млн. сомонӣ ба иҷро расидаанд. Ҳамчунин дар ин давра 11 лоиҳаи давлатии сармоягузорӣ амалӣ шуда истода, маблағи истифодашуда 53,7 млн. доллари америкоиро ташкил медиҳад.
Губернатори Ҳукумати мардумии музофоти Шэнсии Чин бо фаъолияти Минтақаи озоди иқтисодии «Данғара» шинос шуд
Тоҷикистон дар муборизаи байналмилалӣ барои ҳифзи бабри барфӣ саҳм мегузорад
МАСЛИҲАТИ МУТАХАССИС. Норасоии намӣ ба решаи дарахтон самаранокии боғотро паст мекунад
Густариши ҳамкории вилояти Хатлон бо музофоти Шэнсӣ баррасӣ шуд
Дар Душанбе ҳамкории иқтисодӣ ва татбиқи лоиҳаҳои муштараки Тоҷикистону Чин баррасӣ гардид
РӮЗИ ҶАҲОНИИ БЕХАТАРИИ ОЗУҚАВОРӢ. Бо мақсади таъмини бехатарии маҳсулот дар Тоҷикистон 14 озмоишгоҳ фаъолият дорад
Сарфаи неруи барқ танҳо вазифаи давлатӣ нест, балки масъулияти ахлоқии ҳар як шаҳрванди мамлакат аст
«IMPERIУA TECHSTREAM — 2025». Дар Душанбе барои наврасон нахустин озмуни технологияҳои иттилоотӣ баргузор гардид
РӮЗИ БАЙНАЛМИЛАЛИИ МУҲИТИ ЗИСТ. Баҳодур Шерализода: «Ҷомеаи ҷаҳон Тоҷикистонро ҳамчун давлати ташаббускор дар соҳаи обу иқлим ва ҳифзи пиряхҳо эътироф намудааст»
Бонки рушди Созмони ҳамкории Шанхай таъсис дода мешавад
Байни Тоҷикистон ва Қирғизистон Протокол оид ба мубодилаи маълумоти пешакии гумрукӣ дар бораи интиқоли молу воситаҳои нақлиёт ба имзо расид
Ҷаласаи 80-уми Шурои роҳбарони хадамотҳои гумруки давлатҳои иштирокдори Иттиҳоди Давлатҳои Мустақил баргузор гардид
