«НИГОҲ БА СӮИ ОЯНДА». Таҳти ин унвон Универсиадаи патентии авруосиёӣ баргузор мегардад
ДУШАНБЕ, 14.01.2019 /АМИТ «Ховар»/. Аз 1 январ то 9 сентябр бо мақсади дастгирии ҷавонони болаёқат ва баланд бардоштани шавқу рағбати онҳо ба масъалаҳои моликияти зеҳнӣ Универсиадаи патентии авруосиёӣ- «Нигоҳ ба сӯи оянда» баргузор мешавад. Дар ин бора аз Маркази миллии патенту иттилооти Вазорати рушди иқтисод ва савдои Ҷумҳурии Тоҷикистон ба АМИТ «Ховар» хабар доданд.
Барои иштирок дар универсиада толибилмони муассисаҳои таҳсилоти миёнаи ҳамагонӣ, миёнаи касбӣ, олӣ, инчунин дигар шахсони ҳавасманди аз 10 то 25-сола даъват карда мешаванд.
Ба иттилои манбаъ, универсиада аз рӯи ду категорияи синнусолӣ дар намуди озмуни корҳои эҷодӣ ё лоиҳаҳо аз рӯи мавзӯъҳои зерин баргузор мешавад:
- категорияи I синнусолӣ (аз 10 то 17-сола) — «Аз афсона-ба ҳаёт: ҳалҳои ҷолиб»;
- категорияи II синнусолӣ (аз 18 то 25-сола) — «Оянда аз назари ҷавонон: аз ғоя то патент».
Корҳои эҷодӣ ё лоиҳаи эҷодӣ метавонанд ҳам аз ҷониби иштирокчии алоҳидаи универсиада ва ҳам аз ҷониби гурӯҳи иштирокчиён мустақилона ё таҳти назорати роҳбари илмӣ иҷро карда шаванд.
Корҳои эҷодӣ (лоиҳаҳои эҷодӣ) ба Идораи патентии авруосиёӣ дар муҳлати аз 1 январ то 30 апрел дар шакли қоғаз ба суроғаи зерин равон карда шаванд: Россия, 109012, ш. Москва, хиёбони М. Черкасский, бинои 2. Дар якҷоягӣ бо кори эҷодӣ (лоиҳаи эҷодӣ) ба Идораи патентии авруосиёӣ ариза барои иштирок дар универсиада равон карда мешавад.
Як иштирокчии универсиада (гурӯҳи иштирокчиён) соли равон метавонад як кори эҷодӣ ё як лоиҳаи эҷодиро равон намоянд.
Туҳфаи асосии ғолибони универсиада- ин ташриф ба қароргоҳи Идораи патентии авруосиёӣ дар шаҳри Москваи Федератсияи Россия барои шиносоӣ мебошад.
Ғолибони Универсиада бо медали Идораи патентии авруосиёӣ «Нигоҳ ба сӯи ба оянда», туҳфаҳои қиматбаҳо ва дипломҳо сарфароз гардонида мешаванд.
Туҳфаи Президенти Тоҷикистон — «Шоҳнома»-и Абулқосим Фирдавсӣ ба ноҳияи Мастчоҳ расид
ҲИФЗИ МЕРОСИ МИЛЛӢ ДАР ТОҶИКИСТОН. Тавассути сиёсати хирадмандона имрӯз ҷаҳониён бо таъриху фарҳанги миллати мо шинос мешаванд
Донишкадаи давлатии санъати тасвирӣ ва дизайни Тоҷикистон бо «Россотрудничество» ҳамкориро густариш медиҳад
Дар Институти масъалаҳои об, гидроэнергетика ва экология озмоишгоҳи муштараки муҳити экологӣ ба истифода дода шуд
Фестивали байналмилалии «Сӯзании Панҷакент» баргузор мешавад
«Харитаи хатсайри Шӯриши Восеъ» таҳия мегардад
«ФАРҲАНГИ СУМАНАКПАЗӢ». Номинатсияи миллии Ҷумҳурии Тоҷикистон ба Феҳристи мероси фарҳанги ғайримоддии ЮНЕСКО ворид гардид
РӮЗИ БАЙНАЛМИЛАЛИИ РАССОМОН. Ин ҳунар дар Тоҷикистон беш аз ҳазор сол пеш ба вуҷуд омадааст
«ҲИФЗИ МЕРОС». Бо мақсади муаррифии сазовори таъриху фарҳанги миллати тоҷик маҷаллаи илмӣ ба нашр расид
РӮЗҲОИ ФАРҲАНГИ ЧИН ДАР ТОҶИКИСТОН. Дар Донишкадаи давлатии фарҳанг ва санъат барномаи фарҳангӣ доир шуд
«МАВЛОНО ВА ТАМАДДУНИ ИНСОНӢ». Ин китоби Президенти Ҷумҳурии Тоҷикистон дар озмуни байналмилалӣ сазовори ҷойи якум гардид
Байни АМИТ «Ховар» ва Агентии иттилоотии «S.P.A»-и Арабистони Саудӣ Ёддошти тафоҳум оид ба ҳамкорӣ дар соҳаи мубодилаи иттилоот ба имзо расид
