Саридораи геология бо корхонаҳои соҳавии мамлакатҳои хориҷӣ ҳамкории судманд ба роҳ мондааст
ДУШАНБЕ, 30.01.2019 /АМИТ «Ховар»/. Соли 2018 миёни Саридораи геологияи назди Ҳукумати Ҷумҳурии Тоҷикистон ва Хадамоти геологияи Британияи Кабир Ёддошти тафоҳум оид ба ҳамкорӣ дар соҳаи геология ва истифодаи қаъри замин ба имзо расид. Дар ин бора Сардори Саридораи геологияи назди Ҳукумати Ҷумҳурии Тоҷикистон Илҳомҷон Оймуҳаммадзода имрӯз зимни нишасти матбуотии ин ниҳод маълумот дод.
Зикр шуд, ки дар доираи санади мазкур дар соҳаи геология, такмили раванди идоракунии маълумоти геологӣ, баланд бардоштани малакаву маҳорати кормандон, тайёр намудани мутахассисон ва дигар самтҳое, ки барои соҳа заруранд, ҳамкории дуҷониба ба роҳ монда шудааст.
Ҳамчунин дар ин давра миёни сохторҳои марбут ба соҳаи геологияи Ҷумҳурии Тоҷикистон ва Ҷумҳурии Ӯзбекистон Созишномаи ҳамкорӣ ба имзо расида, ҳамкории мутақобилан судманди дуҷониба ба роҳ монда шуд.
Дар асоси Созишномаи мазкур, ки бо ташаббуси Сарварони ду давлати ба ҳам дӯст- Эмомалӣ Раҳмон ва Шавкат Мирзиёев ба имзо расид, геологҳои ду кишвар дар минтақаҳои наздисарҳадӣ корҳои муштараки илмӣ- тадқиқотӣ мебаранд.
Ёдовар мешавем, ки Саридораи геология соли сипаригардида дар доираи санадҳои меъёриву ҳуқуқии соҳавӣ ва «Барномаи давлатии рушди соҳаи геологияи Ҷумҳурии Тоҷикистон барои солҳои 2012-2020» фаъолияти худро ба роҳ монд.
СОҲАИ ПАХТАКОРӢ МУНОСИБАТИ ҶИДДӢ ТАЛАБ МЕКУНАД. Он ба амнияти озуқаворӣ, рушди саноати сабук ва афзоиши содирот вобаста аст
Соли 2025 дар Тоҷикистон 236 километр роҳҳои мошингард ва иншооти роҳу нақлиёт бунёд гардид
Дар Вилояти Мухтори Кӯҳистони Бадахшон 96 тонна асал истеҳсол карда шуд
Дар 7 соли охир дар Тоҷикистон беш аз 2600 корхонаи саноатӣ ба фаъолият оғоз намудааст
Таъсиси Шурои миллии об дар Тоҷикистон қадами муҳим дар самти идоракунии устувори захираҳои об аст
Кишоварзони Тоҷикистон соли 2026 дар беш аз 274 ҳазор гектар зироати ғалладонагӣ кишт менамоянд
Дар ҶСК «Барқи Тоҷик» самти энергетикии Паёми Президенти Тоҷикистон ба Маҷлиси Олӣ баррасӣ гардид
Сарфаи неруи барқ на танҳо ба коҳиши хароҷоти оилавӣ, балки ба самаранокии неруи барқ низ мусоидат менамояд
Тоҷикистон ва Узбекистон оид ба истифодаи долони нақлиётӣ, ки Чинро бо Аврупо мепайвандад, ба мувофиқа расиданд
Сохтмони хати барқии баландшиддати ҳавоӣ аз зеристгоҳи «Равшан» то зеристгоҳи «Шаҳринав-2» идома дорад
Корхонаҳои саноатии ноҳияи Мастчоҳ ба маблағи беш аз 356 миллион сомонӣ маҳсулот истеҳсол намудаанд
Татбиқи барномаҳои электронии идоракунӣ ва истифодаи технологияҳои рақамӣ дар фаъолияти соҳаи об баррасӣ шуд
