Шамсиддин Орумбекзода: «Норасоии кадрҳои баландихтисоси соҳаи фарҳанг дар ҷумҳурӣ зина ба зина бартараф мегардад»
ДУШАНБЕ, 8.02.2019. /АМИТ «Ховар»/. То соли 2022 Тоҷикистон нақша дорад дар панҷ мамлакати хориҷӣ мутахассисони соҳаи фарҳанг омода намояд. Дар ин бора Вазири фарҳанги Ҷумҳурии Тоҷикистон Шамсиддин Орумбекзода имрӯз зимни нишасти матбуотӣ дар посух ба саволи мухбири АМИТ «Ховар» оид ба норасоии кадрҳо дар соҳаи фарҳанг изҳори назар кард.
Ба гуфтаи мавсуф, ин мутахассисон дар доираи татбиқи «Барномаи давлатии тайёр кардани мутахассисони соҳаи фарҳанг, санъат ва табъу нашр барои солҳои 2018-2022» дар Федератсияи Россия, Чин, Италия, Беларус ва Ўзбекистон омода карда мешаванд.
Зикр гардид, ки тайёр кардани кадрҳои болаёқати соҳаи сирк дар Омўзишгоҳи давлатии санъати сирк ва эстрадаи шаҳри Москва ба номи Румянтсев (Карандаш) ва Омўзишгоҳи ҳунарии сирки шаҳри Пекин ба нақша гирифта шудааст.
«Омодасозии мутахассисон барои соҳаи театр, опера ва балет дар Академияи санъати театрии Россия (ГИТИС), Академияи балети русии шаҳри Санкт-Петербург ба номи А.Я.Ваганов ва Академияи «Белканто интернешнл»-и шаҳри Милани Италия, оркестри симфонӣ- дар Консерваторияи давлатии Москва ва Консерваторияи давлатии шаҳри Санкт-Петербург ба номи Н. Римский –Корсаков, кормандони осорхонаҳо- дар Донишгоҳи давлатии фарҳанг ва санъати ш. Санкт-Петербург, Академияи бадеии Россия ба номи Грабар (ш. Москва) ба нақша гирифта шудааст»,- иброз дошт Вазири фарҳанги ҷумҳурӣ.
Тайёр кардани кадрҳои баландихтисоси соҳаи фарҳанг дар ҳолест, ки Пешвои миллат муҳтарам Эмомалӣ Раҳмон дар Паёми хеш соли 2017 аз набудани кадрҳои баландихтисос дар соҳаи фарҳанги мамлакат изҳори нигаронӣ карда, Вазорати фарҳангро вазифадор намуданд, ки дар доираи татбиқи «Барномаи давлатии тайёр кардани мутахассисони соҳаи фарҳанг, санъат ва табъу нашр барои солҳои 2018-2022» мушкилоти ҷойдоштаро сари вақт бартараф намояд.
Вазири фарҳанг Шамсиддин Орумбекзода дар идомаи нишаст иброз дошт, ки таъмини иҷрои самараноки барнома бо амалӣ намудани маблағгузорӣ аз соли 2019 оғоз гардида, норасоии кадрҳои баландихтисоси соҳаи фарҳанг дар ҷумҳурӣ зина ба зина бартараф мегардад.
Масъалаи дастрасӣ ба оби нӯшокии устувор бо намояндагони ЮНИСЕФ дар Тоҷикистон баррасӣ гардид
Академик Фарҳод Раҳимӣ: «Бунёди Маҷмааи эҳёи хотираи таърихӣ ва таҳкими ҳувияти миллӣ дар Душанбе аҳамияти бузурги сиёсӣ, иҷтимоӣ, фарҳангӣ ва маънавӣ дорад»
Дар Академияи миллии илмҳо нуктаҳои асосии Паёми Президенти Тоҷикистон шарҳ дода шуд
ПЕШВОИ МИЛЛАТ — ЭҲЁГАРИ НАВРӮЗ. Пас аз Истиқлоли давлатии Тоҷикистон Наврӯз дар сатҳи байналмилалӣ ҷойгоҳ пайдо намуд
Соли 2025 — соли афзоиши устувори истифодабарандагон ва тақвияти нуфузи АМИТ «Ховар» дар фазои рақамӣ
Дар Тоҷикистон охири моҳи январ ҷашни Сада таҷлил мегардад
СОЛИ ОБОДОНИЮ СОЗАНДАГӢ. Дар ҳудуди ёдгориҳои таърихию фарҳангӣ маъракаи тозагӣ, ободонӣ ва ниҳолшинонӣ идома дорад
«КАДБОНУИ БЕҲТАРИН». Моҳи апрел дар Тоҷикистон озмуни ҷумҳуриявӣ баргузор мешавад
Озмуни «Шоҳномахонӣ» рӯйдоди муҳими фарҳангию маърифатӣ аст
1050-СОЛАГИИ РОБИАИ БАЛХӢ. Ӯ нахустин зани соҳибдевони тоҷик аст
РУШДИ ҲУНАРҲОИ МАРДУМӢ. Сӯзании Панҷакент рамзи фарҳанги миллӣ ва пешрафти ҳунарҳои дастии занони тоҷик аст
Моҳи октябр дар Тоҷикистон Озмуни ҷумҳуриявии «Донандаи беҳтарини асарҳои Пешвои миллат» доир мегардад
