Ҳайати 40-нафараи соҳибкорони Тотористон дар арафаи Наврӯз ба Душанбе меояд
![](https://khovar.tj/wp-content/uploads/2019/03/BF-730x480.jpg)
ДУШАНБЕ, 16.03.2019/АМИТ «Ховар»/. Ҳамкории мутақобилан судманди иқтисодию тиҷоратии Тоҷикистон бо Тотористон тавсеа меёбад. Баргузории Форуми соҳибкорони Тоҷикистону Тотористон, ки дар арафаи ҷашни байналмилалии Наврӯз 19 март дар шаҳри Душанбе дар назар дошта шудааст, далели ин гуфтаҳост.
Тавре аз Ҳукумати мамлакат ба АМИТ «Ховар» иттилоъ доданд, ҷиҳати иштирок дар ҳамоиши доираҳои соҳибкории Тоҷикистону Тотористон ҳайати баландпояи доираҳои тиҷоратии Тотористон таҳти роҳбарии муовини Сарвазири Ҷумҳурии Тотористон, вазири саноат ва савдо Алберт Каримов ба Тоҷикистон меояд.
Интизор меравад, ки дар ҷараёни ҳамоиш имкониятҳои сармоягузории Тоҷикистону Тотористон муаррифӣ, нишастҳои дуҷонибаи В2В доир гардида, санадҳои ҳамкорӣ байни соҳибкорон ва доираҳои тиҷоратии Тоҷикистону Тотористон ба имзо расанд.
Ҳадаф аз баргузории ҳамоиши соҳибкорони Тоҷикистону Тотористон тақвияти равобити иқтисодию тиҷоратии ҳар ду кишвар арзёбӣ мегардад.