Дар шаҳри Хоруғ соҳибкори маҳаллӣ толори варзиширо таъмир ва бо таҷҳизоти муосир таъмин намуд

Март 2, 2019 10:29

ХОРУҒ, 02.02.2019 /АМИТ «Ховар»/. Дар шаҳраки ба номи Исмоили Сомонии  шаҳри Хоруғ  боз як толори варзишӣ навсозӣ ва бо тамоми таҷҳизоти муосир таъмин карда шуд. Сардори Раёсати ҷавонон ва варзиши Вилояти Мухтори Кӯҳистони Бадахшон Сураҷ Чоршанбиев гуфт, ки «дар давраи истиқлолияти давлатии кишвар  таваҷҷуҳи наврасону ҷавонон ба варзиш бамаротиб афзоиш ёфт. Ҳар яке аз онҳо кӯшиш мекунад, ки парчами миллати худро дар толорҳои бузурги  ҷаҳонӣ баланд бардорад. Инро ба назар гирифта, ҳамасола дар шаҳру ноҳияҳои вилоят толорҳои хурду бузурги варзишӣ бунёд ва навсозӣ мешаванд. Дар баробари мақомоти марбутаи давлатӣ дар бунёду навсозии толору майдончаҳои варзишӣ соҳибкорони маҳаллӣ низ саҳм мегузоранд».

Толори мазкур бо кумаку дастгирии сохибкор Саламшо Имомназаров, ки Устоди варзиши Ҷумҳурии Тоҷикистон аст, бо харҷи беш аз аз 190 ҳазор сомонӣ сохта шуд.  Ин соҳибкори маҳаллӣ гуфт, ки ҳамаи таҷҳизот бо маслиҳату тавсияи мутахассисони соҳаи варзиш харид ва дар ихтиёри варзишгарон гузошта шуд. Дар корҳои сохтмонӣ ва васлу насби таҷҳизот худи варзишгарон кумак расониданд.

Дастурдиҳандаи Мактаби варзишии вилоят Ғуломҳусейн Мародҳусейнов бо изҳори сипос ба ин соҳибкори ҷавон гуфт, ки «бо истифода аз чунин шароит сатҳу сифати тамрину мусобиқаҳои варзишӣ боз ҳам боло хоҳад рафт. Баъд аз ин мутобиқи реҷа духтарону занон ҳам метавонанд дар ин толор ба машқи бадан машғул шаванд».

Март 2, 2019 10:29

Хабарҳои дигари ин бахш

Моҳи сентябр дар Тоҷикистон Фестивали бозиҳои миллии варзишӣ баргузор мешавад
35-СОЛАГИИ ИСТИҚЛОЛИ ДАВЛАТӢ. Дар ноҳияи Ҷалолиддини Балхӣ сохтмони биноҳои нави таълимию варзишӣ ҷараён дорад
Марҳилаи интихобии Ҷоми футзали Осиё-2026 дар Душанбе баргузор мешавад
Муҳаммадӣ Раҷабов дар Чемпионати Осиё оид ба қаиқронӣ байни наврасон ва ҷавонон соҳиби медали тилло гардид
35-СОЛАГИИ ИСТИҚЛОЛИ ДАВЛАТӢ. Дар Вилояти Мухтори Кӯҳистони Бадахшон бунёду навсозии 1362 иншоот ба нақша гирифта шудааст
Паҳлавонони тоҷик дар Чемпионати ҷаҳон оид ба гӯштини ҷудо байни калонсолон иштирок менамоянд
35-СОЛАГИИ ИСТИҚЛОЛИ ДАВЛАТӢ. Дар ноҳияи Абдураҳмони Ҷомӣ сохтмони 211 иншоот ба нақша гирифта шудааст
Дар Бохтар майдони назди муҷассамаи Ҷалолиддини Балхӣ бозсозӣ мешавад
Дар назди мактабҳои ноҳияи Рӯдакӣ биноҳои иловагӣ сохта мешаванд
Хоруғ – шаҳре, ки аз самари Ваҳдати миллӣ ҳар рӯзу ҳар соат шукуфонтар мешавад
35-СОЛАГИИ ИСТИҚЛОЛИ ДАВЛАТӢ. Дар ноҳияи Рӯдакӣ сохтмони биноҳои нави муассисаҳои таълимӣ бо маром идома доранд
Дар Суғд то нимаи соли 2026 беш аз 12 ҳазор иншоот ба истифода дода мешавад