Дар Пекин нигораҳои нодири таърихии Осорхонаи миллии Тоҷикистон ба маъраз гузошта мешаванд

Апрель 9, 2019 14:33

ДУШАНБЕ, 09.04.2019 /АМИТ «Ховар»/.   11 апрели соли равон дар Осорхонаи миллии Чин дар шаҳри Пекин намоиши «Ганҷинаҳо аз осорхонаҳои Шоҳроҳи Бузурги Абрешим» ифтитоҳ мегардад. Дар ин бора ба мухбири АМИТ «Ховар» сардори шуъбаи экскурсионӣ ва оммавии Муассисаи давлатии «Осорхонаи миллии Тоҷикистон»-и назди Дастгоҳи иҷроияи Президенти Ҷумҳурии Тоҷикистон Фаридун Кенҷаев хабар дод.

Бино ба иттилои манбаъ, дар ин намоиш Осорхонаи миллии Тоҷикистон иштирок намуда, аз фонди тиллоии он 15 адад нигораҳои нодири таърихии марбут ба давраҳои гуногун, аз қабили санг бо навиштаҷоти суғдӣ (асрҳои VII-VIII), кӯзаҳои мунаққаши катибадори асрҳои X-XI, сипар бо тасвири фариштаҳо (асрҳои XVI-XVIII), коса, ҷом, лаълиҳои катибадори асри XIX ва рангдону қаламдони асрҳои XVIII-XIX ба маъраз гузошта мешаванд.

Мақсад аз баргузории намоиш муаррифии осори фарҳангу тамаддуни халқиятҳое, ки дар қарнҳои бостон ва имрӯз дар тўли Шоҳроҳи Бузурги Абрешим зиндагонӣ менамоянд, мебошад.

Ҳамзамон дар намоиши мазкур ёдгориҳо аз осорхонаи таърихии шаҳри Москваи Федератсияи Россия, Осорхонаи миллии Ҷумҳурии Қазоқистон, Осорхонаи миллии Муғулистон, осорхонаҳои таърихии кишварҳои Яман, Камбоҷа, Латвия, Словения, Руминия, Япония, Корея ва Чин пешниҳоди тамошобинон мегарданд.

Бояд гуфт, ки Шоҳроҳи Бузурги Абрешим то охири асри XV, яъне то кашф гардидани роҳи баҳрӣ ба сўи Ҳинд дар тӯли 1700 сол вуҷуд дошта, 3 қитъаи олам- Осиё, Африқо ва Аврупоро мепайваст. Ин роҳ аз Ҷумҳурии Тоҷикистон аз Дарвоз, Ванҷ, Вахон, Ишкошим, Хуҷанд, ҳамзамон аз шаҳрҳои Самарқанду Бухоро убур менамуд.

Намоиши «Ганҷинаҳо аз осорхонаҳои Шоҳроҳи Бузурги Абрешим» то рӯзи 14 июли соли 2019 дар Осорхонаи миллии Чин идома менамояд.

Апрель 9, 2019 14:33

Хабарҳои дигари ин бахш

Дар Вазорати фарҳанг оид ба нақши муассисаҳои фарҳанг дар рушди маънавиёти ҷомеа ҳамоиш доир шуд
«ОФТОБИ НАЗМИ ОЛАМ». Дар Душанбе бахшида ба бузургдошти 700-солагии Ҳофизи Шерозӣ ҳамоиш баргузор гардид
Дар Париж барномаи фарҳангии Шашмақом баргузор гардид
ПАНДИ ҲОФИЗ — ҲИДОЯТГАРИ ИНСОНҲО БА СӮИ КАМОЛОТИ МАЪНАВӢ. Бардошт аз конфронси илмӣ-байналмилалӣ дар ЮНЕСКО
Дар қароргоҳи ЮНЕСКО ба ифтихори 700-солагии Ҳофизи Шерозӣ намоиши ҷашнӣ ифтитоҳ гардид
Тоҷикистон дар қароргоҳи ЮНЕСКО 700-солагии Ҳофизи Шерозиро таҷлил менамояд
Даври дуюми Озмуни ҷумҳуриявии «Тоҷикистон — Ватани азизи ман» оғоз гардид
Дар Академияи миллии илмҳои Тоҷикистон бахшида ба Рӯзи Ваҳдати миллӣ конференсияи ҷумҳуриявӣ баргузор гардид
Дар Осорхонаи миллӣ намоиши офаридаҳои наққош ва муҷассамасози маъруф Амонуллоҳ Ҳайдарзод ифтитоҳ ёфт
Академияи миллии илмҳои Тоҷикистон аккредитатсияи байналмилалии муассисавиро гузашт
ДАР ҲАР ЯК ОҲАНГ МУҲАББАТИ БЕАНДОЗАИ ТОҶИКОН БА ВАТАН ЭҲСОС МЕШУД. Бардошт аз баргузории Рӯзҳои фарҳанги Тоҷикистон дар Русия
«ТОҶИ СОМОН». Дар Душанбе дуюмин синамоҷашнвораи байналмилалӣ баргузор мегардад