Дар Донишгоҳи омӯзгорӣ саҳми осори устодон Муъмин Қаноат ва Лоиқ Шералиро дар худогоҳии миллӣ баррасӣ карданд
ДУШАНБЕ, 20.05.2019. /АМИТ «Ховар»/. Дар Донишгоҳи давлатии омӯзгории Тоҷикистон ба номи Садриддин Айнӣ ба ифтихори зодрӯзи шоирони зиндаёд Муъмин Қаноат ва Лоиқ Шералӣ зери унвони «Масъалаҳои худогоҳии миллӣ дар осори устодон Муъмин Қаноат ва Лоиқ Шералӣ» конфронси илмиву амалӣ баргузор гардид.
Тавре аз донишгоҳи мазкур ба АМИТ «Ховар» хабар доданд, дар конфронс муовини аввали ректори донишгоҳ Саъдӣ Қосимов роҷеъ ба саҳми ин ду шоири забардасти тоҷик дар ташаккули худогоҳии миллӣ ва ҳифзи забони модарӣ ибрози андеша намуд. Номбурда аз ҷумла, зикр кард, ки маҳз бо шарофати адибони бедордиду мубориз раванди худогоҳии миллӣ эҳё шуд ва забони тоҷикӣ мақоми давлатиро дарёфт кард, ки Муъмин Қаноат ва Лоиқ Шералӣ дар саргаҳи ин ҷараён қарор доштанд.
Ба иттилои манбаъ, «Масъалаҳои худогоҳии миллӣ дар шеъри тоҷикии садаи ХХ дар мисоли ашъори Муъмин Қаноат ва Лоиқ Шералӣ» дар гузориши илмии доктори илмҳои филология, нависанда Аскар Ҳаким бозтоби густурда ёфт. Номбурда ҷанбаҳои муҳимтарини худогоҳии миллиро дар осори ин ду бузургмард илман асоснок намуд.
Доктори илмҳои филология, профессор Саидмуроди Хоҷазод иброз намуд, ки Лоиқ Шералӣ дар баъзе ҳолатҳо аз хор гардидану аз анҷуманҳо берун мондани забони тоҷикӣ шикваҳо мекард, маъюс мегардид ва бо ҳасрат дарди дили худро дар ашъораш баён менамуд.
«Вижагии осори ба забон бахшидаи Лоиқ дар он зуҳур меёбад, ки ба зимомдорону давлатмардон ва сиёсатмадорони вақт барои эҳёи суннатҳои фаромўшшуда ва ҳифзу тозагии забони модарӣ муроҷиат намуда, онҳоро ба арҷгузорӣ ба забони ноби тоҷикӣ ва шинохти асолати миллӣ даъват менамояд», — баён дошт Саидмуроди Хоҷазод.
Дар фарҷоми конфронс донишҷӯён аз ашъори устодон Муъмин Қаноат ва Лоиқ Шералӣ шеъру ғазалҳо қироат намуданд.
Президенти Академияи миллии илмҳои Тоҷикистон дар Конференсияи байналмилалии «Илм барои бехатарии ҷаҳон» иштирок намуд
35-СОЛАГИИ ИСТИҚЛОЛИЯТИ ДАВЛАТӢ. Дар Чойхонаи миллӣ барои дар як шабонарӯз қабули 5000 мизоҷ шароит фароҳам оварда мешавад
Ба пешвози 700-солагии Ҳофизи Шерозӣ дар Тоҷикистон барномаҳои фарҳангию маърифатӣ доир мешаванд
ШАҲРИСТОНИ ҲУЛБУК. Бозёфтҳои аз ин ёдгорӣ пайдогардида намунаи санъати олии ҳунармандӣ буда, нотакрор мебошанд
«КОРВОНИ КИТОБ». Ба китобхонаҳои шаҳру ноҳияҳои Бадахшон беш аз 6 ҳазор нусха китоб дастрас мегардад
АМИТ «Ховар» ва ҶСП «Ширкати байнидавлатии телевизион ва радиои «Мир»» Ёддошти тафоҳум ба имзо расониданд
Дар Душанбе мубодилаи барномаҳои фарҳангӣ ва намоиши филмҳо байни Тоҷикистон ва Чин баргузор гардид
Дар мавзуи ташаккул ва рушди синошиносӣ дар Тоҷикистон конфронси илмӣ доир гардид
Рӯзҳои фарҳанги Ҷумҳурии Тоҷикистон дар Ҷумҳурии Тотористони Федератсияи Русия доир гардид
Ду озмоишгоҳи Институти химияи Академияи миллии илмҳои Тоҷикистон бо технологияи муосир муҷаҳҳаз карда шуд
Рӯзҳои фарҳанги Ҷумҳурии Тоҷикистон дар Федератсияи Русия идома доранд
Ёдгориҳои ёфтшуда аз шаҳристони Ҳулбук арзиши баланди илмӣ дошта, дар байни таҳқиқоти солҳои охир беназир маҳсуб мешаванд
