Дар Душанбе Фестивали ҷумҳуриявии «Гулчини сурудҳои ватандӯстона» доир гардид
ДУШАНБЕ, 06.05.2019 /АМИТ «Ховар»/. Бахшида ба Рӯзи ҷавонони Тоҷикистон, ки ҳамасола 23 май таҷлил мегардад, бо ташаббуси Кумитаи кор бо ҷавонон ва варзиш таҳти сарпарастии Президенти Федератсияи футболи Тоҷикистон 4 майи соли равон дар Амфитеатри Боғи «Ирам» Фестивали ҷумҳуриявии «Гулчини сурудҳои ватандӯстона» баргузор гардид. Дар фестивали мазкур 1500 нафар сарбозону афсарони қисмҳои низомӣ ва роҳбарияти вазорату идораҳо иштирок намуданд. Дар ин бора ба АМИТ «Ховар» аз Кумитаи кор бо ҷавонон ва варзиш хабар доданд.
Дар Фестивали ҷумҳуриявии «Гулчини сурудҳои ватандӯстона» сарбозони қисмҳои низомӣ ва ҷавонони соҳибистеъдод доир ба Тоҷикистон ва Ватан сурудҳои ватандӯстона сароида, ҷавонону наврасонро ба дӯст доштани обу хоки аҷдодӣ ва хизмат дар сафи Қувваҳои мусаллаҳ даъват намуданд.
Мақсад аз баргузор намудани фестивал баланд бардоштани маърифати фарҳангии ҷавонон ва ташаккул додани ҳисси ватандӯстию хештаншиносӣ ва ҳувияти миллии онҳо мебошад.
Дар хатми барнома ба сарояндагон ва сарбозону ҷавонони боистеъдод аз ҷониби Кумитаи кор бо ҷавонон ва варзиш туҳфа ва ифтихорномаҳо тақдим гардиданд.
«Куллиёт»-и осори Мирзо Турсунзода рӯнамоӣ гардид
Ба шаҳри Панҷакент Шаҳодатномаи Шаҳри байналмилалии ҳунармандӣ дода шуд
«ТУ ҚАЛБИ ТОҶИКИСТОНӢ, ДУШАНБЕ!» Дар пойтахт озмуни шаҳрӣ идома дорад
«ФАРҲАНГИ СУМАНАКПАЗӢ». Ин таоми миллӣ хусусияти табобатӣ низ дорад
Сокинони ноҳияи Ҷаббор Расулов соҳиби туҳфаи Пешвои миллат — «Шоҳнома»-и Абулқосим Фирдавсӣ мегарданд
«ДАР ҲУНАР КӮШ, КИ ЗАР ЧИЗЕ НЕСТ…». Фаъолияти Аспармо Мавлоназарова барои рушди ҳунарҳои миллӣ намунаи ибрати ҷавонон аст
Дар Душанбе дар мавзуи Куруши Кабир ва Эъломияи умумии ҳуқуқи башар ҳамоиш доир гардид
Туҳфаи Президенти Тоҷикистон — «Шоҳнома»-и Абулқосим Фирдавсӣ ба ноҳияи Мастчоҳ расид
ҲИФЗИ МЕРОСИ МИЛЛӢ ДАР ТОҶИКИСТОН. Тавассути сиёсати хирадмандона имрӯз ҷаҳониён бо таъриху фарҳанги миллати мо шинос мешаванд
Донишкадаи давлатии санъати тасвирӣ ва дизайни Тоҷикистон бо «Россотрудничество» ҳамкориро густариш медиҳад
Дар Институти масъалаҳои об, гидроэнергетика ва экология озмоишгоҳи муштараки муҳити экологӣ ба истифода дода шуд
Фестивали байналмилалии «Сӯзании Панҷакент» баргузор мешавад
