ЛОИҚИ АДАБИЁТИ БУЗУРГ. Китоби муҳаққиқи эронӣ дар бораи шоири шаҳири тоҷик ба чоп расид

Май 20, 2019 13:50

ДУШАНБЕ, 20.05.2019 /АМИТ «Ховар/. Бунёди Лоиқ Шералӣ бо ибтикори шоир ва муҳаққиқи эронӣ Муҳаммадризо Тоҷиддинӣ ба муносибати зодрӯзи устод Лоиқ маҷмӯи шеърҳои баргузидаи шоирро  бо ҳуруфи ниёкон мунташир намуд.

Китоби «Лоиқ Шералӣ фарзанди ростини Рӯдакиву Фирдавсӣ» унвон гирифта, бо як шеър ва ду мақолаи мураттиб шурӯъ мешавад. Дар пешгуфтори китоб  омадааст, ки агар «Маснавӣ»-и маънавӣ дар ҳаждаҳ байти «Бишнав аз най» ва «Шоҳнома»-и Фирдавсӣ дар як байти

Чун Эрон набошад тани ман мабод,

Бад-ин марзу бум зинда як тан мабод,-

хулоса шаванд, пас дар хусуси куллиёти Лоиқи зиндаёд ин ду байтро мисол овардан ҷоиз аст:

Заҳр бодо шири модар бар касе,

К-ӯ забони модарӣ гум кардааст.

Байти дигар:

 

Кова як Коваи Фирдавсӣ нест,

Кова исёнгари ҳар даврон аст.

Ба маънии дигар, адабиёти тоҷику форс аз адабиётҳои бузурги ҷаҳон аст ва Лоиқ Шералӣ аз намояндагони сазовори ин адабиёт. Гарчӣ  аз даргузашти ин шоири шаҳир чанд сол гузашта бошад ҳам, ӯ ҳамоно яке аз муаллифони серхондатарин маҳсуб мешавад.

Китоби тозанашр  бо аксҳои Лоиқ Шералӣ дар ҳалқаи устодон ва ҳамқаламон оро дода шудааст.

Май 20, 2019 13:50

Хабарҳои дигари ин бахш

Дар Душанбе дуюмин Синамоҷашнвораи байналмилалӣ «Тоҷи сомон» баргузор мегардад
Дар театри Муҳаммадҷон Қосимов намоишномаи «Ман Таҳминаам…» аз рӯи достони «Шоҳнома» пешниҳод мегардад
Бо ташаббуси Агентии ҳифзи мероси таърихию фарҳангӣ дар ноҳияи Ховалинг Рӯзи Ваҳдати миллӣ ҷашн гирифта шуд
Шоири халқии Тоҷикистон Камол Насрулло: «Ҳақиқат ин аст, ки Пешвои миллат ваҳдатро бунёд гузошту таҳким доду қавӣ сохт»
Дар Осорхонаи миллӣ гӯшаи доимоамалкунандаи «Ваҳдати миллӣ» ташкил гардидааст
Тамоми комёбиҳои миллат ва саодати рӯзгори мардум аз иттиҳоди миллӣ ибтидо мегирад
«ЭМОМАЛӢ РАҲМОН – МЕЪМОРИ СУЛҲУ ВАҲДАТ». Дар Вазорати фарҳанг ҳамоиши илмӣ доир гардид
Таҳти унвони «Қисса ва ҳикояҳо» китоби Абдурофеъ Рабизода нашр гардид
«ДАР МЕҲМОНИИ ДУШАНБЕ». Фестивали байналмилалии эҷодиёти бадеии кӯдакон ва наврасони ИДМ оғоз гардид
Дар Агентии ҳифзи мероси таърихию фарҳангӣ таҳти унвони «Ваҳдати миллат — бақои миллат!» ҳамоиш баргузор шуд
Дар ёдгории Ҳалқаҷари ноҳияи Хуросон бозёфти нодири таърихӣ — «обкӯзаи хонуми Сагкин» кашф гардид
«Душанбе — нусхае аз биҳишт». Таҳти ин унвон дар васфи пойтахти Тоҷикистон китоб ба нашр расид