Форуми байналмилалии сармоягузории «Кӯлоб-2019» оғоз гардид
ДУШАНБЕ, 14.06.2019. /АМИТ «Ховар»/. Имрӯз, 14 июн дар шаҳри Кӯлоб Форуми байналмилалии сармоягузории «Кӯлоб-2019» бо иштироки доираи васеи сармоягузорони кишварҳои Россия, Чин, Қазоқистон, Ӯзбекистон, кишварҳои арабию аврупоӣ ва соҳибкорони ватанӣ расман ифтитоҳ гардид.
Хабарнигори АМИТ «Ховар» иттилоъ медиҳад, ки Форуми мазкурро раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Фаррух Ҳамрализода ифтитоҳ намуда, иштирокдоронро ба сарзамини Тоҷикистон хайрамақдам гуфт.
Зикр гардид, ки дар Форуми байналмилалии сармоягузории «Кӯлоб-2019» имкониятҳои сармоягузории Тоҷикистон, ҷалби сармояи хориҷӣ барои рушди иқтисодиёти кишвар ва баланд бардоштани иқтидори содиротии вилояти Хатлон муаррифӣ мешаванд.
Инчунин дар ҷараёни Форум иштирокдорони он татбиқи лоиҳаҳои муштракро дар соҳаҳои сайёҳӣ, саноат, нақлиёт, логистика, кишоварзӣ, рушди содирот ва дигар бахшҳои афзалиятноки иқтисодиёти мамлакат баррасӣ менамоянд.
Пеш аз оғози Форум корхонаю ширкатҳои тавлидотии Тоҷикистон, бахусус вилояти Хатлон маҳсулоти худро ба намоиш мегузоранд. Баргузории ҳамоиши байналмилалии сармоягузорӣ дар ҷануби Тоҷикистон барои рушди иқтисодиёти ин минтақа, таҳкими ҳамкории иқтисодию тиҷоратӣ бо кишварҳои хориҷӣ ва ҷалби сармояи хориҷӣ барои рушди иқтисоди Тоҷикистон хоса вилояти Хатлон муҳим арзёбӣ мегардад.
Айни ҳол дар вилояти Хатлон ду Минтақаи озоди иқтисодӣ — «Данғара» ва «Панҷ» фаъолият дошта, чанде пеш Минтақаи озоди иқтисодии «Кӯлоб» таъсис дода шуд.
Дар Душанбе истифода ва ҳифзи захираҳои обии мамлакат дар шароити тағйирёбии иқлим баррасӣ гардид
Ҷаласаи сеюми Гурӯҳи кории муштараки Тоҷикистону Покистон оид ба савдо, сармоягузорӣ ва нақлиёт баргузор шуд
Бонки миллии Тоҷикистон ба Эъломияи Кейптаун ҳамроҳ шуд
35-СОЛАГИИ ИСТИҚЛОЛИ ДАВЛАТӢ. Дар ноҳияи Восеъ сохтмони иншооти таъйиноти гуногун идома дорад
Дар Душанбе натиҷаҳои COP30 ва раванди такмилсозии NDC 3.0-и Тоҷикистон баррасӣ гардид
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
Дар ноҳияи Деваштич Маркази ҷумҳуриявии инноватсия ва технологияҳо дар соҳаи картошкапарварӣ таъсис дода мешавад
Бахшида ба Рӯзи байналмилалии ҳимояи ҳуқуқи истеъмолкунандагон корҳои фаҳмондадиҳӣ доир гардид
ИМРӮЗ-РӮЗИ БАЙНАЛМИЛАЛИИ ҲИМОЯИ ҲУҚУҚИ ИСТЕЪМОЛКУНАНДАГОН. Зиёда аз 86 тонна маҳсулоти бесифати бозорҳои истеъмолӣ нобуд карда шуд
Байни ширкати ҳавопаймоии хусусии «Shohin Airlines» ва Бунёди сармоягузории аврупоӣ Созишномаи сармоягузорӣ ба имзо расид
Ҷаласаи Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ доир гардид
Дар Вашингтон дурнамои ҳамкории Тоҷикистон бо Бонки ҷаҳонӣ дар самти рушди инфрасохтори роҳу нақлиёт баррасӣ шуд
