Адиб-ҳаҷвнигори маъруфи Суғд Абдулҳамид Ҷӯраев ба синни 70 расид
ХУҶАНД, 02.07.2019. /АМИТ «Ховар»/. Адиби ҳаҷвнигор ва рӯзноманигори шинохтаи вилояти Суғд Абдулҳамид Ҷӯраев ба синни мубораки 70 расид. Дирӯз бо ибтикори Мақомоти иҷроияи ҳокимияти давлатии ноҳияи Бобоҷон Ғафуров ва бахши суғдии Иттифоқи журналистони Тоҷикистон дар зодгоҳи соҳибҷашн — Ҷамоати деҳоти Ғозиёни ноҳияи Б.Ғафуров маҳфили эҷодии нависанда ороста шуд.
Дар ин рӯз саҳни мактаби таҳсилоти миёнаи умумии №11-и ҷамоат, ки дар он устод сабақ омӯхтааст, ҷойгоҳи аҳли адибону қаламкашон ва фаъолони ноҳияву ҷамоат гардид.
Бино ба иттилои хабарнигори АМИТ «Ховар» Абдуаҳад Шарифзода, зимни суханронии намояндагон аз мақомоти иҷроияи ҳокимияти давлатии ноҳияи Бобоҷон Ғафуров ва вилояти Суғд, шуъбаи суғдии Иттифоқи нависандагони Тоҷикистон ва бахши суғдии Иттифоқи журналистони Тоҷикистон, ҳамкасбони соҳибҷашн аз фаъолияти Абдулҳамид Ҷӯраев ёдовар гардида, аз хислатҳои неку ибратбахш ва кордониву саҳми ӯ дар рушди соҳаи радиожурналистика ҳарф заданд ва барояш сиҳатмандӣ ва саодату сарбаландӣ таманно намуданд.
Аз ҷумла, раиси шуъбаи суғдии Иттифоқи нависандагони Тоҷикистон Аҳмадҷони Раҳматзод зикр дошт, ки Абдулҳамид Ҷӯраев аз қаламкашони шинохтаи вилоят ба ҳисоб рафта, саҳми ӯ дар пешбурди соҳаи рӯзноманигорӣ, тарбияи ҷавонон низ назаррас аст.
Мавсуф зикр намуд, ки ӯро ҳамзамон ҳамчун нависандаи ҳаҷвнигори закитабъ мешиносанд ва ба табъ расидану манзури хонандагон шудани чандин асари ӯ, ба мисли «Шишаи ғелон», «Рашкибегим», «Ба ҳеҷ кас нагӯед!» ва китоби навбатии ӯ бо номи «Кор кунам ё накунам?» ки омодаи чоп аст, аз ин гувоҳӣ медиҳанд.
Абдулҳамид Ҷӯраев 1 июли соли 1949 дар Ҷамоати деҳоти Ғозиёни ноҳияи Бобоҷон Ғафуров таваллуд шуда, пас аз хатми мактаби миёна ва Донишкадаи давлатии омӯзгории Ленинобод ба номи С.М.Киров (ҳоло ДДХ ба номи Б. Ғафуров), дар идораи «Кинопрокат» ва сипас давоми беш аз 30 сол дар радиои вилоят то ба вазифаи сармуҳаррир фаъолият бурдааст.
Ҳамзамон ӯ дар инъикоси воқеъбинонаи ҷараёни Иҷлосияи таърихии 16-уми Шӯрои Олии ҶТ низ ба ҳайси хабарнигори радиоӣ саҳми арзанда дошта, барои фаъолияти густурдааш бо мукофотҳои гуногун, аз қабили нишонҳои «Аълочии матбуот» ва «Аълочии телевизион ва радиои Ҷумҳурии Тоҷикистон» қадрдонӣ шудааст.
ДАР ҲАР ЯК ОҲАНГ МУҲАББАТИ БЕАНДОЗАИ ТОҶИКОН БА ВАТАН ЭҲСОС МЕШУД. Бардошт аз баргузории Рӯзҳои фарҳанги Тоҷикистон дар Русия
«ТОҶИ СОМОН». Дар Душанбе дуюмин синамоҷашнвораи байналмилалӣ баргузор мегардад
Инна Блюшенко аз Швейтсария: «Мақсад дорам забони ширину шевои тоҷикиро омӯзам»
Президенти Академияи миллии илмҳои Тоҷикистон дар Конференсияи байналмилалии «Илм барои бехатарии ҷаҳон» иштирок намуд
35-СОЛАГИИ ИСТИҚЛОЛИЯТИ ДАВЛАТӢ. Дар Чойхонаи миллӣ барои дар як шабонарӯз қабули 5000 мизоҷ шароит фароҳам оварда мешавад
Ба пешвози 700-солагии Ҳофизи Шерозӣ дар Тоҷикистон барномаҳои фарҳангию маърифатӣ доир мешаванд
ШАҲРИСТОНИ ҲУЛБУК. Бозёфтҳои аз ин ёдгорӣ пайдогардида намунаи санъати олии ҳунармандӣ буда, нотакрор мебошанд
«КОРВОНИ КИТОБ». Ба китобхонаҳои шаҳру ноҳияҳои Бадахшон беш аз 6 ҳазор нусха китоб дастрас мегардад
АМИТ «Ховар» ва ҶСП «Ширкати байнидавлатии телевизион ва радиои «Мир»» Ёддошти тафоҳум ба имзо расониданд
Дар Душанбе мубодилаи барномаҳои фарҳангӣ ва намоиши филмҳо байни Тоҷикистон ва Чин баргузор гардид
Дар мавзуи ташаккул ва рушди синошиносӣ дар Тоҷикистон конфронси илмӣ доир гардид
Рӯзҳои фарҳанги Ҷумҳурии Тоҷикистон дар Ҷумҳурии Тотористони Федератсияи Русия доир гардид
