Дар Душанбе то ҷашни 30-солагии Истиқлолияти давлатӣ ҳамасола озмунҳои шаҳрии «Маҳаллаи беҳтарин» ва «Кӯчаи беҳтарин» гузаронида мешаванд

Июль 1, 2019 09:50

ДУШАНБЕ, 01.07.2019./АМИТ «Ховар»/. Дар  шаҳри Душанбе бахшида ба  30-солагии Истиқлолияти давлатии Ҷумҳурии Тоҷикистон ва  Солҳои рушди деҳот, сайёҳӣ ва ҳунарҳои мардумӣ эълон гардидани солҳои 2019-2021  озмунҳои шаҳрии «Маҳаллаи беҳтарин» ва «Кӯчаи беҳтарин» гузаронида  мешаванд. Озмунҳои мазкур солҳои 2019, 2020, 2021  гузаронида шуда, ҳамасола дар арафаи таҷлили ҷашни Истиқлолияти давлатӣ ҷамъбаст карда мешаванд. Дар ин бора қарори Раиси шаҳри Душанбе Рустами Эмомалӣ ба имзо расид.

Тавре аз Раёсати иттилоот ва робитаҳои хориҷии  дастгоҳи Раиси шаҳри Душанбе ба АМИТ «Ховар» хабар доданд,  тибқи қарори  мазкур раисони ноҳияҳои шаҳри Душанбе  вазифадор гардидаанд, ки ҷиҳати дар сатҳи ноҳия баргузор намудани ҳамин гуна озмунҳо ва то 20 августи ҳар сол ҷамъбаст намудани  натиҷаҳои он тадбирҳои зарурӣ андешанд.

Тибқи  ин  қарор  Комиссияи шаҳрӣ муваззаф гардидааст, ки  натиҷаҳои озмунҳоро бо дарназардошти номзадҳои аз тарафи комиссияҳои ноҳиявӣ пешниҳодгардида то 1 сентябри ҳар сол ҷамъбаст намояд.

Ҳамчунин  ба Сарраёсати молияи шаҳри Душанбе  супориш дода шудааст, ки аз ҳисоби маблағҳои барои иҷрои вазифаҳои пойтахти Ҷумҳурии Тоҷикистон пешбинишуда  ҷиҳати мукофотонидани ғолибони озмунҳои шаҳрии «Маҳаллаи беҳтарин» — 12  ҳазор сомонӣ (барои ҷойи якум -6 ҳазор, ҷойи дуюм- 4 ҳазор ва ҷойи сеюм 2 ҳазор сомонӣ)  ва «Кӯчаи беҳтарин» -12   ҳазор  сомонӣ ( барои ҷойи якум 6 ҳазор, ҷойи дуюм- 4 ҳазор ва ҷойи сеюм 2 ҳазор сомонӣ) дар соли 2019 ҷудо намуда, солҳои 2020 ва 2021 маблағҳои заруриро таъмин намояд.

«Ин озмунҳо бо мақсади боз ҳам ободу зебо гардидан ва рушд ёфтани  шаҳраку маҳаллаҳои шаҳри Душанбе роҳандозӣ мегарданд. Баргузории озмунҳои зикргардида  барои дар сатҳи баланди ташкилию ғоявӣ таҷлил намудани  30-солагии Истиқлолияти давлатии Ҷумҳурии Тоҷикистон шароити мусоид фароҳам меоранд»,-афзуд манбаъ.

Июль 1, 2019 09:50

Хабарҳои дигари ин бахш

Дар Душанбе даври дуюми Озмуни ҷумҳуриявии «Нонпазӣ ва маҳсулоти нонӣ, қаннодӣ, ҳалвопазӣ, шириниҳои миллӣ ва муосир» доир карда мешавад
Раиси шаҳри Душанбе Рустами Эмомалӣ бо Ҳокими шаҳри Остона Женис Касимбек мулоқот намуданд
Дар Душанбе шумораи умумии воситаҳои нақлиёти мусофирбар 20 фоиз зиёд карда мешавад
Рустами Эмомалӣ: «80 фоизи таълимгирандагони таълимоти ғайриқонунии диниро ҷавонони то 30-сола ташкил медиҳанд»
Рустами Эмомалӣ: «Корҳо дар самти пешгирӣ ва коҳиш додани сатҳи амалҳои коррупсионӣ бояд тақвият дода шаванд»
Имрӯз таҳти роҳбарии Раиси шаҳри Душанбе Рустами Эмомалӣ ҷаласаи назоратӣ бо кормандони мақомоти ҳифзи ҳуқуқи пойтахт баргузор гардид
Раиси шаҳри Душанбе Рустами Эмомалӣ муассисаи таҳсилоти томактабии «Афрӯза»-ро мавриди истифода қарор доданд
Ғолибони даври шаҳрии озмунҳои «Беҳтарин ҳамсар» ва «Фарзанд – боғи падару модар» ба даври ҷумҳуриявӣ роҳ ёфтанд
Мақомоти шаҳри Душанбе шартномаи хариди 30 электробусро ба имзо расонид
Ҷаласаи кумитаи тадорукоти «Намоишгоҳи байналмилалии сайёҳии Душанбе» доир гардид
Ҳамкории Душанбе бо Фландрияи Шоҳигарии Белгия тақвияти бештар меёбад
Дар шаҳраку маҳаллаҳои ноҳияҳои Душанбе озмунҳои «Беҳтарин ҳамсар» ва «Фарзанд – боғи падару модар» гузаронида шуданд