Вилояти Суғд бо 52 мамлакати ҷаҳон муносиботи тиҷоратӣ ба роҳ мондааст
ХУҶАНД, 19.07.2019. /АМИТ «Ховар»/. Гардиши савдои хориҷии вилояти Суғд дар шашмоҳаи аввали соли 2019 1011,9 млн. доллари амрикоиро ташкил дода, нисбат ба ҳамин давраи гузашта 7,0 млн. доллар зиёд гардидааст.
Тавре ба хабарнигори АМИТ «Ховар» аз Сарраёсати Агентии омори назди Президенти Ҷумҳурии Тоҷикистон дар вилояти Суғд иттилоъ доданд, аз ҷумла, дар ин давра гардиши савдои хориҷии вилоят ба ҳиссаи мамлакатҳои ИДМ 80,7 фоиз ё 816,4 млн. доллар ва ба ҳиссаи мамлакатҳои хориҷи дур 19,3 фоиз ё 195,5 млн. доллар рост омадааст.
Дар маҷмӯъ, ҳаҷми гардиши савдои хориҷӣ дар шашмоҳаи аввали соли 2019 нисбат ба ҳамин давраи соли 2018 бо мамлакатҳои ИДМ 4,5% фоиз зиёд гардида, бо мамлакатҳои хориҷи дур 12,6 фоиз кам гардидааст.
Дар ин давра содироти семент 2,0 баробар ва меваи тоза 56,7 фоиз афзуда, маҳсулоти истеҳсолии коргоҳҳои вилояти Суғд бештар ба мамлакатҳои Қазоқистон, Ўзбекистон, Чин, Туркия, Белгия, Россия, Италия, Латвия, Қирғизистон, Эрон ва Нидерланд афзалияти бештари содиротӣ доштааст.
Бояд гуфт, ки имрӯз вилояти Суғди Ҷумҳурии Тоҷикистон бо 52 мамлакат, аз ҷумла бо 9 ҷумҳурии ИДМ ва 43 давлати хориҷи дур муносиботи тиҷоратӣ дорад.
Дар Тоҷикистон нақшаи кишти пахта 90 фоиз иҷро гардид
Масъалаи рушди соҳаи маорифи Тоҷикистон дар Риёз баррасӣ гардид
Байни Бонки миллии Тоҷикистон ва Бонки марказии Ҷумҳурии Узбекистон Созишномаи ҳамкорӣ ба имзо расид
Байни Бонки миллии Тоҷикистон ва Бонки аврупоии таҷдид ва рушд Ёддошти тафоҳум ба имзо расид
Вазири рушди иқтисод ва савдои Тоҷикистон бо Директори генералии Корпоратсияи исломӣ оид ба суғуртаи сармоягузорӣ ва қарзҳои содиротӣ (ICIEC) мулоқот намуд
Завқӣ Завқизода аз Президенти Гурӯҳи Бонки Исломии Рушд дархост намуд, ки ба соҳаҳои афзалиятноки иқтисоди Тоҷикистон маблағгузориро афзоиш диҳад
Силсилавохӯриҳои ҳайати расмии Тоҷикистон дар ҷаласаи солонаи Гурӯҳи Бонки Исломии Рушд баргузор шуданд
Вазири рушди иқтисод ва савдои Тоҷикистон дар Риёз бо Роҳбари ITFC мулоқот анҷом дод
Ҳайати Тоҷикистон дар ҷаласаҳои солонаи Гурӯҳи Бонки Исломии Рушд дар Риёз иштирок намуд
Одил Рено-Бассо: «Ҳамкории Бонки Аврупоии таҷдид ва рушд ва Тоҷикистонро метавон ҳамчун ҳамкории шарикӣ арзёбӣ намуд»
Дар ноҳияи Данғара Фестивали «Саводнокии молиявӣ» гузаронида шуд
Ҷаласаи Ситоди байниидоравӣ оид ба ҳамоҳангсозии амалишавии сиёсати макроиқтисодӣ ва пешгирии таъсири хавфҳои эҳтимолӣ доир шуд
