Барои интиқоли гӯшти моҳӣ аз кӯлҳои ноҳияи Мурғоб ба Хоруғ шароит фароҳам оварда шуд
ХОРУҒ, 10.08.2019 /АМИТ «Ховар»/. Соҳибкори маҳаллӣ Идибек Фароғатов мошини дорои яхдон, ки нархи он 70 ҳазор сомонӣ аст, харида, ба ихтиёри Раёсати Кумитаи ҳифзи муҳити зисти ҷумҳурӣ дар Вилояти Мухтори Кӯҳистони Бадахшон гузошт.
Ба гуфтаи сардори раёсати мазкур Мулкамон Назаралиев, «ҳарчанд дар кӯлҳои вилояти Бадахшон моҳии фаровон мавҷуд аст, аммо дар бозору дигар фурӯшгоҳҳои шаҳр гӯшти моҳӣ пайдо кардан ғайриимкон аст. Агар пайдо ҳам кунед, сифаташ хуб нест. Тақдими мошини дорои яхдон минбаъд ба соҳибкорон имконият медиҳад, ки онҳо бозору дӯкон ва ошхонаву қаҳвахонаҳои шаҳрро бо гӯшти моҳӣ таъмин намоянд. Азбаски масофа байни кӯлҳои вилоят ва маркази шаҳр 250-300 километрро ташкил медиҳад, моҳидорон аз интиқоли он худдорӣ меварзанд. Зеро бар асари гармии ҳаво гӯшти он вайрон мегардад ва соҳибкор ба ҷои фоида аз тиҷорати худ зарар мебинад».
Барои ҷуброни зиён соҳибкор маҷбур аст, ки нархи моҳиро боло барад. Гаронии нарх ба фурӯши саривақтии он монеъ мешавад. Баъди дастрас намудани мошини махсус ин мушкил шояд аз миён бардошта шавад.
Ба гуфтаи сардори Раёсати муҳити зисти вилоят оби кӯлҳои Зоркӯл, Яшикӯл, Сарез ва Трумкӯл мусаффо ва пок буда, барои парвариши яке аз беҳтарин намудҳои моҳӣ- гулмоҳӣ (фарел) мутобиқу мувофиқ мебошанд. Иқтидори захираи обии ин кӯлҳо имконият медиҳад, ки моҳидорон дар як сол то 40 ҳазор тонна гулмоҳӣ парвариш карда, ба бозор бароранд.
Ба гуфтаи сардори Раёсати ҳифзи муҳити зисти вилоят Мулкамон Назаралиев, соҳибкороне, ки ба хариду фурӯши гӯшти моҳӣ ва чорво аз ноҳияҳои дурдасти вилоят машғул мебошанд, метавонанд аз ин мошин истифода баранд. Онҳо бояд барои дастрас кардани мошини мазкур ва иҷозатнома барои шикори моҳӣ ба Раёсати ҳифзи муҳити вилоят муроҷиат намоянд.
Дар Ҷумҳурии Тоҷикистон 52 намуди моҳӣ мавҷуд аст. Соли гузашта қариб 290 тонна моҳӣ ба бозор бароварда шуд. Аммо дар бораи парвариш ва фурӯши моҳӣ дар бозорҳои шаҳру ноҳияҳои Вилояти Мухтори Кӯҳистони Бадахшон арқоми дақиқ вуҷуд надоранд.
Дар минтақаи ҷангалпарварии ноҳияи Рӯдакӣ зиёда аз 30 ҳазор бех ниҳол шинонида шуд
Дар водиҳои Тоҷикистон кишти картошка идома дорад
Дар шоҳроҳи Роғун — Нуробод зиёда аз 900 бех ниҳоли олуча ва дарахтони сояафкан шинонида шуд
«Стратегияи рушди саноат дар Ҷумҳурии Тоҷикистон барои давраи то соли 2030» мавриди амал қарор дорад
НИСОИ БУЛУНКӮЛ. Муаррифии фаъолияти зане, ки роҳбарии Истгоҳи ҳавосанҷииро дар ноҳияи Мурғоб бар уҳда дорад
КИШТИ БАҲОРӢ. Моҳи март дар Тоҷикистон кишти сабзавот оғоз мегардад
Сарвазири Тоҷикистон Қоҳир Расулзода дар ноҳияи Ашт бо раванди бунёди неругоҳи барқи офтобӣ шинос шуд
Дар Душанбе оид ба дастгирии экосистемаи стартапҳо дар Тоҷикистон ҳамоиш баргузор гардид
Сарвазири мамлакат Қоҳир Расулзода бо раванди сохтмони корхонаи ғанигардонии маъдани оҳани ҶСП «Комбинати металлургии тоҷик» шинос шуд
«Moody’s Ratings»: Рейтинги соҳибихтиёрии қарзии Тоҷикистон ба дараҷаи «B2» бо дурнамои «устувор» баланд бардошта шуд
Самтҳои асосии Паёми Президенти Тоҷикистон ба Маҷлиси Олӣ дар Хадамоти гумрук тавзеҳ дода шуданд
Вазирони энергетикаи Тоҷикистон ва Покистон дурнамои рушди ҳамкориро дар соҳаи энергетика баррасӣ намуданд
