Филми «Дуғоб» дар Кинофестивали байналмилалии «Само» дар Шветсия иштирок менамояд
ДУШАНБЕ, 27.08.2019. /АМИТ «Ховар»/. Филми кӯтоҳмуддати «Дуғоб»-и коргардон Зайнулобиддини Мусо дар Кинофестивали байналмилалии «Само»-и Шветсия иштирок менамояд. Дар ин бора ба мухбири АМИТ «Ховар» аз Муассисаи давлатии «Тоҷикфилм» иттилоъ доданд.
Бино ба иттилои манбаъ, муҳтавои филм дар бораи зани танҳое қисса мекунад, ки дар як деҳаи дурдаст зиндагии худ ва писари хурдсолашро танҳо бо ҳунармандӣ таъмин менамояд. Ашхоси тамаъҷӯй мехоҳанд зани ҷавонро ба доми худ дароранд, аммо бинанда ба росткорӣ ва ишқи пок доштани ин зан шоҳид мегардад.
Коргардони филм Зайнулобиддини Мусо, наворбардор Мумин Латифӣ буда, Ансорӣ Асадуллозода, Райҳона Раҳимова, Ҳусейни Камолиддин ва Асад Камолов дар ин филм нақш офаридаанд.
Бояд зикр намуд, ки Кинофестивали байналмилалии «Само» соли 2009 аз ҷониби муҳоҷирони афғон дар Шветсия таъсис ёфта, ҳар сол аз 13 то 15 сентябр дар шаҳри Стокголм баргузор мегардад. Имсол филми «Дуғоб» дар саҳифаи қабули филмҳо дар раддаи 5-ум қарор дорад.
Ҳаҷми филми «Дуғоб» 35 дақиқа буда, бори аввал аст, ки он дар фестивали берун аз ҷумҳурӣ иштирок менамояд. Филми кӯтоҳмуддати «Дуғоб» миёнаи солҳои 2018-2019 аз ҷониби Муассисаи давлатии «Тоҷикфилм» истеҳсол шудааст.
АКСҲО аз ҷараёни сабти филми «Дуғоб».
Озмуни «Шоҳномахонӣ» рӯйдоди муҳими фарҳангию маърифатӣ аст
1050-СОЛАГИИ РОБИАИ БАЛХӢ. Ӯ нахустин зани соҳибдевони тоҷик аст
РУШДИ ҲУНАРҲОИ МАРДУМӢ. Сӯзании Панҷакент рамзи фарҳанги миллӣ ва пешрафти ҳунарҳои дастии занони тоҷик аст
Моҳи октябр дар Тоҷикистон Озмуни ҷумҳуриявии «Донандаи беҳтарини асарҳои Пешвои миллат» доир мегардад
Дар муассисаҳои илмӣ-таҳқиқотӣ 18 озмоишгоҳ таъмир ва бо таҷҳизоти замонавӣ муҷаҳҳаз карда шуд
ФАРҲАНГ — ҲАСТИИ МИЛЛАТ. Дар Душанбе аҳли фарҳангу ҳунар қадрдонӣ гардиданд
«МАН АВВАЛ ТОҶИКАМ, БАЪД МУСАЛМОН!». Миллатдӯстӣ шарти асосии муқовимат ба таҳдидҳои мафкуравӣ аст
Дар Душанбе Фестивал-озмуни «Як матову сад ранг» ва намоиш-фурӯши маҳсулоти чакан, нақшдӯзӣ ва зардӯзӣ доир мешавад
«ШОҲНОМАХОНӢ». Дар Суғд барои даври сеюми озмуни ҷумҳуриявӣ беш аз 400 ҳазор сомонӣ ҷудо гардид
«ШОҲНОМАХОНӢ». Дар Хатлон барои ғолибони даври сеюми озмуни ҷумҳуриявӣ беш аз 200 ҳазор сомонӣ ҷудо гардид
«САЙРИ ГУЛИ ЛОЛА». Моҳи апрел дар Тоҷикистон Фестивали гулҳо баргузор мегардад
Таҳкими худшиносии ҷавонон тавассути тарғиби фарҳангу тамаддун ва таърихи пурғановати миллӣ амали омӯзанда аст
