Суди шаҳри Ваҳдат Раҷаббек Муродовро барои дар ҳолати мастӣ идора намудани мошин ҷарима намуд
ВАҲДАТ, 27.08.2019 /АМИТ «Ховар»/. Суди шаҳри Ваҳдат сокини деҳаи Тангаии Ҷамоати деҳоти Симиганҷи шаҳри Ваҳдат Раҷаббек Муродовро барои дар ҳолати мастӣ идора намудани воситаи нақлиёт дар асоси моддаи 332-и Кодекси ҳуқуқвайронкунии маъмурии Ҷумҳурии Тоҷикистон гунаҳкор дониста, нисбат ба ӯ бо ин модда ҷазои маъмурии ҷарима ба андозаи сесад нишондиҳанда, баробар ба 16 ҳазору 500 сомонӣ таъйин намуд. Суд ҳамчунин Раҷаббек Муродовро аз ҳуқуқи идораи воситаҳои нақлиёт ба муҳлати 5 сол маҳрум кард. Дар ин бора муовини раиси Суди шаҳри Ваҳдат Бахтиёр Холиқзода ба хабарнигори АМИТ «Ховар» иттилоъ дод.
Ҷавобгар Раҷаббек Муродов оиладор, соҳиби 4 фарзанд буда, муваққатан бекор мебошад. Ӯ ба ин мушкилоти зиндагиаш нигоҳ накарда, ба майнӯшӣ даст зада, воситаи нақлиётро дар ҳолати мастӣ дар деҳаи Тангаӣ идора намуда, барои кӯдакону наврасону сокинони деҳа хатар эҷод намудааст. Мавсуфро дар ин ҳолат нозирони ШБДА ШВКД дар шаҳри Ваҳдат дастгир намудаанд.
Бахтиёр Холиқзода гуфт, ки соли равон ба Суди шаҳри Ваҳдат бо моддаи 332 барои дар ҳолати мастӣ бе ҳуҷҷати ронандагӣ идора намудани воситаҳои нақлиёт 34 парванда ворид гардид. Аз ин парвандаҳои воридгардида 30 парванда баррасӣ шуд, ки 23 нафар ронандагони майнӯш аз сабаби паст будани вазъи иқтисодияшон 15- рӯзӣ ба ҳабс гирифта шуданд ва 7 нафари дигар ба маблағи 115 ҳазору 500 сомонӣ ба фоидаи давлат ҷарима шуданд.
Инчунин 30 нафар ронандагони маст аз ҳуқуқи идораи воситаҳои нақлиёт ба муҳлати 5 сол маҳрум карда шуданд.
Пагоҳ дар тамоми муассисаҳои тиббии Тоҷикистон ташхиси ройгон гузаронида мешавад
Дар Филиппин Саммити 7-уми глобалии вазирон оид ба бехатарии беморон баргузор гардид
Дар Душанбе даври омӯзишӣ аз рӯи ихтисоси кафшергарӣ оғоз шуд
Муовини Сарвазири Тоҷикистон бо муовини Сарвазири Узбекистон мулоқот намуд
Меҳмонони Форуми байналмилалии занон Маҷмааи таърихию фарҳангии «Қалъаи Хуҷанд»-ро тамошо намуданд
Дар моҳи апрел ҳаво дар Тоҷикистон чӣ гуна мешавад?
«НАВРӮЗ — ИДИ ЗАНОНИ ВАҲДАТСАРО». Ин форум занони тоҷик, узбек ва қирғизро дар фазои дӯстӣ ба ҳам овардааст
«НАВРӮЗ — ИДИ ЗАНОНИ ВАҲДАТСАРО». Дар шаҳри Хуҷанд Форуми байналмилалии занон баргузор мегардад
Дар шаҳри Турсунзода Маркази саломатии деҳавии «Саркор» ба истифода дода шуд
Эмомалӣ Раҳмон: «Яке аз бузургтарин ҳикмати моҳи шарифи Рамазон ва иди саиди Фитр расидан ба қадри неъматҳо мебошад»
ОГОҲӢ. Хатари лағзиши тарма ва омадани сел дар роҳҳои кӯҳии Тоҷикистон то 31 март боқӣ мемонад
Барои пешгирии амалҳои коррупсионӣ бо кормандони соҳаи тандурустии шаҳри Роғун вохӯрӣ доир гардид
