Дабири кулли Созмони ҷаҳонии гумрук Кунио Микурия аз Вазорати молияи Тоҷикистон боздид намуд
ДУШАНБЕ, 25.09.2019/АМИТ «Ховар»/. Масъалаҳои тавсеаи ҳамкории Ҷумҳурии Тоҷикистон бо Созмони ҷаҳонии гумрук дар меҳвари мулоқоти Вазири молияи Ҷумҳурии Тоҷикистон Файзиддин Қаҳҳорзода ва Дабири кулли Созмони ҷаҳонии гумрук Кунио Микурия қарор дошт.
Аз Вазорати молияи Ҷумҳурии Тоҷикистон ба АМИТ «Ховар» иттилоъ доданд, ки дар ҷараёни мулоқот мусоҳибон аз ҳамкории самарабахши Ҷумҳурии Тоҷикистон ва Созмони ҷаҳонии гумрук изҳори қаноатмандӣ намуда, атрофи масъалаҳои рушди иҷтимоию иқтисодии ҷумҳурӣ, фаъолияти дидбонгоҳҳои гумрукӣ, фазои мусоиди сармоягузорӣ ва рушди бахши хусусӣ, инчунин такмили ихтисоси мутахассисони соҳа мубодилаи афкор намуданд.
Дар анҷоми мулоқот мусоҳибон барои дар оянда боз ҳам тақвият додани ҳамкории дуҷониба миёни Ҷумҳурии Тоҷикистон ва Созмони ҷаҳонии гумрук омодагии худро баён доштанд.
Бояд тазаккур дод, ки Дабири кулли СҶГ дар доираи сафари расмиии серӯзааш- аз 23 то 25 сентябр бо Асосгузори сулҳу ваҳдати миллӣ-Пешвои миллат, Президенти Ҷумҳруии Тоҷикистон муҳтарам Эмомалӣ Раҳмон мулоқот анҷом дод.
Ҳамзамон Кунио Микурия дар Душанбе бо сардори Хадамоти гумруки назди Ҳукумати Ҷумҳурии Тоҷикистон Хуршед Каримзода, Вазири молияи Ҷумҳурии Тоҷикистон Файзиддин Қаҳҳорзода, ректори Донишгоҳи миллии Тоҷикистон Муҳаммадюсуф Имомзода мулоқот намуда, маҷмӯи масъалаҳои тақвияти ҳамкории гумрукиро баррасӣ намуданд.
Кунио Микурия дар ҳошияи сафари расмиаш ба Тоҷикистон ҳамзамон аз дидбонгоҳҳои гумрукии «Терминал»-и Раёсати минтақавии гумрукии шаҳри Душанбе ва дидбонгоҳи гумрукии «Дӯстӣ»-и Раёсати минтақавии гумрукӣ дар шаҳри Турсунзода боздид намуда, бо фаъолияти онҳо аз наздик шинос гардид.
Бо ҳамин сафари расмии Дабири кулли Созмони ҷаҳонии гумрук Кунио Микурия ба Ҷумҳурии Тоҷикистон анҷом ёфт.
РУШДИ ПАРВАРИШИ ПАВЛОВНИЯ ДАР ТОҶИКИСТОН. Як дарахти он метавонад 22 кг гази карбонро фурӯ бурда, 6 кг оксиген хориҷ намояд
Ҳамкории Тоҷикистон бо Созмони озуқаворӣ ва кишоварзии СММ дар самти муҳити зист баррасӣ гардид
Дар Тоҷикистон ҷамъоварии ҳосили лимӯ оғоз шуд
Имсол ба Вилояти Мухтори Кӯҳистони Бадахшон беш аз 40 ҳазор сайёҳ ворид гардид
Байни Тоҷикистон ва Русия дар самти амнияти иттилоотӣ ва коммуникатсионӣ Ёддошти тафоҳум ба имзо расид
Вазирони рушди иқтисоди Тоҷикистон ва Русия амалисозии Харитаи роҳ оид ба густариши ҳамкории тиҷоратию иқтисодиро зарур шумориданд
Доир ба тақвияти ҳамкории Тоҷикистон ва Русия дар соҳаи нақлиёт санади нави ҳамкорӣ ба имзо расид
Агентии инноватсия ва технологияҳои рақамии назди Президенти Тоҷикистон барои рушди зеҳни сунъӣ тадбирҳои амалӣ меандешад
Сарвари давлат Эмомалӣ Раҳмон: «Шумораи сайёҳон аз Русия ба Тоҷикистон афзоиш ёфтааст»
Таҳкими ҳамкорӣ байни Тоҷикистон ва Комиссияи иқтисодии СММ барои Аврупо дар самтҳои рақамикунонии соҳаи сохтмон баррасӣ гардид
Таҳкими ҳамкории Тоҷикистон ва Русия дар соҳаи инноватсия ва технологияҳои рақамӣ баррасӣ гардид
Аз Тоҷикистон ба Русия беш аз 29 ҳазор тонна маҳсулоти кишоварзӣ содирот карда шудааст
