Ҷаҳонпаҳлавони тоҷик Сомон Маҳмадбеков баъди ғолибият дар Чемпионати ҷаҳон оид ба дзюдо ба Ватан меояд

Октябрь 22, 2019 10:37

ДУШАНБЕ, 22.10.2019 /АМИТ «Ховар»/. Паҳлавони маъруфи тоҷик Сомон Маҳмадбеков пас аз баргузории Чемпионати ҷаҳон оид ба дзюдо 24 октябр тавассути хатсайри Кросноярск – Душанбе ба Ватан меояд. Дар ин  бора  котиби матбуоти  Кумитаи кор бо ҷавонон ва варзиши назди Ҳукумати Ҷумҳурии Тоҷикистон Каримҷон Салимзода ба шореҳи варзиши АМИТ «Ховар» Меҳрони Қурбон хабар дод.

Тибқи иттилои манбаъ, маросими истиқболи ин варзишгари маъруф соати 9:00, дар қисмати пазироии меҳмонони олиқадри Фурудгоҳи байналмилалии Душанбе баргузор мегардад.

Ҳамзамон зимни маросими истиқбол бо Сомон Маҳмадбеков нишасти хабарӣ доир карда мешавад. Журналистон ва кормандони воситаҳои ахбори оммаи мамлакат метавонанд дар нишасти хабарӣ иштирок намоянд.

Кумитаи кор бо ҷавонон ва варзиш дӯстдорону ҳаводорон ва мухлисони ин навъи варзишро ба маросими истиқболи ҷаҳонпаҳлавони тоҷик Сомон Маҳмадбеков даъват менамояд.

Ёдовар мешавем, ки дар Чемпионати ҷаҳон дар Марокаш паҳлавони шинохтаи тоҷик Сомон Маҳмадбеков дар вазни 73 кг миёни ҷавонон аз рӯи варзиши дзюдо қаҳрамони ҷаҳон гардид. Дар ин  мусобиқаи сатҳи баланди ҷаҳонӣ, ки 517 варзишгар аз 81 кишвари ҷаҳон ширкат варзиданд, Сомон ба ҳамаи рақибонаш пирӯз гардида, медали тиллои мусобиқаро ба даст овард.

Сомон Маҳмадбеков дар даври аввал дар 1,27 сония варзишгари Кипр  Семедо Скавдиниоро бо ғолибияти тоза (иппон) шикаст дода, дар даври дуюм варзишгар аз Ҷумҳурии Қирғизистон Асад Масабировро дар 2,38 сония мағлуб намуда,  ба даври сеюм роҳхат пайдо намуд.

Дар даври сеюм Сомон бо Абдумалик Умаев аз Белгия рақобат намуда, дар 3,15 сония ба ин варзишгар ғолибияти соф ба даст овард. Дар даври нимниҳоӣ Сомон дар 19 сония бар паҳлавони  австралиягӣ Гаснер Самуел ғолиб омада, ба финали мусобиқа роҳхат гирифт.

Дар сабқати ниҳоӣ Сомон варзишгари Россия Георгий Елбакиевро дар 3,42 сония мағлуб намуда, чемпиони ҷаҳон оид ба дзюдо дар вазни 73 кг гардид.

Октябрь 22, 2019 10:37

Хабарҳои дигари ин бахш

БОЗИҲОИ ОСИЁӢ. Варзишгарони навраси тоҷик дар ин мусобиқа соҳиби 12 медал гардиданд
Варзишгарони собиқадори тоҷик дар Чемпионати ҷаҳон оид ба самбо соҳиби 10 медал гаштанд
Дастаи мунтахаби наврасони Тоҷикистон (U-17) бо дастаи Кореяи Ҷанубӣ бозии санҷишӣ анҷом дод
Варзишгоҳи нави марказии ноҳияи Восеъ дорои 21 ҳазор ҷойи нишаст мебошад
Рақибони дастаи мунтахаби Тоҷикистон оид ба футзал дар Бозиҳои ҳамбастагии исломӣ-2025 муайян гардиданд
Имрӯз «Регар-ТадАЗ» аввалин бозиро дар марҳилаи гурӯҳии Лигаи даъвати КФО-2025/26 баргузор мекунад
Дастаи мунтахаби наврасони Тоҷикистон (U-17) оид ба футбол дар бозии санҷишӣ бо Каледонияи Нав ҳисобро мусовӣ кард
«Регар-ТадАЗ» барои иштирок дар марҳилаи гурӯҳии Лигаи даъвати КФО-2025/26 ба Бишкек сафар кард
Дар шаҳри Хуҷанд Чемпионати Тоҷикистон оид ба бокс ҷамъбаст гардид
Довталабони иҷозатномаи «PRO» оид ба футбол таҷрибаомӯзиро дар дастаи миллии Тоҷикистон анҷом доданд
Дастаи мунтахаби наврасони Тоҷикистон (U-17) дар Амороти Муттаҳидаи Араб бозиҳои дӯстона анҷом медиҳад
«МегаФон Тоҷикистон» шарики кулли Ҷоми Тоҷикистон оид ба футзал гардид