Дар Академияи илмҳо китобҳои «Куруши Кабир-Зулқарнайн» ва «Грамматикаи Авесто» муаррифӣ гардиданд
ДУШАНБЕ, 25.10.2019 /АМИТ «Ховар»/. 24 октябр дар Академияи илмҳои Ҷумҳурии Тоҷикистон маросими рӯнамоии китобҳои «Куруши Кабир-Зулқарнайн» ва «Грамматикаи Авесто» баргузор гардид.
Маросими рӯнамоиро президенти Академияи илмҳо Фарҳод Раҳимӣ оғоз намуда, гуфт, ки китобҳои навбатии муаррифишаванда аз шумули китобҳои нодир мебошанд ва олимон ҳамарӯзи дунболи таҳқиқоти китобҳои наванд.
«Боиси таассуф аст, ки мутахассисони забонҳои қадимӣ, ба истиснои як-ду нафар, кам мондаанд. Мо тасмим гирифтем, ки дар Академия як гурӯҳ хоҳишмандонро барои ин кор ҷалб кунем. То имрӯз курси омӯзиши забони авастоӣ давом дорад. Ҳамзамон таъсиси курси забонҳои суғдӣ ва омӯзиши забонҳои бохтарӣ ва хутанӣ дар назар аст».
Дар идомаи сухан президенти Академияи илмҳо ёдрас кард, ки ҳоло 4 нафар ба омӯзиши забони санскрит машғуланд.
Зикр гардид, ки муаллифи китоби «Куруши Кабир-Зулқарнайн» Мавлоно Абдулкарими Озод буда, Раҳмоналӣ Мирализода онро ба хатти тоҷикӣ баргардон намудааст.
Он асари тадқиқотӣ — тафсириест, ки бар асоси иттилооти Қуръонӣ, таърихӣ-бостоншиносӣ ва таносуби илмии мантиқу қиёс шахсияти таърихӣ ва маънавии Зулқарнайни Қуръони Каримро ҳамаҷониба тафсир ва таҳлилу баррасӣ намуда, бо далелу бурҳон Зулқарнайни аслиро ба хонанда муаррифӣ менамояд.
Китоби дигари муаррифишуда — ин китоби «Грамматикаи Авесто» мебошад, ки онро Раҳом Аша ба забони авастоӣ таҳқиқу баррасӣ ва пешкаши хонандагон гардонидааст.
Бояд гуфт, ки забони авастоӣ яке аз забонҳои эронии бостон буда, бо номи китоби «Авасто»-кӯҳнатарин ёдгории муштараки мардумони ориёӣ номгузорӣ шудааст.
Дар анҷоми муаррифии китобҳои зикршуда миёни олимони Академияи илмҳо атрофи шахсиятҳои таърихӣ, ба монанди Куруши Кабир, Искандари Мақдунӣ ва ғайра баҳсу мунозира сурат гирифт.
Дуғдоғи беозору зебо «Парандаи сол-2025» дар Тоҷикистон интихоб шуд
Дар Самарқанд спектаклҳои «Хунхори Торросӣ» ва «Агар ҷанг намебуд» намоиш дода мешаванд
Ҳамкории Тоҷикистон ва Миср дар самти таҳқиқ ва омӯзиши мероси таърихию фарҳангӣ густариш меёбад
Ҳайати Тоҷикистон дар ҷаласаи Шурои директорони осорхонаҳои миллии Осиёи Марказӣ иштирок намуд
«ТОҶИКИСТОН-КИШВАРИ ЁДГОРИҲОИ ТАЪРИХӢ». Дар Ҷумҳурии Арабии Миср намоиши байналмилалӣ ифтитоҳ ёфт
Ғолиби «Фурӯғи субҳи доноӣ китоб аст» Шаина Мабатқадамова: «Маслиҳати падаронаи Сарвари давлат маро руҳбаланд кард»
МЕҲРГОН-ИДИ МЕҲРУ МУҲАББАТ. Ин ҷашни бостонии тоҷикон ба Феҳристи репрезентативии мероси фарҳанги ғайримоддии башарият ворид гардид
САНЪАТИ РУБОБСОЗӢ ВА РУБОБНАВОЗӢ. Ин асбоби мусиқии миллии тоҷикон ба Феҳристи репрезентативии мероси фарҳанги ғайримоддӣ ворид карда шуд
Дар маҷаллаи бонуфузи «Diplomatic Insight Publishers» -и Покистон матлабе дар бораи дипломатияи ҷаҳонии оби Президенти Тоҷикистон ба нашр расид
Дар Филармонияи давлатии Тоҷикистон ба номи Акашариф Ҷӯраев барои баргузории чорабиниҳои сатҳи баланд шароит муҳайё гардид
Масъалаи баргузории Рӯзҳои фарҳанги Ҷумҳурии Тоҷикистон дар Иёлоти Муттаҳидаи Амрико баррасӣ гардид
Президенти Академияи миллии илмҳои Тоҷикистон бо фаъолияти Маркази таҳқиқоти экологии шаҳри Акита шинос шуд
