Дар ноҳияи Роштқалъа коргоҳи хурди ресандагӣ ба фаъолият оғоз кард
ХОРУҒ, 28.10.2019 /АМИТ «Ховар»/. Дар Ҷамоати деҳоти Барвози ноҳияи Рошқалъа корхонаи хурди ресандагӣ ба фаъолият оғоз кард. Ин корхона бо кумаки Вазорати нақлиёти ҷумҳурӣ бунёд ёфта, дар он 13 нафар занони хонашин ба кор ҷалб карда шуданд.
Як тан аз ресандагони ин корхона Бунафша Қурбоншоева гуфт, ки «мо аз пашми бузи тибетӣ маҳсулоти хом тайёр мекунем, ки на танҳо дар бозори дохилӣ, балки дар бозори ҷаҳонӣ низ харидорони зиёд дорад. Ба ин шуғл мо 10 нафар занони деҳа ду сол пеш машғул шудем. Бинои худӣ надоштем. Як утоқи хурди ҳамдеҳаамонро ба иҷора гирифтем ва муддати ду сол дар он ҷо фаъолият доштем. Сокинони деҳа ба кори мо бо шубҳа нигоҳ мекарданд. Аммо давоми ду сол ба маҳсулоти мо аз хориҷи мамлакат мароқ зоҳир карданд. Инро ба инобат гирифта, Вазорати нақлиёти Ҷумҳурии Тоҷикистон ва Барномаи Ҷонибдории инкишофи манотиқи кӯҳистони Бунёди Оғохон бинои зебо бунёд намуданд».
Барои бунёди бинои нави корхона қариб 100 ҳазор сомонӣ сарф шуд ва он даҳаи дуюми моҳи октябр дар ихтиёри ресандагон гузошта шуд.
Шуғли асосии сокинони деҳаи Барвоз чорводорӣ буда, ин деҳаи кучак беш аз 3 ҳазор моли майда дорад, ки қисмати бештари онро бузҳои тибетӣ ташкил медиҳанд. Асосан баҳори ҳар сол пашми ин навъи бузҳо шона карда шуда, ба корхонаи калони коркарди пашми шаҳри Ҳироти кишвари ҳамсояи Афғонистон интиқол дода мешавад. Баъди коркард боз ба коргоҳҳои хурди ресандагӣ, ки шумораашон ҳоло дар ноҳияи Рошқалъа ба се адад расидааст, фиристода мешавад. Аз пашми коркардшуда дар коргоҳҳои хурди ин ноҳия ресмон мересанд ва мутобиқи шартнома ба як ширкати амрикоӣ мефурӯшанд.
Масъулини мақомоти иҷрои ҳокимияти давлатии ноҳия тасмим гирифтаанд, ки бо дастрас кардани таҷҳизоти иловагӣ маҳсулоти хом ва тайёрро дар худи коргоҳҳои маҳалӣ ба роҳ монанд.
Сарвазири Тоҷикистон Қоҳир Расулзода дар ноҳияҳои Абдураҳмони Ҷомӣ ва Дӯстӣ бо корҳои ободонию созандагӣ ва саривақт ҷамъоварӣ намудани ҳосили пахта шинос шуд
35-СОЛАГИИ ИСТИҚЛОЛИ ДАВЛАТӢ. Дар Балҷувон 180 иншооти таъйиноти гуногун ба истифода дода шуд
Пешвои миллат Эмомалӣ Раҳмон дар Фурудгоҳи байналмилалии Хуҷанд бинои Маҷмааи хизматрасонии техникии парвозҳоро ба истифода доданд
Сарвари давлат Эмомалӣ Раҳмон 3 қитъаи роҳи мошингарди Деҳмой-Конибодом — Деҳмой-Бобоҷон Ғафуров, Бобоҷон Ғафуров-Хистеварз ва Кучкак-Конибодомро мавриди баҳрабардорӣ қарор доданд
Дар Кувайт ҷашнҳои давлатии Тоҷикистон таҷлил гардиданд
Пешвои миллат Эмомалӣ Раҳмон таври фосилавӣ 6 иншооти таъйиноти гуногунро дар ноҳияи Бобоҷон Ғафуров ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар ноҳияи Бобоҷон Ғафуров коргоҳи истеҳсоли маҳсулоти пластикии ҶДММ «Чавроқ»-ро мавриди баҳрабардорӣ қарор доданд
Сарвари давлат Эмомалӣ Раҳмон дар шаҳри Гулистон ба таври фосилавӣ як иншооти соҳаи тандурустӣ, ду корхонаи саноатӣ ва як сардхонаро ифтитоҳ намуданд
Пешвои миллат Эмомалӣ Раҳмон дар шаҳри Гулистон корхонаи истеҳсоли ранг ва хокаи хушки сохтмонии ҶДММ «Тиглат»-ро ба истифода доданд
Сарвари давлат Эмомалӣ Раҳмон ба корҳои сохтмонии ду лоиҳаи нави энергетикӣ дар ноҳияи Ашти вилояти Суғд ва ноҳияи Ҷайҳуни вилояти Хатлон оғоз бахшиданд
Президенти Ҷумҳурии Тоҷикистон Эмомалӣ Раҳмон 3 гидроагрегати неругоҳи Қайроққумро баъди навсозӣ мавриди истифода қарор доданд
Пешвои миллат Эмомалӣ Раҳмон бо роҳбарон ва фаъолони вилояти Суғд мулоқот намуданд
