Намоиши осори рассомони ҷавон таҳти унвони «Пайроҳаи мерос. Силуэт- наққошии минётурнигорон» ифтитоҳ меёбад
ДУШАНБЕ, 31.10.2019 /АМИТ «Ховар»/. Имрӯз дар толори намоишгоҳи Иттифоқи рассомони Тоҷикистон намоиши осори рассомони ҷавон таҳти унвони «Пайроҳаи мерос. Силуэт- наққошии минётурнигорон» баргузор мегардад.
Тавре аз маркази матбуоти Вазорати фарҳанги Ҷумҳурии Тоҷикистон ба хабарнигори АМИТ «Ховар» иттилоъ доданд, намоиш ба ифтихори Рӯзи Конститутсияи Ҷумҳурии Тоҷикистон ва Солҳои рушди деҳот, сайёҳӣ ва ҳунарҳои мардумӣ бахшида мешавад.
Мақсад аз баргузории намоиши мазкур рушди санъати минётурнигорӣ, тарғиби ин намуди санъат ва дастгирии рассомони ҷавон маҳсуб мешавад.
Ёдовар мешавем, ки намоиш соати 17:00 оғоз мегардад.
Бояд тазаккур дод, ки дар охири асри 14 ва ибтидои асри 15 мактаби минётурнигории Ҳирот таъсис ёфта буд, ки Камолиддини Беҳзод намояндаи бузургтарини ин мактаби эҷодӣ мебошад.
Камолиддин Беҳзод дар Шарқ бо лақаби «Монии Сонӣ» ва дар Ғарб бо номи «Рафаэли Шарқ» низ маъруф буда, дар ин давра ӯро «қоиди мусаввирон», «ягонаи даврон» ва «нодири даврон» меномиданд.
Реализми осори Камолиддини Беҳзод бештар дар нигоришҳое падидор мешавад, ки ҳаёти воқеии халқро ифода мекунанд. Камолиддини Беҳзод инчунин баъзе лавҳаву манзараҳои этнографӣ низ кашидааст, ки арзиши баланди ҳунариву эстетикӣ ва таърихӣ доранд.
Ҳамчунин дар асрҳои миёна санъати ороиши китоб ва минётурнигорӣ равнақ ёфт. Минётурҳо маъмулан дар асоси сужети асарҳои манзум офарида мешуданд. Мавзӯи миниётурҳо аз саҳнаҳои ҷанги тан ба тан, лаҳзаҳои базму зиёфатҳо, шикор, мулоқоти ошиқон, маросими қабул, манзара, симои шахсони бузург ва ғайра иборат буд.
Дар таърихи минётурнигории форс-тоҷик Камолиддини Беҳзод, Авазмуҳаммади Мусаввир, Муҳаммадмуроди Самарқандӣ, Маҳмуди Музаҳҳиб, Содиқбеки Афшор, Ризо Аббосӣ мақоми махсус доранд.
Дар охири асри 14- ибтидои асри 15 мактаби минётури Ҳирот пайдо шуд, ки барои ташаккули мактаби миётурнигории асрҳои 16-17-и тамоми Мовароуннаҳр асос гардид. Мактаби минётури Бухоро дар нимаи дуввуми асри 16 инкишоф ёфта, равияи ба худ хос касб кард.
Имрӯз санъати рассомӣ дар Тоҷикистон равнақ дошта, рассомони тоҷик дар ин навъи санъат асарҳои баландмазмуну баландғояро аз мероси бадеии ғании миллӣ ва дастовардҳои мамлакат моҳирона эҷод мекунанд.
Бахшида ба 35-солагии Истиқлоли давлатӣ таҳти унвони «Меъмори кохи бузурги маънавӣ» китоб нашр шуд
ЭҲЁИ ҶАШНҲОИ МИЛЛӢ ДАР 35 СОЛИ ИСТИҚЛОЛИЯТ. Ва ё мақоми байналмилалиро соҳиб гардидани онҳо
СИНАМОИ ТОҶИК ДАР 35 СОЛИ ИСТИҚЛОЛИ ДАВЛАТӢ. Дар ин давра беш аз 300 филм ба навор гирифта шудааст
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
Конференсияи ҷумҳуриявии «Забон рукни муҳимми Истиқлоли давлатӣ ва ҳамбастагии ҷомеа» баргузор гардид
Дар Озмуни байналмилалии «Санъати китоб» «Шоҳнома»-и Абулқосим Фирдавсӣ сазовори Шоҳҷоиза гардид
35 СОЛИ СОҲИБИСТИҚЛОЛӢ. Дар Тоҷикистон соли 1991 танҳо 15 театр фаъолият мекард
«Эмомалӣ Раҳмон — муаррифгари таърихи ниёгон ва тамаддуни навини тоҷикон». Таҳти ин унвон китоб ба нашр расид
