Намояндагони ВАО-и ватанӣ дониши худро доир ба бехатарии иттилоотӣ такмил медиҳанд

Октябрь 8, 2019 09:30

ДУШАНБЕ, 08.10.2019/АМИТ «Ховар»/. Беш аз 10 нафар кормандони воситаҳои ахбори  оммаи ватанӣ зарфи се рӯз – аз 7 то 10 октябр дар доираи машғулияти «Бехатарии  иттилоотӣ  ва нақши медиа  дар шабакаҳои иҷтимоӣ» донишу малакаи худро такмил медиҳанд. Академияи воситаҳои ахбори оммаи  Тоҷикистон   аз созмондиҳандагони машғулият барои намояндагони ВАО-и ватанӣ буда, ҳадафаш боло бурдани савияи тахассусии кормандони эҷодию техникии шабакаҳои радиоию телевизионӣ ва нашрияҳо мебошад.

Тавре директори Муассисаи давлатии «Академияи ВАО-и Тоҷикистон» Зинатуллоҳ Исмоилзода иброз дошт, бо мақсади риояи бехатарии иттилоотӣ ва нақши ВАО зимни истифодаи имконоти интернет ва шабакаҳои иҷтимоӣ «Академияи ВАО» силсилаи машғулиятҳоро доир менамояд, ки он барои баланд бардоштани фарҳанги истифодаи интернет ва шабакаҳои иҷтимоӣ, таъмини бехатарии иттилоот ва ҳифзи иттилоот замина фароҳам меорад.

Муддати се рӯз коршиносони варзидаи соҳаи бехатарии иттилоотӣ Асомиддин Атоев ва Муҳаммадӣ  Ибодуллоев ба кормандони ВАО доир ба истифодаи самараноки интернет маълумот дода,  дар мавзӯъҳои «Рушди медиа тавассути имконоти шабакаҳои иҷтимоӣ», «Амнияти иттилооотӣ ва бехатарӣ дар шабакаҳои иҷтимоӣ», «Истифодаи дурусти шабакаҳои иҷтимоӣ» машғулият мегузаронанд.

Бояд тазаккур дод, ки дар вохӯрӣ бо намояндагони ВАО 20 феврали соли 2019 Пешвои миллат муҳтарам Эмомалӣ Раҳмон  фаъолияти ВАО-и мамлакатро ҳамаҷониба  таҳлил намуда, таъкид доштанд, ки дар шароити кунунӣ рақобатпазир будани ВАО шарти зарурист. Аз ҷумла, ҷиҳати истифодаи технологияи муосири иттилоотӣ ва истифодаи муассир аз шабакаҳои иҷтимоӣ барои таблиғи дастовардҳои давлати мустақиламон дастуру ҳидоятҳо манзур гардид.

Октябрь 8, 2019 09:30

Хабарҳои дигари ин бахш

Кормандони Кумита оид ба таҳсилоти ибтидоӣ ва миёнаи касбӣ суханронии Сарвари давлатро ба муносибати Рӯзи дониш якҷоя тамошо намуданд
Ба намояндагони касбу кори гуногуни вилояти Хатлон мукофотҳои давлатӣ тақдим карда шуд
«Барномаи рушди соҳаҳои таҳсилоти ибтидоӣ ва миёнаи касбии Ҷумҳурии Тоҷикистон барои солҳои 2026-2030» қабул гардид
Татбиқи лоиҳаҳои сармоягузорӣ дар соҳаи таҳсилоти ибтидоӣ ва миёнаи касбӣ бо намояндаи Бонки Осиёии рушд баррасӣ гардид
Дар Душанбе оид ба татбиқи иммунизатсия бар зидди вируси папилломаи одам машварати омӯзишӣ оғоз шуд
Татбиқи лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
НЕЪМАТЕ ХУШТАР ЗИ ИСТИҚЛОЛ НЕСТ! Муҳимтарин омили таҳкими истиқлоли Тоҷикистон густариши худшиносию худогоҳии миллӣ аст
Сиёсати иҷтимоии Пешвои миллат такягоҳи суботи иҷтимоӣ ва рушди устувори давлат мебошад
Беш аз 15 ҳазор оилаҳои дар минтақаи зериобшавандаи НБО «Роғун» қарордошта бо манзили доимии зист ва қитъаи замини наздиҳавлигӣ таъмин гардиданд
Тоҷикони муқими шаҳри Толяти аз пешрафту дастовардҳои Тоҷикистон ифтихор менамоянд
Дар Тоҷикистон Рӯзҳои иммунизатсияи иловагӣ бар зидди бемориҳои сурхча ва гулафшон оғоз гардид
Мутахассисон баланд шудани ҳолати ифлосшавии ҳавои атмосфериро дар Тоҷикистон пешгӯӣ менамоянд