ДУШАНБЕ, 19.10.2019 /АМИТ «Ховар»/. Раиси Думаи давлатии Федератсияи Россия Вячеслав Володин имрӯз дар доираи сафари расмии худ ба Ҷумҳурии Тоҷикистон ба  майдони «Дӯстӣ»-и шаҳри Душанбе ташриф оварда, бо арзи эҳтиром ба пояи муҷассамаи Исмоили Сомонӣ, Маҷмааи меъмории «Ваҳдати миллӣ ва эҳёи Тоҷикистон» гулчанбар гузошт.

Тавре мухбири АМИТ «Ховар» хабар медиҳад, дар ин маросим Вячеслав Володинро муовини якуми Раиси Маҷлиси намояндагони Маҷлиси Олии Ҷумҳурии Тоҷикистон Абдуҷаббор Азизӣ ва дигар шахсони расмӣ ҳамроҳӣ намуданд.

Раиси Думаи давлатии Федератсияи Россия дар доираи сафари худ бо Раиси Маҷлиси намояндагони Маҷлиси Олии Ҷумҳурии Тоҷикистон Шукурҷон Зуҳуров дидору гуфтугӯ мекунад.

Дар назар аст, ки меҳмони олиқадр бо устодону донишҷӯёни Донишгоҳи славянии Россияву Тоҷикистон мулоқот анҷом дода, аз Осорхонаи миллии Тоҷикистон ва «Кохи Наврӯз» дидан намояд.