Тарроҳи эстонӣ: Бонувони тоҷик пӯшидани либоси миллиро дӯст медоранд
ДУШАНБЕ, 25.10.2019 /АМИТ «Ховар»/. Чанд рӯз аст, ки дар шаҳри Душанбе намоиши мӯди эстонӣ бо номи «Ман эстонибонуям» ҷараён дорад, ки то 30 октябр идома меёбад. Дар ин бора аз дафтари матбуоти Вазорати фарҳанги ҷумҳурӣ ба АМИТ «Ховар» иттилоъ доданд.
Тибқи иттилои манбаъ, дар намоиши мазкур маҳсули дастранҷи 15 нафар тарроҳи номии Эстония ба маъраз гузошта шудааст.
Дар намоиши мазкур, ки дар 30 кишвари ҷаҳон баргузор гардидааст, зиёда аз 20 тарҳи гуногуни либоси муосири бонувони эстонӣ бо истифода аз анъана ва унсурҳои миллии либосдӯзӣ дар намуди аксҳо манзури мухлисони мӯд гардидаанд.
“Тавре мебинед, дар пасманзари ҳамаи аксҳо гилемҳои дорои нақшу нигори миллӣ истифода шудаанд. Аксари ин қолинҳо аз осорхонаҳо гирифта шуда, зиёда аз 100 сол аст, ки намоиш дода мешаванд. Мо онҳоро бо мақсади нишон додани робитаи дирӯз ва имрӯз истифода бурдаем. Яъне усулҳои либосдӯзӣ, нақшу нигор ва унсурҳои он низ тӯли асрҳо инкишоф ёфта, имрӯз бо намуди нав, мувофиқи диди муосир ва талабот ба либос истифода мешаванд”,–иброз дошт ҳамоҳангсози намоиш, тарроҳи машҳури эстонӣ Ану Хинт.
Ба ақидаи тарроҳ Ану Хинт, либоси миллӣ барои бонувон яке аз унсурҳои асосии фарҳанги миллӣ ҳисоб мешавад. Ӯ зикр намуд, ки бори аввал меҳмони Тоҷикистон аст.
“Ман дидам, ки бонувони тоҷик пӯшидани либоси миллиро дӯст медоранд. Дар кӯчаҳо бонувони либоси миллидоштаро хеле бисёр вохӯрдем ва ин маро ба ҳайрат гузошт. Дар бисёр кишварҳо будам, аммо дар ягон давлати дигар ин қадар бонувони зиёдро бо либоси миллӣ надидаам. Пас ба хулосае омадан мумкин аст, ки бонувони тоҷик либоси миллии худро дӯст медоранд ва он зебову мувофиқ аст”, -иброз дошт тарроҳбонуи эстонӣ.
ДАР ҲАР ЯК ОҲАНГ МУҲАББАТИ БЕАНДОЗАИ ТОҶИКОН БА ВАТАН ЭҲСОС МЕШУД. Бардошт аз баргузории Рӯзҳои фарҳанги Тоҷикистон дар Русия
«ТОҶИ СОМОН». Дар Душанбе дуюмин синамоҷашнвораи байналмилалӣ баргузор мегардад
Инна Блюшенко аз Швейтсария: «Мақсад дорам забони ширину шевои тоҷикиро омӯзам»
Президенти Академияи миллии илмҳои Тоҷикистон дар Конференсияи байналмилалии «Илм барои бехатарии ҷаҳон» иштирок намуд
35-СОЛАГИИ ИСТИҚЛОЛИЯТИ ДАВЛАТӢ. Дар Чойхонаи миллӣ барои дар як шабонарӯз қабули 5000 мизоҷ шароит фароҳам оварда мешавад
Ба пешвози 700-солагии Ҳофизи Шерозӣ дар Тоҷикистон барномаҳои фарҳангию маърифатӣ доир мешаванд
ШАҲРИСТОНИ ҲУЛБУК. Бозёфтҳои аз ин ёдгорӣ пайдогардида намунаи санъати олии ҳунармандӣ буда, нотакрор мебошанд
«КОРВОНИ КИТОБ». Ба китобхонаҳои шаҳру ноҳияҳои Бадахшон беш аз 6 ҳазор нусха китоб дастрас мегардад
АМИТ «Ховар» ва ҶСП «Ширкати байнидавлатии телевизион ва радиои «Мир»» Ёддошти тафоҳум ба имзо расониданд
Дар Душанбе мубодилаи барномаҳои фарҳангӣ ва намоиши филмҳо байни Тоҷикистон ва Чин баргузор гардид
Дар мавзуи ташаккул ва рушди синошиносӣ дар Тоҷикистон конфронси илмӣ доир гардид
Рӯзҳои фарҳанги Ҷумҳурии Тоҷикистон дар Ҷумҳурии Тотористони Федератсияи Русия доир гардид
