«Тасвири об дар асарҳои рассомони Тоҷикистон» — таҳти ин унвон дар Бохтар намоиши аксҳо баргузор мегардад
ДУШАНБЕ, 08.10.2019 /АМИТ «Ховар»/. Аз 10 то 30 октябр дар Осорхонаи таърихию кишваршиносии ба номи «Авасто»-и шаҳри Бохтари вилояти Хатлон таҳти унвони «Тасвири об дар асарҳои рассомони Тоҷикистон» намоиши аксҳо баргузор мегардад.
Намоиш бо ташаббуси Муассисаи давлатии Осорхонаи миллии Тоҷикистон доир карда мешавад.
Тавре сардори шуъбаи экскурсионӣ ва оммавии Осорхонаи миллии Тоҷикистон Фаридун Кенҷазода ба мухбири АМИТ «Ховар» хабар дод, ҳамоиши мазкур бахшида ба Даҳсолаи байналмилалии амал «Об барои рушди устувор, солҳои 2018-2028» баргузор карда мешавад.
Ҳадаф аз баргузории намоиши аксҳо- ин муаррифии манзараҳои зебои Ватан, чашмаву дарёҳо ва кӯлҳои нодир тавассути расмҳо ба тамошобинон мебошад.
Дар намоишгоҳ аз хазинаи Осорхонаи миллии Тоҷикистон 25 адад асарҳо аз эҷодиёти рассомони машҳури Ҷумҳурии Тоҷикистон: Х. Хушвахтов, З. Ҳабибулоев, Боборикин В., Волинский И., Довудов З.,Ҳайдаров А., Талдигин Ю., Богдасаров Р., Мамадкулов Я., Одинаев Б. ба намоиш гузошта мешаванд.
Инчунин дар офаридаҳои мусаввирони Тоҷикистон, ки солҳои гуногун эҷод шудаанд, манзараҳои зебои табиати диёр: дарёҳо, кӯлҳо, чашмасорон наққошӣ шудаанд, ки сарзамини моро ҳамчун диёри сарчашмаҳои оби мусаффо муаррифӣ менамоянд.
Ёдовар мешавем, ки 22 декабри соли 2016 дар Маҷмаи умумии Созмони Милали Муттаҳид пешниҳоди Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар бораи эълони Даҳсолаи нави байналмилалии амал «Об барои рушди устувор, солҳои 2018-2028» бо ҷонибдории 177 давлати аъзои СММ қабул гардида буд.
Намоишгоҳи аксҳо 10 октябр, соати 10:00 оғоз гардида, дӯстдорони мусаввараҳо метавонанд аз он дидан намоянд.
«Куллиёт»-и осори Мирзо Турсунзода рӯнамоӣ гардид
Ба шаҳри Панҷакент Шаҳодатномаи Шаҳри байналмилалии ҳунармандӣ дода шуд
«ТУ ҚАЛБИ ТОҶИКИСТОНӢ, ДУШАНБЕ!» Дар пойтахт озмуни шаҳрӣ идома дорад
«ФАРҲАНГИ СУМАНАКПАЗӢ». Ин таоми миллӣ хусусияти табобатӣ низ дорад
Сокинони ноҳияи Ҷаббор Расулов соҳиби туҳфаи Пешвои миллат — «Шоҳнома»-и Абулқосим Фирдавсӣ мегарданд
«ДАР ҲУНАР КӮШ, КИ ЗАР ЧИЗЕ НЕСТ…». Фаъолияти Аспармо Мавлоназарова барои рушди ҳунарҳои миллӣ намунаи ибрати ҷавонон аст
Дар Душанбе дар мавзуи Куруши Кабир ва Эъломияи умумии ҳуқуқи башар ҳамоиш доир гардид
Туҳфаи Президенти Тоҷикистон — «Шоҳнома»-и Абулқосим Фирдавсӣ ба ноҳияи Мастчоҳ расид
ҲИФЗИ МЕРОСИ МИЛЛӢ ДАР ТОҶИКИСТОН. Тавассути сиёсати хирадмандона имрӯз ҷаҳониён бо таъриху фарҳанги миллати мо шинос мешаванд
Донишкадаи давлатии санъати тасвирӣ ва дизайни Тоҷикистон бо «Россотрудничество» ҳамкориро густариш медиҳад
Дар Институти масъалаҳои об, гидроэнергетика ва экология озмоишгоҳи муштараки муҳити экологӣ ба истифода дода шуд
Фестивали байналмилалии «Сӯзании Панҷакент» баргузор мешавад
