Вазири мудофиаи Қазоқистон аз Осорхонаи миллии Тоҷикистон боздид намуд

Октябрь 28, 2019 10:10

ДУШАНБЕ, 28.10.2019 /АМИТ «Ховар»/. 27 октябр Вазири мудофиаи Ҷумҳурии Қазоқистон, генерал-майор Нурлан Ермекбаев бо ҳайати ҳамроҳонаш аз Осорхонаи миллии Тоҷикистон дидан намуда, бо таъриху фарҳанг ва тамаддуни бою рангини миллати тоҷик шинос гардид.

Тавре сардори шуъбаи экскурсионӣ ва оммавии Осорхонаи миллии Тоҷикистон Фаридун Кенҷазода ба мухбири АМИТ «Ховар»  хабар дод, Вазири мудофиаи Ҷумҳурии  Қазоқистон Нурлан Ермекбаев бо ёдгориҳо ва нигораҳои таърихие, ки бозгӯи давраҳои гуногуни таъриху фарҳанги миллати тоҷиканд, шинос шуд.

Меҳмононро шахсони масъули Осорхонаи миллии Тоҷикистон истиқбол гирифта, ба онҳо дар сатҳи баланди  касбӣ бо забони русӣ сайри осорхонавӣ гузарониданд.

Зикр гардид, ки шуъбаҳои экспозитсионии Осорхонаи миллии Тоҷикистон, аз қабили таърихи бостон ва асрҳои миёна, таърихи нав ва навтарин, ки ҳунармандӣ, либоспӯшӣ, тарзи зисти одамон, заргарӣ, кулолгарӣ, кандакорӣ дар рӯи чӯб, хушнависӣ, мисгарӣ, дастовардҳои замони соҳибистиқлолии мамлакат, хосса тарзи зисту зиндагонии тоҷиконро дар давраҳои гуногуни таърих таҷассум  мекунанд, ба меҳмонон муаррифӣ   гардиданд.

Ҳамчунин ба меҳмонон дар бораи таърихи «Саразм», «Оини Зардуштӣ», «Ҳахоманишиҳо», «Тахти сангин», «Панҷакенти қадим», «Аҷинатеппа», «Сомониён», «Меҳроби Искодар» ва дигар ёдгориҳои таърихиву фарҳангии халқи тоҷик маълумот дода шуд.

Дар охир Вазири мудофиаи Ҷумҳурии Қазоқистон дар китоби «Меҳмонони фахрӣ»-и Осорхонаи миллии Тоҷикистон соядаст  гузошт.

Ёдовар мешавем, ки Вазири мудофиаи Ҷумҳурии Қазоқистон  бо сафари 3-рӯза дар Ҷумҳуррии Тоҷикистон қарор дошта, тайи ин муддат бо Вазири мудофиаи Ҷумҳурии Тоҷикистон мулоқот ва аз боғҳои фарҳангиву фароғатии шаҳри Душанбе дидан намуд.

Октябрь 28, 2019 10:10

Хабарҳои дигари ин бахш

Барои кормандони соҳаи ҳифзи муҳити зист ва ҳифзи ҳуқуқ машғулияти омӯзишӣ баргузор гардид
Китоби «Рустами Эмомалӣ – дастпарвари Мактаби давлатдории Пешвои миллат» роҳнамо барои ҷавонони Тоҷикистон аст
«ШОҲНОМА» — БУЗУРГТАРИН ҲАМОСАИ МИЛЛӢ. Ин асар шоҳкории беназири сатҳи ҷаҳонӣ эътироф гардидааст
Аз қалъаи Бибихонуми шаҳри Бохтар бозёфтҳои давраҳои таърихӣ кашф карда шуданд
Оид ба тадбирҳои инноватсионӣ дар соҳаҳои молия, таҳсил ва иқтисод конференсияи байналмилалӣ доир шуд
Озмуни ҷумҳуриявии «Донандаи беҳтарини асарҳои Пешвои миллат» ҷамъбаст мегардад
Бозёфтҳои Осорхонаи таърихии асри санги Ховалинг 1 миллион сол умр доранд
ШАҲОМАТИ ДУШАНБЕ. Китоби «Рустами Эмомалӣ-дастпарвари Мактаби давлатдории Пешвои миллат» ин мавзуъро фаро гирифтааст
Дар ноҳияи Айнӣ бахшида ба 80-солагии муаллифи Суруди миллии Ҷумҳурии Тоҷикистон конференсияи ҷумҳуриявӣ доир мешавад
СОҲИБҚИРОНИ ШОИРӢ УСТОД РӮДАКИСТ. Бахшида ба Рӯзи Рӯдакӣ ҳамоиши адабӣ доир шуд
Ба ифтихори 700-солагии Ҳофизи Шерозӣ дар Осорхонаи миллӣ намоиши ҷашнӣ ифтитоҳ ёфт
Оид ба арзёбии таъсири маҳфузгоҳҳои партовҳои уранӣ ба муҳити зист конфронс доир шуд