Дар ҷамоати деҳоти Ҳоит фермаи чорвопарварӣ ба истифода дода шуд
ДУШАНБЕ, 25.12.2019 /АМИТ «Ховар»/. Дар арафаи Соли нави мелодӣ дар деҳаи Миртоби ҷамоати деҳоти Ҳоити ноҳияи Рашт аз тарафи соҳибкор Мирзобек Вазиров фермаи чорвопарварӣ барои 150 сар чорвои калони шохдор ва 300 сар бузу гӯсфанд мавриди баҳрабардорӣ қарор гирифт.
Дар фермаи мазкур ҳоло 58 сар чорвои калони шохдор ва 200 сар бузу гӯсфанд ба парвариш фаро гирифта шуда, ба наздикӣ 63 сар чорвои калони хушзот ворид карда мешаванд.
Тибқи иттилои мутахассисон, бинои фермаи чорвопарварӣ ба маблағи 850 ҳазор сомонӣ бунёд гардидааст. Дар ошёнаи якуми он чорво парвариш ёфта, дар ошёнаи дуюм хӯроки чорво захира карда мешавад.
Фермаи чорвопарварии хоҷагии деҳқонии Миртоби ноҳияи Рашт бо мақсади истеҳсоли гӯшт ва маҳсулоти ширӣ ташкил гардида, дар он беш аз 10 нафар бо ҷойи кори доимӣ таъмин гардиданд.
Соҳибкор Мирзобек Вазиров мегӯяд, ки ояндаи наздик барои таъмини аҳолии минтақа бо тухм ва гӯшти мурғ дар назди ин хоҷагии деҳқонӣ фермаи мурғпарварӣ низ бунёд мекунад.
35-СОЛАГИИ ИСТИҚЛОЛИ ДАВЛАТӢ. Дар ноҳияи Вахш корхонаи истеҳсоли маҳсулоти полиэтиленӣ ба фаъолият оғоз намуд
Роҳбарони роҳи оҳани Тоҷикистон ва Қазоқистон оид ба рушди долонҳои нақлиётӣ ба мувофиқа расиданд
Имсол дар хоҷагиҳои кишоварзии шаҳри Панҷакент дар 2,5 ҳазор гектар картошка кишт карда мешавад
ПАЙВАНДИ НИҲОЛ. Он ба афзоиш ёфтани ҳосили дарахтон мусоидат мекунад
ИСТИФОДАИ САМАРАНОКИ ЗАМИН. Дар ноҳияи Кӯшониён бештар зироати барвақтӣ кишт гардидааст
Дар водиҳои Тоҷикистон кишти баҳории картошка аз нимаи дуюми моҳи феврал оғоз мегардад
Дар Тоҷикистон беш аз 29 ҳазор тонна равғани растанӣ истеҳсол шудааст
Вазири саноат ва технологияҳои нав бо муовини Сарвазир – Вазири зеҳни сунъӣ ва рушди рақамии Қазоқистон вохӯрӣ намуд
Тоҷикистон ҳамкориро бо Италия барои воридоти технологияҳои истеҳсолӣ тақвият медиҳад
Байни Хадамоти гумрук ва ширкати ҷопонии «Yachiyo Engineering Co., LTD» оид ба хизматрасонии машваратӣ шартнома ба имзо расид
Тоҷикистон ҳамкориро бо «Google DeepMind» дар соҳаи рушди зеҳни сунъӣ густариш медиҳад
Бо мақсади иҷрои «Барномаи давлатии таъмини оби нӯшокӣ ва рафъи обҳои партов барои солҳои 2025-2029» ҳамоиш доир шуд
