Дар Душанбе ҷаласаи дуюми гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд
ДУШАНБЕ, 04.12.2019 /АМИТ «Ховар»/. Дирӯз дар Осорхонаи миллии Тоҷикистон ҷаласаи дуюми гурӯҳи корӣ оид ба таҳияи намоишгоҳи ҷойивазкунанда бахшида ба мероси муштараки фарҳангии Роҳи абрешим бо ташаббуси Комиссияи миллии Ҷумҳурии Тоҷикистон оид ба корҳои ЮНЕСКО баргузор гардид.
Тавре сардори шуъбаи экскурсионӣ ва оммавии Осорхонаи миллии Тоҷикистон Фаридун Кенҷаев ба хабарнигори АМИТ «Ховар» иттилоъ дод, дар он Вазири фарҳанги Ҷумҳурии Тоҷикистон Шамсиддин Орумбекзода, намояндагони осорхонаҳои миллии мамлакатҳои ширкаткунанда, коршиносони Кумитаи байналмилалии намоишгоҳҳо ва мубодилаи ICOM, Раёсати таҳқиқоти фарҳангӣ ва минтақавии Донишгоҳи Копенгаген ва ЮНЕСКО иштирок карданд.
Ҳадаф аз баргузории ҷаласа интихоб ва муҳокимаи нигораҳои барои намоиш пешниҳодшуда, муайян намудани қадамҳои мушаххас дар таҳияи намоишгоҳ, ки осорхонаҳои миллии Тоҷикистон, Ӯзбекистон, Қазоқистон, Қирғизистон, Афғонистон ва Эрон иштирок хоҳанд кард, мебошад.
Бояд тазаккур дод, ки намоишгоҳи муштарак дар чорчӯбаи лоиҳаи сесолаи Иттиҳоди Аврупо ва ЮНЕСКО зери унвони «Долонҳои мероси Роҳи абрешим дар Афғонистон, Осиёи Марказӣ ва Эрон – ҷанбаҳои байналмилалии Соли мероси фарҳангии Аврупо» ташкил карда мешавад.
Намоишгоҳ ба мероси муштараки фарҳангӣ бахшида шуда, дар он барои баланд бардоштани сатҳи огоҳӣ дар бораи лоиҳа, намоиш додани мероси бойи кишварҳои иштирокчӣ, мусоидат ва табодули таҷрибаи пешқадам дар Роҳи абрешим ва фаҳмиши муштараки мероси Роҳи абрешим ҳамчун пуле байни Шарқ ва Ғарб равона шудааст.
Дар нақша аст, ки намоишгоҳ тирамоҳи соли 2021 дар осорхонаи мамлакати иштирокчӣ ё Аврупо баргузор гардад, ки барои намоиш дар ҳар як кишвари ширкаткунанда дастрас хоҳад буд.
Ёдовар мешавем, ки ҷаласаи якуми гурӯҳи корӣ моҳи июни соли 2019 дар шаҳри Нур-Султон (Ҷумҳурии Қазоқистон) баргузор гардида буд, ки дар он мавзӯъҳои эҳтимолии намоишгоҳ, миқёс ва хусусияти он, инчунин нигораҳои имконпазир, ки қисми ин намоишгоҳ хоҳанд буд, баррасӣ гардиданд.
Зикр гардид, ки лоиҳаи «Долонҳои мероси Роҳи абрешим дар Афғонистон, Осиёи Марказӣ ва Эрон – ҷанбаҳои байналмилалии Соли мероси фарҳангии Аврупо» ба баланд бардоштани сатҳи зиндагии ҷомеаҳои минтақа, аз ҷумла ҷавонон ва занон тавассути фароҳам овардани даромад ва ташкили ҷойҳои корӣ нигаронида шуда, нақши афзояндаи фарҳангро дар рушди устувор нишон хоҳад дод.
Дар Институти физикаю техника озмоишгоҳи замонавӣ ба истифода дода шуд
Абубакри Розӣ аз зумраи нобиғаҳоест, ки дар пешрафти соҳаҳои гуногуни илми ҷаҳонӣ саҳми калон гузоштааст
ҒИЗОИ СОЛИМ. Тоҷикон дар наҳорӣ кадом хӯрокҳоро омода менамоянд?
Вобаста ба Соли байналмилалии ҳифзи пиряхҳо ва арзёбии илмии равандҳои криосфера конференсияи байналмилалӣ доир шуд
Дар Душанбе Фестивал-намоиши либосҳои миллӣ баргузор мегардад
«ПИРЯХҲО-НЕЪМАТИ БЕБАҲОИ ТОҶИКИСТОН». Дар Осорхонаи миллӣ конфронси илмии ҷумҳуриявӣ доир гардид
РӮЗИ МОДАР. Дар Душанбе бахшида ба он намоиш-фурӯши китоб доир мешавад
Дар Академияи миллии илмҳо масъалаи омоданамоии кадрҳои баланди илмӣ дар самти илмҳои табиатшиносӣ, дақиқ ва риёзӣ баррасӣ шуд
Дар Давҳа Маҷмаи 10-уми умумии Шабакаи ҷаҳонии дипломатияи мардумӣ ба фаъолият оғоз намуд
«САД РАНГИ ЧАКАН». Дар Бадахшон ғолибони даври вилоятии фестивал муайян шуданд
«ИЛМИ СИНО РӮИ ДУНЁРО ГИРИФТ…». Андешаҳои Шоири халқии Тоҷикистон Камол Насрулло дар мавриди шаҳомати оламафрӯзи Абӯалӣ ибни Сино
ЭҲЁИ ТАЪРИХУ ФАРҲАНГИ МИЛЛӢ ВА ИСТИҚЛОЛИЯТ. Мулоҳизаҳои директори Агентии ҳифзи мероси таърихию фарҳангӣ
