РАСМИ ХУБИ ТОҶИКОН… Дар Сангвор масъалаи баланд бардоштани сатҳи хизматрасониро ба сайёҳон муҳокима намуданд

Декабрь 19, 2019 15:20

ДУШАНБЕ, 19.12.2019. /АМИТ «Ховар»/. Бо ташаббуси Кумитаи рушди сайёҳӣ дар якҷоягӣ бо Мақомоти иҷроияи ҳокимияти давлатии ноҳияи Сангвор  бахшида ба Солҳои рушди деҳот, сайёҳӣ ва ҳунарҳои мардумӣ дар самти баланд бардоштани сатҳи хизматрасонӣ ба сайёҳон ҳамоиш баргузор гардид.

Тавре ба АМИТ «Ховар» аз Кумитаи рушди сайёҳии назди Ҳукумати Ҷумҳурии Тоҷикистон  хабар доданд, дар ҳамоиш роҳбарияти Кумита, Мақомоти иҷроияи ҳокимияти давлатии ноҳияи Сангвор ва масъулини сохторҳои марбутаи соҳаи сайёҳӣ, соҳибкорони маҳаллӣ, ҳунармандон ва шахсони фаъоли ҷомеа ширкат варзида, роҳҳои беҳтар намудани сатҳу сифати хизматрасонӣ ба сайёҳонро муҳокима намуданд.

Тазаккур дода шуд, ки баҳри рушди инфрасохтори сайёҳӣ ва будубоши сайёҳони хориҷӣ тибқи қарори Ҳукумати Ҷумҳурии Тоҷикистон аз 12 апрели соли 2018 рўйхати иншооти сайёҳие, ки барои бунёди онҳо воридоти таҷҳизоту техника ва маводи сохтмонӣ аз андоз аз арзиши иловашуда ва боҷи гумрукӣ озод карда мешаванд, тасдиқ гардид, ки ҳавасмандии аҳолиро барои бунёди иншооти нав зиёд намуд.

Таъкид гардид, ки бо назардошти имкониятҳои мавҷуда мақомоти маҳаллӣ бояд фаъолияти самараноки марказҳои хизматрасонии сайёҳиро мавриди таваҷҷуҳ хосса қарор дода, маводи таблиғотиву иттилоотӣ бо забонҳои гуногуни хориҷӣ таҳия ва таълиф карда шуда, фитта ва руқъаҳои ҷолиби сайёҳӣ бештар таблиғу ташвиқ карда шаванд.

Барои таъмини рушди устувори соҳаи сайёҳӣ дар ноҳия ба роҳ мондани хизматрасониҳои муосири сарироҳии беҳдоштию санитарӣ ва маишию техникӣ, аломатҳо ва нишонаҳо ба забонҳои тоҷикӣ, русӣ ва англисӣ муҳим мебошад.

Бояд зикр намуд, ки ноҳияи Сангвор дорои шароити мусоиди рушди соҳаи сайёҳӣ ба шумор меравад. Иқлим, табиат, ҳайвонот ва наботот, ҳавои тозаи кӯҳсор, чашмаҳои шаффоф, мардуми ҳунарманду меҳмоннавоз, ки дар ноҳия умр ба сар мебаранд, барои ташкили осоишгоҳҳои табобатӣ, экосайёҳии сатҳи ҷумҳуриявӣ ва байналмилалӣ, моҳигирӣ ва шикор мувофиқ мебошад.

Ҳамчунин табиат ва иқлими ноҳия барои занбӯриасалпарварӣ, чорводорӣ, боғдорӣ, картошкапарварӣ ва сайёҳию кӯҳнавардӣ хеле мувофиқ мебошад. Ноҳия дорои захираҳои бойи табиӣ мебошад.

Дар ноҳия ба рушди ҳунарҳои мардумӣ низ таваҷҷуҳи махсус зоҳир менамоянд. Ҳунармандон дар намоишгоҳҳи сайёҳию ҳунармандӣ ва барномаҳои гуногун иштироки фаъолона доранд.

Декабрь 19, 2019 15:20

Хабарҳои дигари ин бахш

Иштирокдорони конфронси байналмилалӣ намоиши ҷашнии «Ҳофизи Шерозӣ ва ҳунари хушнависии тоҷик»-ро тамошо намуданд
Даври ҷамъбастии Озмуни ҷумҳуриявии «Тоҷикистон — Ватани азизи ман» оғоз гардид
«САЙРИ ДУШАНБЕ». Ба муносибати Рӯзи ҷаҳонии сайёҳӣ дар пойтахт хатсайри ройгон ташкил карда мешавад
Дар Сеул байни китобхонаҳои миллии Тоҷикистон ва Корея Ёддошти тафоҳум ба имзо расид
Директори Театри опера ва балети Тоҷикистон ба кишварҳои ИДМ ҳамкории эҷодӣ ва таълимӣ пешниҳод намуд
Дар Бӯстон ба ифтихори Рӯзи забони давлатӣ ҳамоиш баргузор гардид
МУЖДАҲОИ РУҲБАХШИ ЗИНДАГӢ ДАР ШЕЪРИ ҲОФИЗ. Эҳдо ба таҷлили Рӯзи байналмилалии Хоҷа Ҳофизи Шерозӣ
Маркази саратоншиносии вилояти Суғд бо таҷҳизоти табобатии нурии саратонӣ таъмин гардид
Тараннуми дӯстию рафоқат ва мақоми инсон дар ҷомеа дар маркази афкори эҷодии Ҳофизи Шерозӣ қарор дорад
Чанд мулоҳиза дар бораи нусхаи тозаи «Девон»-и Ҳофиз. Эҳдо ба 700-солагии зодрӯзи Ҳофизи Шерозӣ
ШАҲРИ ҲУНАРМАНДӢ ВА ҲУНАРМАНДОН. Истаравшан макони ҷалби сайёҳон аст
Дар Душанбе бахшида ба 700-солагии Ҳофизи Шерозӣ конференсияи байналмилалӣ оғоз гардид