Роҳбарони хоҷагиҳои деҳқонии водии Ҳисор ба омӯзиши стандартҳои байналмилалии кишоварзӣ фаро гирифта шуданд
ДУШАНБЕ, 06.12.2019. /АМИТ «Ховар»/. 35 нафар роҳбар ва масъулини хоҷагиҳои деҳқонии водии Ҳисор оид ба талаботи стандартҳои байналмилалӣ дар соҳаи кишоварзӣ ба омӯзиш фаро гирифта шуданд. Дар ин бора АМИТ «Ховар» бо истинод ба Агентии «Тоҷикстандарт» хабар медиҳад.
Ба иттилои манбаъ, семинари омӯзишӣ 5 декабр аз ҷониби Раёсати бамеъёрдарории техникӣ ва стандартикунонии Агентии «Тоҷикстандарт» доир гардида, дар он кишоварзони шаҳрҳои Турсунзода, Ҳисор ва ноҳияи Шаҳринав иштирок намуданд.
Зикр гардид, ки Тоҷикистон ҷумҳурии аграрӣ буда, дорои шароити мусоиди истеҳсоли маҳсулоти кишоварзии аз ҷиҳати экологӣ тоза ва хушсифат мебошад.
«Солҳои охир бо зиёд шудани бунёди боғҳо дар қаламрави мамлакат истеҳсоли меваи тару тоза ва хушк афзоиш ёфт. Аз ин рӯ, имрӯз зарурат ба миён омадааст, ки барои содироти маҳсулоти мазкур ба хориҷи мамлакат аз тамоми имкониятҳои мавчуда истифода шавад. Дар ин самт ҷиҳати беҳтар намудани сифати маҳсулоти кишоварзӣ ва баланд бардоштани иқтидори содиротӣ аз тарафи Ҳукумати Ҷумҳурии Тоҷикистон тадбирҳо роҳандозӣ гашта истодаанд», — гуфт сардори Раёсати бамеъёрдарории техникӣ ва стандартикунонии Агентии «Тоҷикстандарт» Сӯҳроб Ашурзода.
Дар семинар инчунин ба иштирокдорон оид ба стандарти кишоварзии «GLOBAL. G.A.P-таҷрибаи хуби аграрӣ» барои содирот ба хориҷи мамлакат, истифодаи стандартҳои кишоварзии сифат дар регламентҳои техникӣ, стандартҳои байналмилалии Комиссияи иқтисодии аврупоии Созмони Милали Муттаҳид – «ЕЭК ООН FFV-25» барои содирот ва ғайра маълумот дода шуд.
Дар Душанбе дурнамои ҳамкории Тоҷикистон ва Арманистон дар соҳаи нақлиёт баррасӣ гардид
Илҳомҷон Оймуҳаммадзода: «Пиряхҳо на танҳо массаҳои ях, балки бойгонии зиндаи геологӣ мебошанд»
Дар Тоҷикистон беш аз 225 ҳазор тонна хӯроки чорво захира шудааст
Губернатори Ҳукумати мардумии музофоти Шэнсии Чин бо фаъолияти Минтақаи озоди иқтисодии «Данғара» шинос шуд
Тоҷикистон дар муборизаи байналмилалӣ барои ҳифзи бабри барфӣ саҳм мегузорад
МАСЛИҲАТИ МУТАХАССИС. Норасоии намӣ ба решаи дарахтон самаранокии боғотро паст мекунад
Густариши ҳамкории вилояти Хатлон бо музофоти Шэнсӣ баррасӣ шуд
Дар Душанбе ҳамкории иқтисодӣ ва татбиқи лоиҳаҳои муштараки Тоҷикистону Чин баррасӣ гардид
РӮЗИ ҶАҲОНИИ БЕХАТАРИИ ОЗУҚАВОРӢ. Бо мақсади таъмини бехатарии маҳсулот дар Тоҷикистон 14 озмоишгоҳ фаъолият дорад
Сарфаи неруи барқ танҳо вазифаи давлатӣ нест, балки масъулияти ахлоқии ҳар як шаҳрванди мамлакат аст
«IMPERIУA TECHSTREAM — 2025». Дар Душанбе барои наврасон нахустин озмуни технологияҳои иттилоотӣ баргузор гардид
РӮЗИ БАЙНАЛМИЛАЛИИ МУҲИТИ ЗИСТ. Баҳодур Шерализода: «Ҷомеаи ҷаҳон Тоҷикистонро ҳамчун давлати ташаббускор дар соҳаи обу иқлим ва ҳифзи пиряхҳо эътироф намудааст»
