Дар Хуҷанд оид ба тарғибу ташвиқ ва шарҳи нуктаҳои Паёми Пешвои миллат мулоқот доир гардид
ДУШАНБЕ, 8.01.2020 /АМИТ «Ховар»/. 7 январ дар Донишгоҳи давлатии ҳуқуқ, бизнес ва сиёсати Тоҷикистон вохӯрии гурӯҳи тарғиботӣ оид ба тарғибу ташвиқ ва шарҳи нуктаҳои Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии мамлакат баргузор шуд.
Ноиби ректори донишгоҳ Мубина Хоҷаева вохӯриро ифтитоҳ намуда, доир ба ҳадафи мулоқот маълумот дод.
Дар вохӯрӣ муовини Вазири тандурустӣ ва ҳифзи иҷтимоии аҳолии Ҷумҳурии Тоҷикистон Мирҳамуддин Камолзода, узви Маҷлиси миллии Маҷлиси Олии мамлакат Саодат Аминҷонова, муовини раиси шаҳри Хуҷанд Фирӯза Нуруллозода, ноиби ректори Донишгоҳи давлатии Хуҷанд ба номи академик Б. Ғафуров Рухсора Давлатзода ва мудири шуъбаи ташкилии Кумитаи иҷроияи Ҳизби Халқии Демократии Тоҷкистон дар шаҳри Хуҷанд Эҳсон Исоев сухан гуфтанд.
Зикр шуд, ки Паёми Президенти Тоҷикистон муҳтарам Эмомалӣ Раҳмон ба мақомоти олии намояндагӣ ва қонунгузории Ҷумҳурии Тоҷикистон яке аз барномаҳои стратегии давлатие мебошад, ки тамоми самтҳои зиндагии моро фаро мегирад.
Зимни маърӯзаҳо иброз гардид, ки саҳми бузургу беназири Пешвои миллат дар бунёд, рушд ва инкишофи самтҳои ҳамаҷонибаи Тоҷикистон, таҳкими Ваҳдати миллӣ, Истиқлолияти давлатӣ, рушди иқтисодию иҷтимоии ҷумҳурӣ ва боло бардоштани сатҳи некӯаҳволии мардум бағоят бузург аст.
Дар идома меҳмонон дар мавриди паҳлӯҳои гуногуни Паёми Пешвои миллат ба Маҷлиси Олии мамлакат ибрози андеша намуда, таъкид карданд, ки Паёми Пешвои миллат муҳтарам Эмомалӣ Раҳмон беҳтарин дастуру роҳнамо барои фаъолияти созанда дар ҳамаи самту соҳаҳо ба ҳисоб меравад.
Байни Тоҷикистон ва Қирғизистон Ёддошти тафоҳум оид ба ҳамкорӣ дар соҳаи ҳуқуқи инсон ба имзо расид
Форуми ҷумҳуриявии «Маърифати ҳуқуқӣ — омили рушди давлати ҳуқуқбунёд» доир мегардад
Душанбе мизбони Форуми марказҳои таҳлилии «Осиёи Марказӣ ва Ҷумҳурии Корея» мегардад
Дар Тоҷикистон дар даҳ сол як маротиба барӯйхатгирии аҳолӣ ва фонди манзил гузаронида мешавад
Дар Ховалинг соҳибкорон аз хонаводаҳои Каримовҳо ва Одинаевҳо барои ятимону маъюбон осоишгоҳ сохтанд
Барои гирифтор нашудани кӯдакон ба бемории дарунравӣ чӣ бояд кард?
«ПЕШВОИ МИЛЛАТ – ТАШАББУСКОР ВА ТАҲКИМБАХШИ СУЛҲУ ВАҲДАТИ ҶАҲОНӢ». Дар Душанбе конференсияи ҷумҳуриявӣ баргузор шуд
ОГОҲӢ! Аз 19 то 22 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
ҚОНУНИ АВФ. Давлат ба ҳазорон шаҳрванд имконият медиҳад ба назди оилаҳои худ баргашта, ҳуқуқи худро ба зиндагии арзанда амалӣ созанд
Дар Душанбе оид ба тамоюлҳои рушди маориф дар давлатҳои ИДМ конфронси байналмилалӣ баргузор шуд
Дар ноҳияи Фирдавсӣ барои фаъолони ҳизб машғулияти омӯзишӣ доир гардид
Дар доираи лоиҳаи идоракунии раванди обшавии пиряхҳо ба Агентии обуҳавошиносӣ таҷҳизоти муосир дастрас карда шуд
