Соли 2019 дар минтақаи Кӯлоб бар асари ҳолатҳои фавқулода беш аз 10 миллион сомонӣ хисороти моддӣ расидааст

Январь 31, 2020 11:48

ДУШАНБЕ, 31.01.2020 /АМИТ «Ховар» /. Соли  гузашта дар минтақаи Кӯлоб 4 ҳолати  фавқулодаи табиӣ  ба қайд гирифта шуда, хисороти моддӣ 10 миллиону 332 ҳазору 418 сомониро ташкил  додааст. Дар ин бора сардори раёсати  Кумитаи ҳолатҳои фавқулода ва мудофиаи граждании минтақаи Кӯлоб Абӯбакр Саидзода хабар дод.

Дар ноҳияи Балҷувон дар натиҷаи борони пай дар пайи  рӯзи 16 апрел сатҳи об дар дарёи Сурхоб якбора баланд гашта, сел  430 метр воситаҳои мустаҳкамкунии соҳилҳоро шуста, валангор кард, ки зарари он  1 миллиону  343 ҳазору 900 сомониро ташкил дод. Тобистон дар минтақаи Восеъ 5 бинои истиқоматӣ, 73  бинои иловагии  ёрирасон ва 8,8 гектар заминҳои кишоварзӣ  аз офати табиӣ  зиён  дида буданд.  Ҳаҷми  зарари расида аз  3 миллиону 377 ҳазору 491  сомонӣ  иборат аст.

Ба ҷуз ин, дар деҳаи Сурхоби ҷамоати Ғалабаи ноҳияи Фархор  низ ҳолати фақулода  ба қайд гирифта шудааст. 9 бинои истиқоматӣ, 121 бинои иловагии ёрирасон, 1,5 километр роҳи мошингард, 21 километр канали обёрикунанда, хатҳои интиқоли барқ, 120 гектар замини  кишоварзӣ зарар диданд. Ҳаҷми зарари расида 4 миллиону 846 ҳазору 672 сомониро ташкил дод.

Дар минтақаҳои мазкур барои ҳамаи осебдидагон  биноҳои нави истиқоматӣ сохта шуда, инфрасохтор барқарор гардид.

«Айни ҳол дар минтақаи Кӯлоб аз нуқтаи назари ҳолатҳои фавқулода  222 макони хавфнок  вуҷуд дорад, ки 13-тои он  ниҳоят пурхатаранд.  Ҳамаи минтақаҳои  хатарнок зери назорати доимӣ қарор доранд.  Кумитаи ҳолатҳои фавқулода ва мудофиаи гражданӣ ҳамеша омодаанд, ки ба аҳолӣ  дар ҳар лаҳзаи шабонарӯз кумак расонида,  ҳолатҳои фақулодаро рафъ созанд», — зикр намуд Абӯбакр Саидзода.

Акс аз бойгонӣ 

Январь 31, 2020 11:48

Хабарҳои дигари ин бахш

Дар Душанбе доир ба иқтисодиёти рақамӣ ҳамоиш баргузор шуд
Таҳкими ҳамкории иқтисодию тиҷоратии вилояти Суғди Тоҷикистон ва Тотористон баррасӣ гардид
Дар Қазон Форуми байналмилалии энергетикии Тотористон – «ЭНЕРГОПРОМ-2025 ва намоишгоҳи «KazanEnergyExpo» доир гардид
Дар ҷаласаи 66-уми Шурои электроэнергетикии ИДМ иқтидори гидроэнергетикии Тоҷикистон баррасӣ гардид
Дар Тоҷикистон беш аз 900 гармхонаи доимамалкунанда мавҷуд аст
Ифтитоҳи парвозҳои мустақим дар хатсайри Душанбе-Пекин ва Душанбе-Гуанжоу баррасӣ шуд
«НАВРӮЗ-ҚАДИМТАРИН МЕРОСИ ФАРҲАНГИ САЙЁҲӢ ДАР МИНТАҚА». Муколамаи минтақавии Тоҷикистон, Қирғизистон ва Узбекистон баргузор гардид
Дар ноҳияҳои кӯҳистони вилояти Хатлон паҳншавии малах ба мушоҳида мерасад
Долони нави мустақими ҳавоии байни Тоҷикистон ва Чин — POMIR-AGVUT ба масири транзитӣ табдил дода мешавад
Соли 2025 ҳаҷми грантҳои президентӣ ба 15 миллион сомонӣ расонида мешавад
Тоҷикистон бо ширкати СЕЕС-и Чин дар самти манбаъҳои барқароршавандаи энергия ҳамкорӣ менамояд
Форуми II байналмилалии «Суғд-чорроҳаи роҳи бузурги абрешим» баргузор мегардад