Федератсияи дзюдои Тоҷикистон ба варзишгарони ноҳияи Рӯшон либос ва лавозимоти варзишӣ туҳфа намуд

Февраль 5, 2020 15:25

ДУШАНБЕ, 05.02.2020 /АМИТ «Ховар»/. Федератсияи  дзюдои ҷумҳурӣ ба толори варзишии ноҳияи Рӯшон гилеми махсуси гӯштин ва ба 30 нафар варзишгар либоси варзишӣ (кимано) тақдим кард.

Зимни тақдими ин туҳфаҳо собиқадори соҳаи варзиш, чемпиони чандинкаратаи ҷумҳурӣ аз намуди гӯштини миллӣ ва самбо Сангалӣ Наврузбеков, ки синнаш ба 75 расидааст, чунин изҳор дошт: «Ҳукумати мамлакат воқеан ба тарбияи ҷисмонии кӯдакону наврасон ва ҷавонон аҳамияти аввалиндараҷа медиҳад ва аз онҳо танҳо хоҳиш дорад, ки вақтҳои холигии худро ба варзиш бахшанд. Дар муқоиса ба даврони мо шароити имрӯза аз замин то осмон фарқ мекунад. Он  замон мо на толор доштему на майдончаву либосҳои варзишӣ. Гоҳе рӯи сабза ва гоҳе дар соҳили дарё, рӯи қум тамрин мекардем. Аммо ба гӯштин шавқи зиёд доштем ва яке аз сабабҳои дастболо гаштани мо дар мусобиқаҳои ҷумҳуриявӣ ва берун аз он маҳз ҳамин буд. Ҳар як кумакро қадр кунед, толору либосҳои варзиширо тозаву озода нигоҳ доред, то баъд аз шумо низ дар ин ҷо наслҳои оянда бароҳат тамрин кунанд».

Мудири бахши кор бо ҷавонон ва варзиши  ноҳияи мазкур Қаландар Давлатмамадов ба Кумитаи олимпӣ ва Федератсияи дзюдои ҷумҳурӣ барои кумак ва дастгирии пайвастаи соҳаи варзиш изҳори сипос карда, зикр намуд, ки ҳоло дар маркази ноҳия сохтмони варзишгоҳи муосир идома дорад. Қарор аст он то тирамоҳи соли равон  ба истифода дода шавад.

Ҳамчунин мавсуф дар ҳузури варзишгарон изҳор дошт, ки бахшида ба ҷашни Наврӯз дар маркази ноҳия аз намудҳои гӯштини миллӣ ва дзюдо мусобиқаи вилоятӣ  баргузор шуда,  паҳлавонон даъват карда мешаванд.

Февраль 5, 2020 15:25

Хабарҳои дигари ин бахш

Таҳкими ҳамкорӣ байни Тоҷикистон ва вилояти Форси Эрон дар бахши ҷавонон ва варзиш баррасӣ гардид
Дар Ҳисор мусобиқаи «CAFA Nations Сup 2025» дар гурӯҳи «В» оғоз мешавад
Ҳайати Кумитаи кор бо ҷавонон ва варзиши Тоҷикистон бо Академияи Кумитаи миллии олимпии Эрон шинос шуд
Барномаи иҷроии ҳамкорӣ байни Тоҷикистон ва Эрон дар соҳаи варзиш ва ҷавонон ба имзо расид
Бо иштироки ҷавонони Тоҷикистон ва Эрон ҳамоиш доир гардид
Дар Теҳрон густариши ҳамкории Тоҷикистон ва Эрон дар самти ҷавонон ва варзиш баррасӣ гардид
Ғолиби «Ҷоми Раиси ВМКБ» аз намуди волейбол муайян карда шуд
«Tojiktelecom» сарпарасти расмии мусобиқаи бонуфузи байналмилалии Осиёи Марказӣ ва Ҷанубӣ — CAFA Nations Cup 2025 гардид
ФУТБОЛ. Бозии ниҳоии Ҷоми Тоҷикистон-2025 байни «Регар-ТадАЗ» ва «Эсхата» дар Хуҷанд доир мегардад
Дар Тоҷикистон лоиҳаи «Football For Schools»-и ФИФА амалӣ карда мешавад
ҶОМИ ТОҶИКИСТОН. Дастаҳои футболи «Регар-ТадАЗ» ва «Эсхата» ба финали ин мусобиқа роҳ ёфтанд
Дар вохӯрии дастаҳои Тоҷикистон ва Ҳиндустон автомобили BYD ба бозӣ гузошта мешавад