Кинотеатри «Наврӯз»-и ноҳияи Ёвон навсозӣ мешавад. Умед аст, ки толори он дубора аз тамошобин пур мегардад
ДУШАНБЕ, 19.02.2020 /АМИТ «Ховар»/. Барои навсозии Кинотеатри «Наврӯз»-и ноҳияи Ёвон корҳои сохтмонӣ шурӯъ шудаанд. Дар ин бора аз Муассисаи давлатии «Тоҷикфилм» ба АМИТ «Ховар» хабар доданд.
Ба иттилои манбаъ, ҳарчанд бинои Кинотеатри «Наврӯз» ба МД «Тоҷикфилм» тааллуқ дошта бошад ҳам, вале Мақомоти иҷроияи ҳокимияти давлатии ноҳияи Ёвон барои барқарор ва рангу бор кардани он иқдом намудааст.
Кинотеатри «Наврӯз» 8 майи соли 1988 бунёд ёфта, аз ду толор: толори калон барои 600 нафар ва толори хурд барои 40 нафар иборат мебошад. Ҳамзамон он дорои 4 ҳуҷраи корӣ мебошад, вале солҳост, ки барои тамошои филм касе ба он ҷо намеравад. Мардуми ноҳия лаззати тамошои филмро дар пардаи толори кинотеатр кайҳо аз ёд бурдаанд.
Бинои мазкур солҳо рӯйи таъмирро надидааст. Намои ҳузновар, курсиҳои шикаставу дару девори валангор ва боми харобгашта ҳолати кунунии кинотеатрро таҷассум менамоянд.
Умед аст, ки нафарони саховатпешаю фарҳангдӯст барои барқарору ба истифода додани Кинотеатри «Наврӯз» ва ба мардум бахшидани ғизои маънавӣ саҳм мегузоранд. Умед аст, ки толори ин кинотеатр дубора аз тамошобинон пур мегардад.
Филмҳои таҳиянамудаи «Тоҷикфилм» соҳиби 20 ҷоизаи байналмилалӣ гардиданд
Дар Теҳрон дар мавзуи «Мероси адабии Рӯдакӣ» нишасти илмию адабӣ баргузор гардид
«ФЕҲРИСТИ НОМҲОИ МИЛЛИИ ТОҶИКӢ». Кумитаи забон ва истилоҳот ба 330 муроҷиаткунанда барои номгузории фарзандон хулосаи рад дод
НИШАСТИ МАТБУОТӢ. Соли 2024 дар асоси Барномаи рушди кино 17 филм наворбардорӣ гардид
Таълимгирандагони «Ворисони Куруши Кабир» дар Осорхонаи миллӣ бо таъриху тамаддуни тоҷикон шинос шуданд
Дар Тоҷикистон азнавбақайдгирии ёдгориҳои мероси таърихию фарҳангӣ оғоз шуд
АРҒУШТИ СИТОРАГОН БУВАД ДАР ЧАКАНАТ. Чаро баъзе аз духтарон дар пӯшидани либос ба фарҳанги бегона рӯ меоранд?
«ОТАШИ ҶАШНИ САДА ОТАШИ МЕҲРИ ВАТАН АСТ». Дар Душанбе ҷашни Сада ва намоиши тухмии зироати кишоварзӣ баргузор шуд
ҶАШНИ САДА НИЗ БАЙНАЛМИЛАЛӢ ШАВАД. Пешниҳоди академики Академияи миллии илмҳои Тоҷикистон Фарҳод Раҳимӣ дар ин мавзуъ
«САДА ОМАД, КИ ТУРО МУЖДА ДИҲАД АЗ НАВРӮЗ». Дар Душанбе ҷашни Сада бо намоиши тухмии зироати кишоварзӣ оғоз гардид
«САДА-ПАРТАВИ ХУРШЕДИИ ИСТИҚЛОЛ». Дар Осорхонаи миллии Тоҷикистон бахшида ба он конфронси ҷумҳуриявӣ доир шуд
ҶАШНИ САДА ДАР ДЕВАШТИЧ. Он бо риояи суннатҳои аҷдодӣ ва шукуҳу шаҳомати хосса таҷлил шуд
