Маркази миллии тестӣ: имрӯз вохӯриҳои кормандон бо хатмкунандагони муассисаҳои таълимӣ шурӯъ гардиданд

Февраль 3, 2020 16:07

ДУШАНБЕ, 03.02.2020 /АМИТ «Ховар»/. Шурӯъ аз 3 феврал то 6 марти соли равон  тибқи нақшаи фаъолияти Маркази миллии тестии назди Президенти Ҷумҳурии Тоҷикистон дар муассисаҳои таълимии таҳсилоти миёнаи умумӣ, ибтидоӣ ва миёнаи касбии шаҳру ноҳияҳои ҷумҳурӣ вохӯриҳои кормандони Марказ бо хатмкунандагон, падару модари довталабон, омӯзгорон ва алоқамандони дигари низоми имтиҳонҳои марказонидаи дохилшавӣ баргузор мегарданд. Дар ин бора ба хабарнигори АМИТ «Ховар» аз маркази матбуоти Маркази миллии тестӣ иттилоъ доданд.

Бино ба иттилои манбаъ, Маркази миллии тестӣ ба нақша гирифтааст, ки дар 3642 муассисаи таълимии шаҳру ноҳияҳои ҷумҳурӣ вохӯрии таблиғгарони сатҳи ҷумҳуриро доир намояд.

Ҳамчунин иттилоъ дода шуд, ки дар ин вохӯриҳо зиёда аз 150 000 нафар хатмкунанда иштирок меварзанд.

Инчунин барои ташкилу баргузории вохӯриҳо 33 нафар корманди Марказ ба 68 шаҳру ноҳияи ҷумҳурӣ сафарбар карда мешаванд. Тибқи нақша, давоми як ҳафтаи аввал кормандони Марказ дар 181 муассисаи таълимӣ дар вохӯриҳо аҳли ҷомеаро бо низоми ИМД шинос мекунанд.

Дар баробари ин, кормандони Марказ ҳангоми сафари хизматӣ ба шаҳру ноҳияҳои ҷумҳурӣ бо мақсади шиносоӣ пайдо кардани кормандони мақомоти иҷроияи ҳокимияти давлатӣ ва раёсату шуъбаҳои маорифи шаҳру ноҳияҳои ҷумҳурӣ бо онҳо суҳбат ороста, маводи иттилоотӣ, аз ҷумла дастури иттилоотию методии «Роҳнамои довталаб» ва маҷмӯаи саволу масъалаҳои тестиро пешниҳод менамоянд.

Барои огоҳ гаштани аҳли ҷомеа дар шаҳру ноҳияҳои ҷумҳурӣ аз низоми ИМД, инчунин аз тарафи Марказ маводи иттилоотию методӣ ба китобхонаҳо тақдим карда мешаванд, ки зиёда аз 600 маҷмӯаро дар бар мегиранд.

Ба довталабон ва алоқамандони дигари низоми ИМД тавсия дода мешавад, ки дар вохӯриҳои кормандони Марказ ва курсҳои шиносоӣ бо низоми номбурда ширкат намоянд.

Февраль 3, 2020 16:07

Хабарҳои дигари ин бахш

Кормандони Кумита оид ба таҳсилоти ибтидоӣ ва миёнаи касбӣ суханронии Сарвари давлатро ба муносибати Рӯзи дониш якҷоя тамошо намуданд
Ба намояндагони касбу кори гуногуни вилояти Хатлон мукофотҳои давлатӣ тақдим карда шуд
«Барномаи рушди соҳаҳои таҳсилоти ибтидоӣ ва миёнаи касбии Ҷумҳурии Тоҷикистон барои солҳои 2026-2030» қабул гардид
Татбиқи лоиҳаҳои сармоягузорӣ дар соҳаи таҳсилоти ибтидоӣ ва миёнаи касбӣ бо намояндаи Бонки Осиёии рушд баррасӣ гардид
Дар Душанбе оид ба татбиқи иммунизатсия бар зидди вируси папилломаи одам машварати омӯзишӣ оғоз шуд
Татбиқи лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
НЕЪМАТЕ ХУШТАР ЗИ ИСТИҚЛОЛ НЕСТ! Муҳимтарин омили таҳкими истиқлоли Тоҷикистон густариши худшиносию худогоҳии миллӣ аст
Сиёсати иҷтимоии Пешвои миллат такягоҳи суботи иҷтимоӣ ва рушди устувори давлат мебошад
Беш аз 15 ҳазор оилаҳои дар минтақаи зериобшавандаи НБО «Роғун» қарордошта бо манзили доимии зист ва қитъаи замини наздиҳавлигӣ таъмин гардиданд
Тоҷикони муқими шаҳри Толяти аз пешрафту дастовардҳои Тоҷикистон ифтихор менамоянд
Дар Тоҷикистон Рӯзҳои иммунизатсияи иловагӣ бар зидди бемориҳои сурхча ва гулафшон оғоз гардид
Мутахассисон баланд шудани ҳолати ифлосшавии ҳавои атмосфериро дар Тоҷикистон пешгӯӣ менамоянд