Тоҷикистон ва Туркия оид ба осору рӯзгори Мавлоно Ҷалолуддини Балхӣ конфронси муштарак доир менамоянд
ДУШАНБЕ, 27.02.2020. /АМИТ «Ховар»/. Ҷумҳурии Тоҷикистон ва Ҷумҳурии Туркия тасмим гирифтаанд, ки оид ба осору рӯзгори мутафаккири машриқзамин Мавлоно Ҷалолуддини Балхӣ дар ҳамкорӣ бо Академияи илмҳо конфронс ва дигар барномаҳои муштарак баргузор намоянд. Ин нукта 25 феврал зимни мулоқоти Вазири фарҳанги Ҷумҳурии Тоҷикистон Зулфия Давлатзода ва Сафири Фавқулода ва Мухтори Ҷумҳурии Туркия дар Ҷумҳурии Тоҷикистон Алӣ Рифат Кёксал баён гардид.
Дар ин бора ба хабарнигори АМИТ «Ховар» аз маркази матбуоти Вазорати фарҳанги Ҷумҳурии Тоҷикистон иттилоъ доданд.
Ҳамчунин зимни мулоқот масоили умдаи ҳамкории фарҳангии Тоҷикистону Туркия мавриди баррасӣ қарор гирифт.
Вазири фарҳанги ҷумҳурӣ Зулфия Давлатзода оид ба фаъолияти дастгоҳи марказии вазорат ва сохторҳои он, ҳамкорӣ ва равобити дуҷониба дар даврони соҳибистиқлолӣ зери роҳнамоии Президенти Ҷумҳурии Тоҷикистон муҳтарам Эмомалӣ Раҳмон дар меҳвари сиёсати дарҳои боз маълумоти муфассал дод.
Сафири Туркия Алӣ Рифат Кёксал иброз намуд, ки ҷониби Туркия омода аст бо мамлакати дӯсти Тоҷикистон дар тақвияти ҳамкорӣ боз ҳам саъй намояд.
«Куллиёт»-и осори Мирзо Турсунзода рӯнамоӣ гардид
Ба шаҳри Панҷакент Шаҳодатномаи Шаҳри байналмилалии ҳунармандӣ дода шуд
«ТУ ҚАЛБИ ТОҶИКИСТОНӢ, ДУШАНБЕ!» Дар пойтахт озмуни шаҳрӣ идома дорад
«ФАРҲАНГИ СУМАНАКПАЗӢ». Ин таоми миллӣ хусусияти табобатӣ низ дорад
Сокинони ноҳияи Ҷаббор Расулов соҳиби туҳфаи Пешвои миллат — «Шоҳнома»-и Абулқосим Фирдавсӣ мегарданд
«ДАР ҲУНАР КӮШ, КИ ЗАР ЧИЗЕ НЕСТ…». Фаъолияти Аспармо Мавлоназарова барои рушди ҳунарҳои миллӣ намунаи ибрати ҷавонон аст
Дар Душанбе дар мавзуи Куруши Кабир ва Эъломияи умумии ҳуқуқи башар ҳамоиш доир гардид
Туҳфаи Президенти Тоҷикистон — «Шоҳнома»-и Абулқосим Фирдавсӣ ба ноҳияи Мастчоҳ расид
ҲИФЗИ МЕРОСИ МИЛЛӢ ДАР ТОҶИКИСТОН. Тавассути сиёсати хирадмандона имрӯз ҷаҳониён бо таъриху фарҳанги миллати мо шинос мешаванд
Донишкадаи давлатии санъати тасвирӣ ва дизайни Тоҷикистон бо «Россотрудничество» ҳамкориро густариш медиҳад
Дар Институти масъалаҳои об, гидроэнергетика ва экология озмоишгоҳи муштараки муҳити экологӣ ба истифода дода шуд
Фестивали байналмилалии «Сӯзании Панҷакент» баргузор мешавад
