COVID-19. Маслиҳати табиб оид ба сироят наёфтан дар ҷойҳои ҷамъиятӣ

Май 29, 2020 11:11

ДУШАНБЕ, 29.05.2020 /АМИТ«Ховар»/. Мутахассиси дорушинос, номзади илмҳои тиб Андрей Кондрахин дар мусоҳиба бо «Вечерний Москва» қоидаҳои ҳифзи саломатиро ҷиҳати пешгирӣ аз сирояти коронавирус дар ҷойҳои ҷамъиятӣ шарҳ дод.

Мутахассис таъкид намуд, ки ҳангоми рафтан ба кинотеатрҳо пӯшидани дастпӯшак  ва ниқобро набояд фаромӯш кард. Ба гуфти ӯ, бо вуҷуди он ки пас аз ҳар намоиш дар толорҳо  корҳои тамизкунӣ  анҷом дода мешаванд, чораҳои пешгирикунандаро набояд сарфи назар кард.  Масалан, беэтиноӣ  карда,  дастпӯшакҳоро кашидан ва  ба рӯй даст расондан лозим нест.

«Албатта,  бо ниқоби рӯй истеъмоли  хӯрок  аслан имкон надорад, ҳамчуноне, ки бо дастпӯшак гирифтани попкорн ва нӯшокиҳо низ маслиҳат дода намешавад»,- зикр намуд Кондрахин.

Дар  фитнес-марказҳо бояд назорат намуд, ки шахс тамоми чизҳои ламскарда   ва онҷоеро, ки нафаси ӯ расидааст,  тамиз  намояд. Шарти муҳим дар ин ҷо риоя кардани масофаи иҷтимоӣ аст. «Масофаи байни  асбоб бояд якуним метр бошад», — гуфт коршинос.

Кондрахин  таъкид намуд, ки  танҳо бо ниқоб ва дастпӯшакҳои пахтагин, ки аз дохили каф резинӣ ҳастанд,  метавон ба варзиши бадан  машғул шуд.

«Барои пок кардани арақи бадан сачоқи калонеро  интихоб намоед ва  тарафи даст   расондаатонро нишона кунед, то он паҳлӯро ба рӯй нарасонед», — гуфт ӯ.

Ҳамчунин дар марказҳои савдо ҳангоми харид аз  мағозаҳои косметикӣ бояд эҳтиёткорона рафтор   намуд. Намунаҳое, ки барои санҷиш гузошта шудаанд, метавонанд хатарзо бошанд. Вақте мо атрро бӯй мекашем, босуръат нафас  мегирем  ва агар дар наздамон беморе бо  COVID-19 қарор дошта бошад, эҳтимоли сироятёбӣ ба маротиб меафзояд, таъкид  намудааст Кондрахин.

Табиб ҳамчунин  ба муштариёни кошонаҳои ҳусн маслиҳат медиҳад, ки бо асбоби худ ба он ҷо бираванд.

Ёдовар мешавем, ки дар 49 кишвари олам, аз ҷумла Иёлоти Муттаҳидаи Америка, Франсия, Германия, Белгия, Чехия, Руминия, Италия, Сингапур ва Ҳиндустон  пӯшидани ниқоб дар ҷойҳои ҷамъиятӣ ҳатмист.

                                                          АКС аз сомонаи Kubnews.ru

Май 29, 2020 11:11

Хабарҳои дигари ин бахш

Гӯштини тоҷикӣ мақоми байналмилалӣ гирифт
ЭҲЁИ ҶАШНИ САДА ДАР ТОҶИКИСТОНИ СОҲИБИСТИҚЛОЛ. Мулоҳизаҳои мушовири бахши Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Масрур Абдуллозода
ТАВОНО БУВАД, ҲАР КӢ ДОНО БУВАД (андешаҳо перомуни Паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон)
ОБШАВИИ ПИРЯХҲО-МУШКИЛИ ҶАҲОНӢ. Пешниҳодҳо ва саҳми дурахшони Президенти Тоҷикистон дар масъалаи пешгирии маҳви пиряхҳои сайёра назаррас аст
ПАЁМ НАВИДЕ ФАРАҲБАХШ. Бардоштҳои мушовири бахши Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Муҳиддин Пайшанбезода дар ин бора
SIM-КОРТҲОЯТОНРО ДАР ВАҚТАШ АЗ ҚАЙД ГУЗАРОНЕД! Хабарнигори АМИТ «Ховар» бори дигар ба таваҷҷуҳ мерасонад, ки барои ин кор кадом ҳуҷҷатҳо заруранд
ЭҲТИЁТ: САКТАИ ДИЛ АЗ САРДӢ! Табиби қалб ба АМИТ «Ховар» доир ба сабабҳои авҷ гирифтани бемориҳои дилу рагҳо дар фасли зимистон маълумот дод
БИШКЕК ДАР САДРИ РӮЙХАТИ 100 ШАҲРИ ДОРОИ ҲАВОИ ОЛУДА ҚАРОР ГИРИФТ. Миёни чанд шаҳри ИДМ, ки ба ин феҳрист шомил шудаанд, ягон шаҳри Тоҷикистон нест
АМАЛИ ХАЙР ВА ИБРАТОМӮЗ! Дар Мастчоҳ ба беш аз 200 нафар кормандони идораи роҳ ва хоҷагии манзилию коммуналӣ, ки дар паи рафъи пайомадҳои бориши барф буданд, хӯроки гарм дода шуд
Дар Тоҷикистон нархи гази моеъ тақрибан 50% поён рафт
БА БИНОҲО НАЗДИК НАШАВЕД! КҲФ ва МГ аз сокинон даъват ба амал овард, ки чораҳои бехатариро риоя намоянд
ПАЁМИ ФАРОГИР ВА ДУРНАМОИ РУШДИ КИШВАР БО ТАШАББУСҲОИ ҶАҲОНӢ. Мулоҳизаҳои Президенти Академияи миллии илмҳои Тоҷикистон дар ҳошияи Паёми Сарвари давлат

Маводҳои таҳлилӣ