Ба Маркази ҳамоҳангсозии Вазорати тандурустӣ ва ҳифзи иҷтимоии аҳолӣ барои муқовимати фаврӣ ба COVID-19 таҷҳизоти техникӣ ва иттилоотӣ дастрас гардид
ДУШАНБЕ, 13.06.2020 /АМИТ «Ховар»/. Барномаи Рушди Созмони Милали Муттаҳид дар Тоҷикистон иқдоми Вазорати тандурустӣ ва ҳифзи иҷтимоии аҳолии Ҷумҳурии Тоҷикистонро дар таъсиси Маркази ҳамоҳангсозӣ барои муқовимати фаврӣ ба COVID-19 дастгирӣ карда, 12 июн барои ин марказ таҷҳизоти техникӣ дастрас намуд, хабар медиҳад АМИТ «Ховар» бо истинод ба маркази матбуоти вазорат.
Дар маросими супоридани таҷҳизот муовини якуми вазири тандурустӣ ва ҳифзи иҷтимоии аҳолии Ҷумҳурии Тоҷикистон Саида Умарзода ва Намояндаи доимии Барномаи Рушди СММ дар Тоҷикистон Пратибҳа Меҳта иштирок намуданд.
Саида Умарзода зимни суханронии хеш иброз намуд, ки фаъолияти Маркази ҳамоҳангсозӣ дар вазорат имкон фароҳам овард, ки то имрӯз як зумра видеоконфронсу вохурӣ ва ҷаласаҳои вазорат ба тариқи он доир шаванд. «Инчунин, бо мақсади табодули таҷриба дар роҳи пешгирӣ ва табобати беморони гирифтори COVID-19 бо иштироки мутахассисони соҳаи тибби Чин, Ӯзбекистон ва роҳбарону кормандони беморхонаҳои шаҳру ноҳияҳои мамлакат чандин суҳбатҳои видеоӣ баргузор гардида, дар ҷараёни онҳо роҳҳои пешгирӣ ва табобати ин беморӣ мавриди баррасӣ қарор дода шуданд», — ёдовар шуд муовини якуми вазири тандурустӣ ва ҳифзи иҷтимоии аҳолӣ.
Илова бар ин, ӯ тазаккур дод, ки бо иштироки сармутахассисони соҳавии вазорат ва табибони шаҳру ноҳияҳои кишвар ба воситаи Маркази ҳамозангсозӣ якчанд машғулиятҳои омӯзишии онлайнӣ доир гардида, аз ҷониби олимони соҳа ба онҳо тавсияҳои муфид дода шуд.
«Ҳамзамон, ҷаласаи ҳайати мушовараи вазорат вобаста ба ҷамъбасти фаъолият дар семоҳаи аввали соли 2020 низ ба тариқи Маркази ҳамоҳангсозӣ баргузор гардид, ки дар он сардорони раёсатҳо ва роҳбарони муассисаҳои тандурустии мамлакат иштирок ва аз фаъолияти семоҳаи хеш ҳисобот доданд», – афзуд С. Умарзода.
Дар охир ҷиҳати тақдими таҷҳизоти техникӣ ба Маркази ҳамоҳангсозӣ ҷонибҳо созишнома ба имзо расониданд.
Бояд гуфт, ки Маркази ҳамозангсозӣ як бахши нақшаи Вазорати тандурустӣ ва ҳифзи иҷтимоии аҳолии Ҷумҳурии Тоҷикистон барои таъмини омодагӣ ва вокуниш ба COVID-19 буда, барои мусоидати табодули иттилоот дар манотиқи гуногуни кишвар ва пойтахт, беҳбуди тавофуқ байни шарикони гуногуни ниҳодӣ ва мусоидат ба мубодилаи дониш бо кишварҳои дигар, таъсис ёфтааст.
Вазорат ин марказро дар сатҳи миллӣ дар вилоятҳои Суғду Хатлон, ВМКБ ва ду марказ дар шаҳри Душанбе таъсис дода, он аллакай дар шароити мустақим (онлайн) санҷида шуд ва саҳми худро дар таъмини ҷамъу санҷиши рақамҳову иттилооти сирояти вируси COVID-19 гузошт. Он ҳамчунин ба вазорат имкони пахшу тавзеъи дониши коршиносони аршади тибби кишварро ба манотиқ фароҳам овард.
Вайрон намудани қоида ва меъёрҳои истифодаи қувваи барқ ҷиноят аст
Эмомалӣ Раҳмон: «Масъалаи талафоти неруи барқ ва истифодаи ғайриқонунии он дар ҷумҳурӣ ташвишовар аст»
Дар маҷаллаи «The Diplomatic Insight» мақолаи олимони тоҷик таҳти унвони «Эмомалӣ Раҳмон – Пешвои дипломатияи байналмилалӣ» ба нашр расид
Сарвазири Тоҷикистон бо рафти корҳои бартарафсозии оқибатҳои офати табиӣ дар ноҳияи Тоҷикобод шинос шуд
Президенти Тоҷикистон Эмомалӣ Раҳмон: «Пиряхҳои мо танҳо манбаи об барои минтақа набуда, дар ҳифзи иқлими минтақа низ нақши муҳим мебозанд»
Пиряхҳои Тоҷикистон боигарии бебаҳои табиӣ ва сарчашмаҳои муҳими оби тоза дар Осиёи Марказӣ мебошанд
ҶОИЗАИ «ШАҲРИ СУЛҲ». Онро Душанбе барои саҳми беандоза дар таҳкими сулҳ ва арзишҳои башарӣ бо қарори ЮНЕСКО соҳиб гардид
МАСЪУЛИЯТИ ШАҲРВАНДӢ. Барои ғайриқонунӣ истифода бурдани неруи барқ ҷавобгарии ҷиноятӣ муқаррар гардид
Президенти Комиссияи Иттиҳоди Аврупо Урсула фон дер Ляйен аз иқтидори бузурги Неругоҳи азими барқи обии «Роғун»-и Тоҷикистон ёдовар шуд
Президенти Тоҷикистон тавсеаи ҳамкории давлатҳои Осиёи Марказиро бо Иттиҳоди Аврупо дар соҳаи энергетикаи «сабз» аз самтҳои ояндадор номиданд
Эмомалӣ Раҳмон: «Пиряхҳои Тоҷикистон танҳо манбаи об барои минтақа набуда, дар нигоҳдории иқлими минтақа низ нақши муҳим мебозанд»
