Оғози корҳо дар майдонҳои пахтаи вилояти Суғд
ДУШАНБЕ, 04.06.2020. /АМИТ «Ховар»/. Дар ин рӯзҳо дар майдонҳои 7 ноҳияи пахтакори вилояти Суғд — Ашт, Б.Ғафуров, Ҷ.Расулов, Конибодом, Мастчоҳ, Спитамен ва Зафаробод кишти пунбадона ба анҷом расида, кишоварзон вобаста ба имкониятҳои мавҷуда ва ҳавои мусоид дар майдонҳои пахтазор ба коркарди байни қаторҳо, ягонакунӣ ва пошидани доруҳои минералӣ машғуланд. Ҳамзамон деҳқонон баҳри эмин нигоҳ доштани зироати пахта аз касалӣ ва ҳашароти зараррасон коркарди кимиёвӣ ва биологӣ гузаронида истодаанд.
Дар ин бора аз Сарраёсати идораи кишоварзии вилояти Суғд ба хабарнигори минтақавии АМИТ «Ховар» хабар доданд.
Соли равон пахтакорони вилояти Суғд баҳри афзун намудани ҳосили «тиллои сафед» майдони кишти пахтаро ба беш аз 60 ҳазор гектар расонида, азм доранд бо иҷрои саривақтии корҳои саҳроӣ ҳосили хуб рӯёнанд.
Имсол дар майдонҳои пахтазори хоҷагиҳо беш аз 15 навъи тухмии пунбадона, аз ҷумла, тухмиҳои маҳаллии «Хуҷанд-67», «Ориёӣ» ва «Ирам-1» ва тухмиҳои воридотии хориҷӣ, аз қабили чинии «Синтзян» ва «Тиннян», туркии «Флеш» ва «Глория» кошта шуданд. Ҳоло нашъунамои ниҳолҳо хуб буда, пахтакорони вилоят нақша доранд имсол низ беш аз яксаду сӣ ҳазор тонна «дурри гаронбаҳо» ҷамъоварӣ намоянд.
Соли гузашта пахтакорони Суғд дар 57 ҳазор гектар чигит кошта, ба ҷойи 129 ҳазору 50 тонна дар маҷмӯъ 140 283 тонна «тиллои сафед» ҷамъоварӣ намуданд.
Акс аз бойгонӣ
Дар Душанбе бахшида ба Рӯзи кормандони мақомоти назорати давлатии молиявӣ ва мубориза бо коррупсия ҷамъомад баргузор шуд
ИМРӮЗ — РӮЗИ КОРМАНДОНИ МАҚОМОТИ НАЗОРАТИ ДАВЛАТИИ МОЛИЯВӢ ВА МУБОРИЗА БО КОРРУПСИЯ. Аз таъсиси Агентии назорати давлатии молиявӣ ва мубориза бо коррупсия 19 сол пур шуд
Неругоҳи барқи обии «Себзор» давоми фаъолият беш аз 21 миллион кВт-соат неруи барқ истеҳсол намудааст
Баҳодур Шерализода: «Қабули Қатъномаи ЮНЕП дар пешбурди дипломатияи муҳити зисти Тоҷикистон нақши назаррас дорад»
Агентии «Тоҷикстандарт»: «Аз маҳсулоти ширкати «Nestle» бо тамғаи NAN дар марҳилаи муайяншуда истифода набаред!»
Тоҷикистон ҳамкориро бо Бонки осиёии сармоягузории инфрасохторӣ тақвият медиҳад
Бонки миллии Тоҷикистон: иттилои паҳншуда дар бораи он, ки Бонки миллӣ бо 1 фоиз қарз медиҳад, воқеият надорад
Дар Ишкошим зеристгоҳи барқии «Қозидеҳ» ба истифода дода мешавад
Дар Вазорати рушди иқтисод ва савдо оид ба иҷрои супоришҳои Президенти Тоҷикистон дар Паём ба Маҷлиси Олӣ ҷаласа доир шуд
Дар Тоҷикистон лоиҳаи Қонун дар бораи сиёсати аграрӣ таҳия мегардад
Дар Панҷакент ҷаласаи Шуро оид ба рушди соҳибкорӣ ва беҳтар намудани фазои сармоягузорӣ баргузор гардид
Дар хоҷагии ҷангали ноҳияи Данғара дар 44 гектар ниҳолҳои пистаҳои хушкшуда барқарор гардид
