Дар ноҳияи Бобоҷон Ғафуров заминҳои наздиҳавлигиро барои таъмини эҳтиёҷоти рӯзгор самаранок истифода мебаранд
ДУШАНБЕ, 19.07.2020 /АМИТ «Ховар»/. Дар ноҳияи Бобоҷон Ғафуров ҷиҳати иҷрои дастуру ҳидоятҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар самти истифодаи самараноки замин тадбирҳои зарурӣ андешида мешавад.
Тавре АМИТ «Ховар» бо истинод ба Хадамоти матбуоти Раиси вилояти Суғд хабар медиҳад, сокинони ноҳия заминҳои наздиҳавлигии хешро барои кишту парвариши меваву сабзавот истифода бурда, аз ҳосили ба дастовардаи худ маводи ғизоиро захира менамоянд.
16 июл Раиси вилояти Суғд Раҷаббой Аҳмадзода дар Ҷамоати шаҳраки Ғафуров ва Ҷамоати деҳоти Исфисор бо тарзи истифодабарии заминҳои наздиҳавлигӣ таваҷҷуҳ зоҳир намуд. Нахуст роҳбари вилоят аз манзили Дилбар Ғиёсова боздид намуд ва тавре аён гардид, оилаи Ғиёсовҳо замини худро барои рӯёнидани ҳосили дуюм омода намуда истодаанд. Дилбар Ғиёсова ва аҳли оилааш ҳамзамон барои таъмини эҳтиёҷоти худ бо истифода аз мавсими ғуну чини меваву сабзавот маҳсулоти консервагиро захира кардаанд.
Саломат Эргашева, сокини дигари ноҳия имсол низ чун анъана тибқи эҳтиёҷ барои аҳли оилаи худ маҳсулоти гуногунро захира намуда истодааст. Мавсуф дар суҳбат бо Раиси вилоят изҳор дошт, ки имсол маҳсулоти кишоварзӣ фаровон аст ва оилаи Эргашевҳо ҳамасола маҳсулоти заруриро захира менамояд.
Ин зани соҳибтаҷриба илова бар корҳои рӯзгор дар як гӯшаи ҳавлии худ коргоҳи хурди дӯзандагӣ ташкил карда, барои ҷавондухтарони маҳал имконият фароҳам овардааст, ки ҳунари дӯзандагиро азхуд намоянд.
Раҷаббой Аҳмадзода ҳангоми боздид таъкид кард, ки таҷрибаи рӯзгордории чунин сокинон намунаи ибрат ва шоистаи пайравӣ аст.
АКС аз Хадамоти матбуоти Раиси вилояти Суғд
Директори генералии Хазинаи Қатар оид ба рушд бо ҷараёни корҳои сохтмонӣ дар НБО «Роғун» шинос шуд
Байни Тоҷикистон ва Хазинаи Қатар оид ба рушд Созишномаи қарзи имтиёзнок барои сохтмони НБО «Роғун» ба имзо расид
Дар Москва ҷаласаи навбатии коршиносони Шурои роҳбарони хадамоти гумруки ИДМ баргузор гардид
Тоҷикистон ва Чин барои бунёди роҳҳои дусатҳа дар шаҳри Душанбе ба мувофиқа расиданд
Донишгоҳи байналмилалии сайёҳӣ ва соҳибкории Тоҷикистон ҳамкориро бо ширкатҳои хориҷӣ тақвият мебахшад
Ҷаласаи Шурои ҳамоҳангсозӣ оид ба масъалаҳои омӯзиши касбии кормандони бонкҳои марказӣ (миллӣ) доир шуд
Дар Агентии авиатсияи гражданӣ гардиши ҳуҷҷатҳои электронӣ пурра ба роҳ монда шуд
Ифтитоҳи парвозҳои мустақим дар самти Душанбе – Сиан ва Душанбе – Гуанҷоу баррасӣ гардид
«Стратегияи ҷалби сармоя ба Ҷумҳурии Тоҷикистон барои давраи то соли 2040» дар Шурои ҳамоҳангсози рушд муаррифӣ гардид
Тоҷикистон ва Чин ҳамкориро дар соҳаи инноватсия ва технологияҳои рақамӣ тақвият медиҳанд
Ҳамкории Тоҷикистон бо Барномаи Рушди СММ дар доираи лоиҳаҳои муштарак муҳокима гардид
Дар Истаравшан оид ба истифодаи сарфакоронаи неруи барқ ҷаласа доир гардид
