Гулнора Ҳасанзода: «Дар Тоҷикистон ҳаҷми истеҳсоли маҳсулоти кишоварзӣ 8,2 фоиз зиёд шудааст»

Июль 30, 2020 13:40

ДУШАНБЕ, 30.07.2020 /АМИТ «Ховар»/. Ҳаҷми истеҳсоли маҳсулоти кишоварзӣ дар хоҷагиҳои ҷамъиятӣ ва деҳқонӣ (якҷо бо хоҷагиҳои аҳолӣ) дар давраи ҳисоботӣ 9393,8 млн. сомониро ташкил дод, ки нисбат ба ҳамин давраи соли гузашта бо нархҳои муқоисавӣ 8,2 фоиз зиёд шудааст. Ин маълумотро имрӯз зимни нишасти матбуотӣ директори Агентии омори назди Президенти Ҷумҳурии Тоҷикистон  Гулнора Ҳасанзода манзури намояндагони воситаҳои ахбори омма намуд.

«Дар ҷумҳурӣ истеҳсоли меваҷот дар ҳамаи категорияҳои хоҷагидорӣ 1,8 фоиз зиёд гардида, ба 123515 тонна расонида шудааст.  Себ нисбат ба ҳамин давраи соли гузашта 12,2 фоиз зиёд ва зардолу 0,7 фоиз кам шудааст. Истеҳсоли ангур дар моҳҳои январ-июни соли 2020 дар ҳамаи категорияҳои хоҷагидорӣ 2148 тоннаро ташкил дода, нисбат ба ҳамин давраи соли гузашта 9,9 фоиз зиёд мебошад», — илова намуд Г. Ҳасанзода.

Ба иттилои номбурда, дар ин давра, аз ҷумла маҳсулоти растанипарварӣ 8,5 фоиз ва чорвопарварӣ 7,5 фоиз афзудааст. Дар ҷумҳурӣ истеҳсоли ғалладонагиҳо дар ҳамаи категорияи хоҷагидорӣ 606443 тоннаро ташкил дода, нисбат ба ҳамин давраи соли гузашта 5,5 фоиз зиёд шудааст. Истеҳсоли гандум нисбат ба ҳамин давраи соли гузашта 6,1 фоиз зиёд мебошад.

Дар ҷумҳурӣ истеҳсоли картошка дар ҳамаи категорияи хоҷагидорӣ 196815 тоннаро ташкил дода, нисбат ба ҳамин давраи соли гузашта 22,2 фоиз кам мебошад. Дар ин давра дар ҷумҳурӣ истеҳсоли сабзавот дар ҳамаи категорияи хоҷагидорӣ 15,0 фоиз ва  зироати полезӣ 16,4 фоиз зиёд шудааст.

Июль 30, 2020 13:40

Хабарҳои дигари ин бахш

Сарвазири мамлакат Қоҳир Расулзода бинои нави маҷмааи озмоишгоҳҳои ташхиси маҳсулоти хӯроквориро ифтитоҳ намуд
Намояндагони Бонки Авруосиёии рушд, Фонди Авруосиёии стабилизатсионӣ ва рушд аз МОИ «Кӯлоб» боздид намуданд
Имрӯз аз санаи ба муомилот баровардани пули коғазии «3», «200» ва «500» сомонӣ 10 сол сипарӣ шуд
Дар Кӯлоб маъракаи ҷамъоварии пахта оғоз гардид
Дар Душанбе тавсеаи ҳамкорӣ дар соҳаи нақлиёт байни Тоҷикистон ва Япония матраҳ гардид
29 СОЛИ БОБАРАКАТ. Дар ин муддат беш аз 2000 км роҳҳои мошингард, 31 км нақб, беш аз 240 адад пул, 3,4 км галереяҳои зиддитармавӣ ва 214 км роҳҳои оҳан бунёд шуданд
Ҷамшед Нурмаҳмадзода: «Низоми бонкии мамлакат ҳамқадами Истиқлолияти давлатии Тоҷикистон пеш меравад»
COVID-19. Раиси «Амонатбонк» ва ҳайати Хазинаи байналмилалии асъор таъсири коронавирус ба фаъолияти низоми бонкӣ дар Тоҷикистонро баррасӣ намуданд
Дар минтақаи озоди иқтисодии «Кӯлоб» нахустин субъекти соҳибкорӣ ба қайд гирифта шуд
Дар ноҳияи Бобоҷон Ғафуров маъракаи ҷамъоварии пахта оғоз шуд
Дар Тоҷикистон ба кормандоне, ки ба корҳои дорои хусусияти сайёр ва усули вахтавӣ машғуланд, иловапулӣ пардохта мешавад
Шабакаҳои барқи ноҳияи Ёвон ба давраи зимистон омодаанд? Шарҳи хабарнигори АМИТ «Ховар»